Gajakesari Yoga: ಬದಲಾಗಿದೆ ಈ ರಾಶಿಯವರ ಜಾತಕ, ರಾಜಯೋಗದಿಂದ ಲಕ್ ಚೇಂಜ್

ಜ್ಯೋತಿಷ್ಯದ ಪ್ರಕಾರ, ಗ್ರಹಗಳ ರಾಶಿ ಬದಲಾವಣೆಯು ಎಲ್ಲಾ 12 ರಾಶಿಗಳ ಮೇಲೆ ಪರಿಣಾಮ ಬೀರುವ ಸಾಧ್ಯತೆಯಿದೆ. ಕೆಲವೊಮ್ಮೆ ಒಂದೇ ರಾಶಿಯಲ್ಲಿ ಎರಡು ಗ್ರಹಗಳ ಸಂಯೋಗವಾಗುತ್ತದೆ. ಈ ಸಂಯೋಗವಾದ ಸಂದರ್ಭದಲ್ಲಿ ಅದು ಅನೇಕ ಶುಭ ಮತ್ತು ಅಶುಭ ಯೋಗಗಳನ್ನು ಸೃಷ್ಟಿಯಾಗುತ್ತದೆ.

ಒಂದೇ ರಾಶಿಯಲ್ಲಿ ಎರಡು ಅಥವಾ ಹೆಚ್ಚಿನ ಗ್ರಹಗಳ ಸಂಯೋಗವನ್ನು ಯುತಿ ಎಂದು ಕರೆಯಲಾಗುತ್ತದೆ. ನಿನ್ನೆಯಷ್ಟೇ ಅಂದರೆ ಮೇ 17ರಂದು ವಿಶೇಷ ರಾಜಯೋಗ ರೂಪುಗೊಂಡಿದೆ. ಗುರು ಮತ್ತು ಚಂದ್ರನ ಸಂಯೋಗದಿಂದ ಅಪರೂಪದ ಗಜಕೇಸರಿ ರಾಜಯೋಗ ರೂಪುಗೊಂಡಿದೆ.

ಮೇ 17 ರಂದು ರಾತ್ರಿ 7.39 ಕ್ಕೆ ಚಂದ್ರ ಮೀನ ರಾಶಿಯಿಂದ ಮೇಷ ರಾಶಿಗೆ ಪ್ರವೇಶಿಸಿದ್ದಾನೆ. ಎರಡೂವರೆ ದಿನ ಅಂದರೆ ಮೇ 19ರವರೆಗೆ ಇದೇ ರಾಶಿಯಲ್ಲಿ ಚಂದ್ರ ಇರುತ್ತಾನೆ. ಗುರು ಈಗಾಗಲೇ ಮೇಷ ರಾಶಿಯಲ್ಲಿದ್ದಾನೆ. ಈ ಗುರು ಚಂದ್ರನಿಂದಾಗಿ ಗಜ ಕೇಸರಿ ಯೋಗವುಂಟಾಗುತ್ತದೆ. ಜ್ಯೋತಿಷ್ಯದಲ್ಲಿ ಈ ಯೋಗವನ್ನು ಅತ್ಯಂತ ಪವಿತ್ರವೆಂದು ಪರಿಗಣಿಸಲಾಗಿದೆ. ಈ ರಾಜಯೋಗದಿಂದ ಯಾವೆಲ್ಲಾ ರಾಶಿಗೆ ಲಾಭವಾಗುತ್ತದೆ ಎಂಬುದು ಇಲ್ಲಿದೆ.

ಮೇಷ: ಗಜಕೇಸರಿ ರಾಜಯೋಗ ರಚನೆಯಾಗುವುದರಿಂದ ಮೇಷ ರಾಶಿಯವರಿಗೆ ವಿಶೇಷ ಲಾಭ ಆಗುತ್ತದೆ. ಈ ಯೋಗದ ಕಾರಣದಿಂದ ಸಂಪತ್ತು ಮತ್ತು ಸಮೃದ್ಧಿ ಹೆಚ್ಚಾಗುತ್ತದೆ. ಈ ಸಮಯದಲ್ಲಿ ಯಾವುದೇ ಕೆಲಸ ಮಾಡಿದರೂ ಯಶಸ್ಸು ಸಿಗುತ್ತದೆ. ಒಟ್ಟಾರೆ ನಿಮ್ಮ ಎಲ್ಲಾ ಆಸೆಗಳು ಈಡೇರುತ್ತವೆ.

ಮಿಥುನ: ಗುರು ಮತ್ತು ಚಂದ್ರನ ಈ ಸಂಯೋಜನೆ ಮಿಥುನ ರಾಶಿಯವರ ಬದುಕನ್ನು ಬದಲಾಯಿಸುತ್ತದೆ. ಅಲ್ಲದೇ, ಇದರಿಂದ ಸಮಾಜದಲ್ಲಿ ಗೌರವ, ಸ್ಥಾನ ಮತ್ತು ಖ್ಯಾತಿ ಸಿಗುತ್ತದೆ. ಇನ್ನು ಈ ರಾಜಯೋಗದ ಕಾರಣದಿಂದ ಅನಿರೀಕ್ಷಿತ ಆರ್ಥಿಕ ಲಾಭ ಆಗುತ್ತದೆ.

ತುಲಾ: ತುಲಾ ರಾಶಿಯವರಿಗೆ ಗಜಕೇಸರಿ ರಾಜಯೋಗ ಸಂಪತ್ತಿನ ಸುರಿಮಳೆ ಸುರಿಸಲಿದೆ. ಈ ಸಮಯದಲ್ಲಿ ಬಹಳ ದಿನಗಳ ಎಲ್ಲಾ ಸಮಸ್ಯೆಗೆ ಪರಿಹಾರ ಸಿಗುತ್ತದೆ. ನಿಂತು ಹೋಗಿದ್ದ ಕೆಲಸಗಳು ಆರಂಭವಾಗಿ, ಯಶಸ್ಸು ನೀಡುತ್ತದೆ. ಅಲ್ಲದೇ, ವ್ಯಾಪಾರ ಮತ್ತು ಉದ್ಯೋಗಗಳಲ್ಲಿ ಅಪಾರ ಯಶಸ್ಸು ದೊರೆಯಲಿದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)