Kitchen Vastu Tips: ಅಡುಗೆ ಮನೆಯಲ್ಲಿ ಈ ಬಣ್ಣದ ಚಿತ್ರ ತೂಗು ಹಾಕಿ, ನಿಮ್ಮ ಮನೆಯಲ್ಲಿ ಆಹಾರದ ಕೊರತೆಯೇ ಬರೋದಿಲ್ಲ!

ವಾಸ್ತು ಶಾಸ್ತ್ರದಲ್ಲಿ ಮನೆಯ ಪ್ರತಿಯೊಂದು ಕೋಣೆಗಳೂ ವಾಸ್ತು ನಿಯಮದ ಪ್ರಕಾರ ಇರಬೇಕು ಎಂದು ಹೇಳುತ್ತದೆ. ಇದಕ್ಕೆ ಅಡುಗೆ ಕೋಣೆಯೇನೂ ಹೊರತಾಗಿಲ್ಲ. ಮನೆಯಲ್ಲಿ ಅಡುಗೆ ಕೋಣೆ ಅನ್ನೋದು ಹೆಚ್ಚು ಪ್ರಾಶಸ್ತ್ಯ ಹೊಂದಿರುವ ಕೋಣೆ. ಮನೆಯಲ್ಲಿ ಇತ್ತೀಚೆಗೆ ಕುಟುಂಬದ ಸದಸ್ಯರು ಒಟ್ಟಿಗೆ ಸೇರುವುದು ಒಂದೇ ಒಂದು ಸಮಯ ಎಂದರೆ ಅದು ಊಟ, ತಿಂಡಿ ಸಮಯ.

ಮನೆಯವರು ಆರೋಗ್ಯವಾಗಿರಬೇಕೆಂದರೆ ಆಹಾರ ಕೂಡ ಮುಖ್ಯ ಮತ್ತು ಎಲ್ಲಾ ಒಟ್ಟಿಗೆ ಕಾಲ ಕಳೆಯುವ ಸಮಯ ಕೂಡ ಇದೇ. ಆರೋಗ್ಯದಲ್ಲಿ ಆಹಾರ ಪ್ರಮುಖ ಪಾತ್ರವಹಿಸಿದಂತೆ, ಅಡುಗೆ ಮನೆಯ ವಾಸ್ತುವೂ ನಮ್ಮ ಆರೋಗ್ಯ ಹಾಗೂ ಮನೆಯ ಸಮೃದ್ಧಿಗೆ ಪೂರಕವಾಗಿರುತ್ತದೆ.

ಅಡುಗೆ ಮನೆ ವಾಸ್ತು: ಮನೆಯ ಅಡುಗೆ ಮನೆಯು ಪೂರ್ವ ಮತ್ತು ಆಗ್ನೇಯ ದಿಕ್ಕು ಆಗಿದ್ದರೆ ಅನುಕೂಲಕರ. ಅಡುಗೆ ಮಾಡುವಾಗ ಗ್ಯಾಸ್‌ ಸ್ಟವ್​ ಅನ್ನು ಅಡುಗೆ ಮಾಡುವವರು ಪೂರ್ವ ದಿಕ್ಕಿಗೆ ಅಭಿಮುಖವಾಗಿ ನಿಂತು ಅಡುಗೆ ಮಾಡುವಂತೆ ಇಡಬೇಕು. ಉತ್ತರ ದಿಕ್ಕು ನೀರಿನ ದಿಕ್ಕು ಆದ್ದರಿಂದ ಕುಡಿಯುವ ನೀರನ್ನು ಉತ್ತರ ದಿಕ್ಕಿನಲ್ಲೇ ಇಡಬೇಕು, ಸಿಂಕ್‌ ಕೂಡಾ ಇದೇ ದಿಕ್ಕಿನಲ್ಲಿ ಇಡಬಹುದು. ಮೈಕ್ರೋವೇವ್‌ ಹಾಗೂ ಇತರ ಇಲೆಕ್ಟ್ರಾನಿಕ್‌ ವಸ್ತುಗಳನ್ನು ಅಡುಗೆ ಮನೆಯ ದಕ್ಷಿಣ ದಿಕ್ಕಿನಲ್ಲಿ ಇರಿಸಿ. ಇನ್ನೂ ಡೈನಿಂಗ್‌ ಟೇಬಲ್‌ ವಾಯುವ್ಯ ಸ್ಥಳದಲ್ಲಿಟ್ಟರೆ ಉತ್ತಮ.

ಮನೆಯಲ್ಲಿ ಆಹಾರದ ಕೊರತೆ ಉಂಟಾಗದೇ ಇರುವುದಕ್ಕೆ ಇರುವ ವಾಸ್ತು ಸಲಹೆಗಳೇನು?: ಮನೆ ಅಂದರೆ ಅಲ್ಲಿ ತಿನ್ನುವ ಆಹಾರ ಸುಭೀಕ್ಷವಾಗಿರಬೇಕು. ಆಹಾರವನ್ನು ಅನ್ನಪೂರ್ಣೆ ಎನ್ನಲಾಗುತ್ತದೆ. ಇದೇ ಕಾರಣಕ್ಕೆ ಅಡುಗೆ ಮನೆಯೇ ಮನೆಯಲ್ಲಿ ಪ್ರಮುಖ ಸ್ಥಾನ. ಹೀಗೆ ಆಹಾರದ ಯಾವುದೇ ಕೊರತೆ ಉಂಟಾಗದೇ ಇರುವುದಕ್ಕೂ ವಾಸ್ತು ಇದೆ. ಆಹಾರದ ಹರಿವಿಗೆ ವಾಸ್ತು ಒಂದು ಕಡೆಯಾದರೆ, ಕೆಲ ವಸ್ತುಗಳನ್ನು ಇಡುವುದು ಸಹ ಆಹಾರದ ಕೊರತೆಯನ್ನು ತಪ್ಪಿಸುತ್ತದೆ.

ಹಾಗಾದರೆ ಅಡುಗೆ ಮನೆಯಲ್ಲಿ ಯಾವ ಬಣ್ಣದ ಚಿತ್ರವನ್ನು ತೂಗು ಹಾಕಿದರೆ ಮನೆಯಲ್ಲಿ ಆಹಾರದ ಕೊರತೆ ಉಂಟಾಗುವುದಿಲ್ಲ ಎಂಬುದನ್ನು ನೋಡೋಣ. ವಾಸ್ತು ಶಾಸ್ತ್ರದಲ್ಲಿ, ಆಚಾರ್ಯ ಇಂದು ಪ್ರಕಾಶ್ ಅವರು ನಮ್ಮ ಅಡುಗೆಮನೆಯಲ್ಲಿ ಬಳಸಬೇಕಾದ ಚಿತ್ರಗಳು ಮತ್ತು ವರ್ಣಚಿತ್ರಗಳ ಬಣ್ಣವನ್ನು ಓದುಗರಿಗೆ ತಿಳಿಸಿ ಕೊಟ್ಟಿದ್ದಾರೆ.

ಬಿಳಿ ಅಥವಾ ಚಿನ್ನದ ಬಣ್ಣ: ಮನೆಯ ಅಡುಗೆಮನೆಯಲ್ಲಿ ಬಿಳಿ ಅಥವಾ ಚಿನ್ನದ ಬಣ್ಣವನ್ನು ಬಳಸಬೇಕು. ಅಡುಗೆಮನೆಯಲ್ಲಿ ಈ ಬಣ್ಣಗಳ ಚಿತ್ರವನ್ನು ನೇತು ಹಾಕಿದರೆ ಮನೆಯಲ್ಲಿ ಆಹಾರದ ಕೊರತೆ ಎಂದಿಗೂ ಉಂಟಾಗುವುದಿಲ್ಲ.

ಗುಲಾಬಿ ಮತ್ತು ಹಳದಿ: ಈ ಬಣ್ಣದ ಚಿತ್ರವನ್ನು ಅಡುಗೆ ಮನೆಯಲ್ಲಿ ಇರಿಸುವುದರಿಂದ ಆಹಾರದ ಕೊರತೆ ಎದುರಾಗುವುದಿಲ್ಲ ಎಂಬ ನಂಬಿಕೆ ಇದೆ. ಇದನ್ನು ಪೂಜೆಯ ಮನೆಯಲ್ಲೂ ಸಹ ಇಡಬಹುದು ಹಾಗು ಸ್ನಾನಗೃಹದಲ್ಲಿ ಕೂಡ ಈ ಬಣ್ಣದ ಚಿತ್ರವನ್ನು ಹಾಕಬಹುದು.

ಬಿಳಿ ಮತ್ತು ನೀಲಿ: ಬಾತ್ರೂಮ್‌ನಲ್ಲಿ ನೀಲಿ ಅಥವಾ ಬಿಳಿ ಬಣ್ಣದ ಚಿತ್ರವನ್ನು ಹಾಕಿ. ಇದರಿಂದ ಮನೆಯ ಸದಸ್ಯರು ಆರೋಗ್ಯವಾಗಿರುತ್ತಾರೆ ಮತ್ತು ಆಹಾರದ ಹರಿವು ಹೆಚ್ಚಿರುತ್ತದೆ. ಅಡುಗೆ ಮನೆಯಲ್ಲಿ ಮಾತ್ರವಲ್ಲದೇ ಮನೆಯಲ್ಲಿ ಹೆಚ್ಚಿನ ವಾಹನಗಳಿದ್ದರೆ ಹಳದಿ ಅಥವಾ ಕಂದು ಬಣ್ಣದ ಚಿತ್ರವನ್ನು ನೇತು ಹಾಕಬಹುದು.