Baby Girl Name: ನಿಮ್ಮ ಮನೆಯ ಮುದ್ದುಲಕ್ಷ್ಮಿಗೆ ಈ ದೇವಿಯ ಹೆಸರು ಬಹಳ ಸೂಕ್ತವಂತೆ

ಅರ್ನಾ: ಇದೊಂದು ಬಹಳ ಸುಂದರವಾದ ಹೆಸರಾಗಿದ್ದು, ಲಕ್ಷ್ಮಿ ದೇವಿಯ ಅಪರೂಪದ ಹೆಸರು ಇದು ಎನ್ನಲಾಗುತ್ತದೆ. ಇದರರ್ಥ ಅಲೆ ಅಥವಾ ಸಾಗರ ಎಂದು. ಎಲ್ಲರಿಗೂ ಗೊತ್ತಿರುವಂತೆ ಕ್ಷೀರ ಸಾಗರನ ಮಗಳು ಲಕ್ಷ್ಮಿ.

ಬುದ್ಧಿ: ಸಾಮಾನ್ಯವಾಗಿ ಬುದ್ದಿ ಎಂದರೆ ಜ್ಞಾನ ಅಥವಾ ತಿಳುವಳಿಕೆ ಎನ್ನಲಾಗುತ್ತದೆ. ಆದರೆ ಇದು ಲಕ್ಷ್ಮಿಯ ಇನ್ನೊಂದು ಹೆಸರು ಎಂಬುದು ಅನೇಕ ಜನರಿಗೆ ಗೊತ್ತಿಲ್ಲ.

ಚಂಚಲಾ: ಚಂಚಲ ಎಂಬುದು ಜನಪ್ರಿಯ ಹೆಸರು ಎನ್ನಬಹುದು. ಆದರೆ, ಚಂಚಲಾ ಎಂದರೆ ಅದೃಷ್ಟ ಎಂದರ್ಥ. ಇದು ಲಕ್ಷ್ಮಿ ದೇವಿಯ ಹೆಸರುಗಳಲ್ಲಿ ಒಂದಾಗಿದೆ.

ಧೃತಿ- ಈ ಹೆಸರಿನ ಅರ್ಥ ನೈತಿಕತೆ, ಧೈರ್ಯ, ಸ್ಥಿರತೆ ಎಂದು. ಇದೇ ರೀತಿ ಮತ್ತೊಂದು ಹೆಸರು ಎಂದರೆ ದುತಿ. ಈ ಹೆಸರಿನ ಅರ್ಥ ಕಲ್ಪನೆ ಎಂದು. ಈ 2 ಕೂಡ ಲಕ್ಷ್ಮಿಯ ಹೆಸರು.

ಹರಿಪ್ರಿಯ: ಈ ಹೆಸರಿನ ಅರ್ಥವನ್ನು ನಾವು ಬಿಡಿಸಿ ಹೇಳಬೇಕಿಲ್ಲ. ಹರಿಯ ಪ್ರೀಯೆ ಎಂದು ಅರ್ಥ. ಲಕ್ಷ್ಮಿ ಹರಿಯ ಹೃದಯದಲ್ಲಿ ನೆಲೆಸಿರುವವಳು. ಹಾಗಾಗಿ ಈ ಹೆಸರು ನಿಜಕ್ಕೂ ಸೂಕ್ತವಾಗುತ್ತದೆ.

ಇಶಾನಿ: ಸಾಮಾನ್ಯವಾಗಿ ಇಶಾನ್ ಎಂಬ ಹೆಸರನ್ನು ನೀವು ಕೇಳಿರುತ್ತೀರಿ. ಆದರೆ ಇದು ಸ್ವಲ್ಪ ವಿಭಿನ್ನ ಅದರ ಸ್ತ್ರೀಲಿಂಗ ರೂಪ ಎನ್ನಬಹುದು. ಮುಖ್ಯವಾಗಿ ಇದೊಂದು ಲಕ್ಷ್ಮಿಯ ಹೆಸರಾಗಿದ್ದು, ಇದರ ಅರ್ಥ'ಬಯಕೆ.

ಕಾಂತಿ: ಕಾಂತಿ ಎಂಬ ಹೆಸರಿನ ಅರ್ಥ ಸೌಂದರ್ಯ ಮತ್ತು ಅನುಗ್ರಹ ಎಂದು. ಈ ಹೆಸರನ್ನು ನಿಮ್ಮ ಮಗಳಿಗೆ ಇಟ್ಟರೆ ನಿಮ್ಮ ಕಾಂತಿಯ ಕಾಂತಿ ಸಹ ಹೆಚ್ಚಾಗುತ್ತದೆ.

ನಂಧಿಕಾ: ಇದರ ಅರ್ಥ ಒಂದು ಸಣ್ಣ ನೀರಿನ ಜಾರ್. ಇದು ಕೂಡ ಲಕ್ಷ್ಮಿ ದೇವಿಯ ಇನ್ನೊಂದು ಹೆಸರಾಗಿದ್ದು. ಇದರ ಮತ್ತೊಂದು ಅರ್ಥವೆಂದರೆ ಸಂತೋಷದಿಂದಿರುವ ಮಹಿಳೆ ಎಂದು.

ಪದ್ಮಪ್ರಿಯಾ: ಪದ್ಮಪ್ರಿಯಾ ಎಂಬುದು ಒಂದು ದೈವಿಕ ಹೆಣ್ಣು ಮಗುವಿನ ಹೆಸರು. ಇದರ ಅರ್ಥ ಕಮಲದ ಪ್ರೇಮಿ ಅಥವಾ ಲಕ್ಷ್ಮಿ ದೇವತೆ.