Cute Names For Baby: ನಿಮ್ಮ ಮುದ್ದು ಕಂದನಿಗೆ ಬೆಸ್ಟ್​ ಆಗಿರುವ ಹೆಸರುಗಳು ಇಲ್ಲಿದೆ ನೋಡಿ

ಶಾನ್ವಿ: ಈ ಹೆಸರನ್ನು ನಾವು ಕೇಳಿರುತ್ತವೆ, ಆದರೂ ಇದು ಬಹಳ ವಿಭಿನ್ನ ಎನ್ನಬಹುದು. ಶಾನ್ವಿ ಎಂಬುದು ಪಾರ್ವತಿ ಮತ್ತು ಲಕ್ಷ್ಮಿ ದೇವಿಯರ ಹೆಸರಾಗಿದ್ದು, ಇದಕ್ಕೆ ಆಕರ್ಷಕ ಎಂಬ ಅರ್ಥವೂ ಇದೆ.

ತನ್ವಿ: ಈ ಹೆಸರು ಬಹಳ ವಿಭಿನ್ನ ಹಾಗೂ ಅರ್ಥಪೂರ್ಣ ಎನ್ನುವುದರಲ್ಲಿ ಯಾವುದೇ ಅನುಮಾನವಿಲ್ಲ. ಇದು ಮಾತೆ ದುರ್ಗೆಯ ಇನ್ನೊಂದು ಹೆಸರಾಗಿದ್ದು, ಇದಕ್ಕೆ ಶಕ್ತಿ ಹಾಗೂ ಧೈರ್ಯ ಎನ್ನುವ ಅರ್ಥ ಕೂಡ ಇದೆ.

ವಲ್ಲರಿ: ಈ ಹೆಸರು ವಿಚಿತ್ರವಾಗಿದೆ ಆದರೆ ನಿಜಕ್ಕೂ ಬಹಳ ಸುಂದರವಾದ ಹೆಸರು ಎನ್ನಬಹುದು. ಇದು ಕೂಡ ದೇವಿಯ ಹೆಸರು ಎನ್ನಲಾಗುತ್ತದೆ. ಮುಖ್ಯವಾಗಿ ಇದು ಸೀತೆಯ ಹೆಸರಾಗಿದ್ದು, ಹೂವಿನ ಗುಚ್ಛಗಳಿಗೆ ಸಹ ವಲ್ಲರಿ ಎನ್ನಲಾಗುತ್ತದೆ.

ವನ್ಯಾ: ಇದು ನಿಜಕ್ಕೂ ಬಹಳ ಅಪರೂಪದ ಹೆಸರಾಗಿದ್ದು, ಹೆಣ್ಣು ಮಗುವಿಗೆ ಬಹಳ ಸೂಕ್ತವಾಗುತ್ತದೆ. ಇದು ಕೂಡ ದುರ್ಗಾ ದೇವಿಯ ಇನ್ನೊಂದು ಹೆಸರಾಗಿದ್ದು, ಇದರ ಅರ್ಥ ವನದ ದೇವತೆ ಎಂದು.

ಅನೀಶ್​: ಇದು ತುಂಬಾ ಸುಂದರ ಹಾಗೂ ಸರಳವಾದ ಹೆಸರಾಗಿದ್ದು, ಕೃಷ್ಣನಿಗೆ ಸಂಬಂಧಿಸಿದ್ದು ಎನ್ನಲಾಗುತ್ತದೆ. ಪುರಾಣಗಳ ಪ್ರಕಾರ ಇದರ ಅರ್ಥ ಸರ್ವೋಚ್ಚ ಅಥವಾ ಎಲ್ಲವನ್ನು ತಿಳಿದವನು ಎಂದು.

ಜತಿನ್: ಬಹಳ ವಿಶೇಷವಾದ ಹಸರು ಜತಿನ್. ಇದು ಶಿವನ ಸೂಚಕವಾಗಿದ್ದು, ಇದರ ಅರ್ಥ ಜಗತ್ತನ್ನೇ ಗೆದ್ದವನು ಎನ್ನಲಾಗುತ್ತದೆ. ಇದು ಬಹಳ ವಿಭಿನ್ನವಾಗಿರುವುದರಿಂದ ಈಗಿನ ಕಾಲಕ್ಕೆ ಸೂಟ್​ ಆಗುತ್ತದೆ.

ರಿಷಿ ಅಥವಾ ರಿಷಿಕ್: ಈ 2 ಹೆಸರುಗಳು ಬಹಳ ಸುಂದರವಾಗಿದ್ದು, ಯಾವುದನ್ನ ಬೇಕಾದರೂ ಇಡಬಹುದು. ಇದು ವಿಷ್ಣುವಿಗೆ ಸಂಬಂಧಿಸಿದ ಹೆಸರಾಗಿದ್ದು, ಇದರ ಅರ್ಥ ಅಪಾರವಾದ ಜ್ಞಾನವನ್ನು ಹೊಂದಿರುವವನು ಎಂದು.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)