Guru Chanadala Yoga 2023: ಒಂದು ತಿಂಗಳ ನಂತರ ಗುರು ಚಾಂಡಾಲ ಯೋಗ, ಈ 3 ರಾಶಿಯವರಿಗೆ ಅಕ್ಟೋಬರ್​ವರೆಗೆ ಕಷ್ಟ ತಪ್ಪಲ್ಲ

ಏಪ್ರಿಲ್ ತಿಂಗಳು ಬಹಳ ವಿಶೇಷ ಎಂದರೆ ತಪ್ಪಲ್ಲ. ಈ ಸಮಯದಲ್ಲಿ ಅನೇಕ ಯೋಗಗಳು ರೂಪುಗೊಳ್ಳುತ್ತವೆ. ಒಂದೊಂದು ಯೋಗಗಳು ವಿವಿಧ ರೀತಿಯ ಪರಿಣಾಮ ಬೀರುತ್ತದೆ. ಏಪ್ರಿಲ್ ತಿಂಗಳಲ್ಲಿ ಗುರು ಚಾಂಡಾಲ ಯೋಗ ರೂಪುಗೊಳ್ಳುತ್ತಿದ್ದು, ಇದರಿಂದ ಅನೇಕ ರಾಶಿಗಳಿಗೆ ಕಷ್ಟವಾಗಲಿದೆ.

ಗುರು ಚಂಡಾಲ ಯೋಗ ಎಂದರೇನು? ಈ ಯೋಗವು ಬಹಳ ಕೆಟ್ಟ ಪರಿಣಾಮ ಬೀರುತ್ತದೆ. ವ್ಯಕ್ತಿಯ ಉತ್ತಮ ಗುಣಗಳನ್ನು ಕಡಿಮೆ ಮಾಡುತ್ತದೆ ಮತ್ತು ನಕಾರಾತ್ಮಕ ಗುಣಗಳನ್ನು ಹೆಚ್ಚಿಸುತ್ತದೆ. ಸಾಮಾನ್ಯವಾಗಿ ಈ ಯೋಗವು ಜೀರ್ಣಾಂಗ ವ್ಯವಸ್ಥೆ, ಯಕೃತ್ತಿನ ತೊಂದರೆಗಳು ಮತ್ತು ಗಂಭೀರ ಕಾಯಿಲೆಗಳಿಗೆ ಕಾರಣ ಎನ್ನಬಹುದು. ಮಹಿಳೆಯ ಜಾತಕದಲ್ಲಿ ಈ ಯೋಗ ಇದ್ದರೆ ದಾಂಪತ್ಯ ಜೀವನ ನರಕವಾಗುತ್ತದೆ.

ಈ ವರ್ಷ ಏಪ್ರಿಲ್​ನಲ್ಲಿ ಮೇಷ ರಾಶಿಯಲ್ಲಿ 2 ಗ್ರಹಗಳು ಸಂಯೋಗವಾಗುವುದರಿಂದ ಗುರು ಚಾಂಡಾಲ ಯೋಗ ಉಂಟಾಗುತ್ತದೆ. ಗುರು ಮೇಷ ರಾಶಿಯಲ್ಲಿ ಏಪ್ರಿಲ್ 22 ರಂದು ಸಾಗುತ್ತಾನೆ. ರಾಹು ಆಗಲೇ ಇಲ್ಲಿದ್ದಾನೆ. ಇವೆರಡರಿಂದ ಗುರು ಚಂಡಾಲ ಯೋಗವು ರೂಪುಗೊಳ್ಳುತ್ತದೆ. ಇದಕ್ಕೂ ಕೆಲವು ದಿನಗಳ ಹಿಂದೆ ಸೂರ್ಯನೂ ಮೀನ ರಾಶಿಯಿಂದ ಹೊರಬಂದು ಮೇಷ ರಾಶಿಯನ್ನು ಪ್ರವೇಶಿಸಿದ್ದು, ಈ ಗುರು ಚಾಂಡಾಲ ಯೋಗದಲ್ಲಿ ಕೆಲ ರಾಶಿಯವರು ಬಹಳ ಜಾಗರೂಕರಾಗಿರಬೇಕು.

ಮೇಷ ರಾಶಿ - ಏಪ್ರಿಲ್ 22 ರ ನಂತರ ಮದುವೆಯ ಮನೆಯಲ್ಲಿ ಮೇಷ ರಾಶಿಯಲ್ಲಿ ಗುರು ಚಂಡಾಲ ಯೋಗ ಉಂಟಾಗುತ್ತದೆ. ಈ ಸಂದರ್ಭದಲ್ಲಿ, ಏಪ್ರಿಲ್ 22 ರಿಂದ ಅಕ್ಟೋಬರ್ 30 ರವರೆಗೆ, ಅಂದರೆ, ಮುಂದಿನ ಆರು ತಿಂಗಳುಗಳು ನಿಮಗೆ ಬಹಳ ಸಮಸ್ಯೆ ಆಗಲಿದೆ. ಈ ಸಮಯ ಕಠಿಣವಾಗಿರಲಿದೆ. ಈ ಸಮಯದಲ್ಲಿ ನೀವು ಅನೇಕ ಸವಾಲುಗಳನ್ನು ಎದುರಿಸಬೇಕಾಗುತ್ತದೆ. ಆರ್ಥಿಕ ನಷ್ಟವೂ ಆಗಬಹುದು. ಅವಮಾನಕರ ಪರಿಸ್ಥಿತಿ ಬರಬಹುದು.

ಮಿಥುನ - ಮಿಥುನ ರಾಶಿಯಲ್ಲಿ ಗುರು ಚಂಡಾಲ ಯೋಗದ ಪ್ರಭಾವ 6 ತಿಂಗಳವರೆಗೆ ಇರುತ್ತದೆ. ಈ ಸಮಯದಲ್ಲಿ ನೀವು ಕೆಟ್ಟ ಸುದ್ದಿ ಕೇಳಬಹುದು. ಹಣದ ನಷ್ಟ ಮತ್ತು ಆರೋಗ್ಯ ಸಂಬಂಧಿತ ಸಮಸ್ಯೆಗಳು ಹೆಚ್ಚಾಗುವ ಸಾಧ್ಯತೆಯಿದೆ. ಇದಲ್ಲದೇ, ನೀವು ಕಚೇರಿಯಲ್ಲಿ ಕೆಲವು ಸಮಸ್ಯೆಗಳನ್ನು ಎದುರಿಸಬೇಕಾಗಬಹುದು. ಯಾವುದೇ ಆತುರದ ನಿರ್ಧಾರ ತೆಗೆದುಕೊಳ್ಳಬೇಡಿ ಮತ್ತು ತಾಳ್ಮೆಯಿಂದ ಕೆಲಸ ಮಾಡಿ.

ಧನು ರಾಶಿ - ಧನು ರಾಶಿಯವರಿಗೆ ಗುರು ಚಂಡಾಲ ಯೋಗ ಅಶುಭವಾಗಿರಲಿದೆ. ಈ ಸಮಯದಲ್ಲಿ, ಚಾಲನೆ ಮಾಡುವಾಗ ಹೆಚ್ಚು ಜಾಗರೂಕರಾಗಿರಿ. ವ್ಯಾಪಾರದಲ್ಲಿ ನಷ್ಟವಾಗುವ ಸಂಭವವಿದೆ. ನಿಮ್ಮ ಆರ್ಥಿಕ ವಲಯವು ದುರ್ಬಲವಾಗಿರಲಿದೆ ಮತ್ತು ವೆಚ್ಚಗಳು ಹೆಚ್ಚಾಗುತ್ತವೆ. ಇವುಗಳ ಹೊರತಾಗಿ ವೃತ್ತಿ, ಉದ್ಯೋಗ ಮತ್ತು ವ್ಯಾಪಾರ ವಿಷಯಗಳಲ್ಲಿ ಸಮಸ್ಯೆಗಳ ಸಾಧ್ಯತೆ ಇದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)