Guru Chandal Yoga: 7 ತಿಂಗಳು ಈ ರಾಶಿಯವರಿಗೆ ಕಷ್ಟಕಾಲ, ಒಂದೇ ಒಂದು ಯೋಗದಿಂದ ಬರಲಿದೆ ಸಾಲು ಸಾಲು ತೊಂದರೆ

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಒಂದೊಂದು ಯೋಗಗಳು ಸಹ ಬಹಳ ಮುಖ್ಯವಾಗುತ್ತದೆ, ಕೆಲವೊಂದು ಯೋಗಗಳು ಬರೀ ಒಳ್ಳೆಯದನ್ನ ಮಾತ್ರ ಮಾಡುವುದಿಲ್ಲ. ಅದರಿಂದ ಸಮಸ್ಯೆಗಳು ಸಹ ಬರುತ್ತದೆ. ಆ ರೀತಿಯ ಯೋಗಗಳಲ್ಲಿ ಗುರು ಚಂಡಾಲ ಯೋಗ ಕೂಡ ಒಂದು.

ಇನ್ನು ಮೇಷ ರಾಶಿಯಲ್ಲಿ ಗುರು ರಾಹುವಿನ ಸಂಯೋಗದಿಂದಾಗಿ ಗುರು ಚಂಡಾಲ ಯೋಗ ಉಂಟಾಗುತ್ತದೆ ಎನ್ನಲಾಗುತ್ತದೆ. ಈ ಯೋಗದಿಂದ ಕೆಲ ರಾಶಿಯವರ ಜೀವನದಲ್ಲಿ ಕೆಟ್ಟ ಕಾಲ ಆರಂಭವಾಗುತ್ತದೆ. ಆ ರಾಶಿಯವರು ಬಹಳ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ.

ಈ ಗುರು ಚಂಡಾಲ ಯೋಗವು ಮೇಷ ರಾಶಿಯಲ್ಲಿ ಏಪ್ರಿಲ್ 22 ರಂದು ಉಂಟಾಗುತ್ತದೆ. ಗುರು ಮೀನ ರಾಶಿಯಿಂದ ಮೇಷ ರಾಶಿಗೆ ಅಂದು ಪ್ರವೇಶ ಮಾಡುತ್ತಾನೆ. ಈ ಯೋಗದಿಂದ ಒಳ್ಳೆಯದಾಗುವುದಕ್ಕಿಂತ ಕೆಟ್ಟದ್ದಾಗುವುದೇ ಹೆಚ್ಚು. ಹಾಗಾಗಿ ಈ ಗುರುಚಂಡಾಲ ಯೋಗವನ್ನು ಅಶುಭವೆಂದು ಪರಿಗಣಿಸಲಾಗಿದೆ.

ಮಕರ: ಈ ರಾಶಿಯವರ ಚತುರ್ಥ ಸ್ಥಾನದಿಂದ ಗುರು ಚಂಡಾಲ ಯೋಗವು ರೂಪುಗೊಳ್ಳಲಿದೆ. ಹಾಗಾಗಿ ಈ ಸಮಯದಲ್ಲಿ ಹಳೆಯ ವಿಷಯಗಳು ಪತಿ-ಪತ್ನಿಯರ ನಡುವೆ ಜಗಳಕ್ಕೆ ಕಾರಣವಾಗುತ್ತವೆ. ನೀವು ಕೆಲವು ಗೊಂದಲಗಳ ಕಾರಣದಿಂದ ವಿವಿಧ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಈ ಸಮಯದಲ್ಲಿ ನಿಮ್ಮ ಜೀವನದಲ್ಲಿ ಹೆಚ್ಚು ಅಶಾಂತಿ ಉಂಟಾಗಬಹುದು

ಕನ್ಯಾ: ಈ ರಾಶಿಯವರು ಚಂಡಾಲ ಯೋಗದಿಂದ ದುಷ್ಪರಿಣಾಮಗಳನ್ನು ಎದುರಿಸಬೇಕಾಗುತ್ತದೆ. ನೀವು ಆರ್ಥಿಕ ನಷ್ಟವನ್ನು ಎದುರಿಸಬೇಕಾಗುತ್ತದೆ. ಕಚೇರಿಯಲ್ಲಿಯೂ ಸಮಸ್ಯೆಗಳಾಗುತ್ತದೆ.

ಮಿಥುನ: ಗುರು ಚಂಡಾಲ ಯೋಗದ ಸಮಯದಲ್ಲಿ ಈ ರಾಶಿಯವರು ತುಂಬಾ ಜಾಗೃತರಾಗಿರಬೇಕು. ಏಕೆಂದರೆ ಈ ಸಮಯದಲ್ಲಿ ಕೆಲವು ಕೆಟ್ಟ ಸುದ್ದಿಗಳನ್ನು ಕೇಳುವ ಸಾಧ್ಯತೆಗಳಿವೆ. ಕಚೇರಿಯಲ್ಲಿ ಜಗಳ ಆಗಬಹುದು. ಅಲ್ಲದೇ ಆರೋಗ್ಯ ಮತ್ತು ಹಣಕಾಸಿನ ವಿಚಾರದಲ್ಲಿ ಸ್ವಲ್ಪ ನಷ್ಟ ಉಂಟಾಗಬಹುದು. ನಿಮ್ಮ ಕೆಲಸದಲ್ಲಿ ಅಡಚಣೆಗಳು ಉಂಟಾಗಬಹುದು. ಆರೋಗ್ಯಕ್ಕೆ ಸಂಬಂಧಿಸಿದ ಗಂಭೀರ ಸಮಸ್ಯೆಗಳನ್ನು ಎದುರಿಸಬೇಕಾಗಬಹುದು.

ಮೇಷ: ಗುರು ಚಾಂಡಾಲ ಯೋಗದಿಂದ 6 ತಿಂಗಳ ಕಾಲ ಆರ್ಥಿಕ ಸ್ಥಿತಿ ಹದಗೆಡುವ ಸಾಧ್ಯತೆ ಇದೆ. ವ್ಯಾಪಾರಿಗಳು ಇದರಿಂದ ನಷ್ಟವನ್ನು ಅನುಭವಿಸಬಹುದು. ಅಲ್ಲದೇ, ನಿಮ್ಮ ಆರೋಗ್ಯವೂ ಹಾಳಾಗಬಹುದು. ನಿಮ್ಮ ಖರ್ಚುಗಳು ಹೆಚ್ಚಾಗುತ್ತವೆ. ಜೀವನದಲ್ಲಿ ಅನೇಕ ಸಮಸ್ಯೆಗಳು ಬರಬಹುದು.

ಧನು: ಈ ರಾಶಿಯವರು ಗುರು ಚಂಡಾಲ ಯೋಗದಿಂದ ಕಷ್ಟಗಳು ಎದುರಾಗಲಿದೆ. ಚಾಲನೆ ಮಾಡುವಾಗ ನೀವು ಜಾಗರೂಕರಾಗಿರಬೇಕು. ವ್ಯಾಪಾರಿಗಳು ನಷ್ಟವನ್ನು ಅನುಭವಿಸುವ ಸಾಧ್ಯತೆಯಿದೆ. ಹಣಕಾಸಿನ ತೊಂದರೆ ಇರುತ್ತದೆ. ನಿಮ್ಮ ಬಜೆಟ್ ಸ್ವಲ್ಪ ನಿಯಂತ್ರಣದಿಂದ ಹೊರಬರಬಹುದು. ನೀವು ಕೆಲಸ ಮಾಡುವ ಕಚೇರಿಯಲ್ಲಿ ನೀವು ತೊಂದರೆಗಳನ್ನು ಎದುರಿಸಬೇಕಾಗುತ್ತದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)