Dream Meaning: ಕನಸಿನಲ್ಲಿ ಈ ಪ್ರಾಣಿ ಕಂಡ್ರೆ ಬೇಗ ಶ್ರೀಮಂತರಾಗ್ತೀರಂತೆ

ಕನಸಿನಲ್ಲಿ ನಮಗೆ ಹಲವಾರು ವಸ್ತುಗಳು ಹಾಗೂ ಪ್ರಾಣಿಗಳು ಕಾಣಿಸಿಕೊಳ್ಳುತ್ತವೆ. ಕಾಗೆ ಕಂಡರೆ ಕೆಟ್ಟ ಸೂಚನೆ ಎನ್ನಲಾಗುತ್ತದೆ. ಆದರೆ ಆಮೆ ಕಂಡರೆ. ಹೌದು, ಕನಸಿನಲ್ಲಿ ಆಮೆ ಬಂದರೆ ಸಹ ಅದಕ್ಕೂ ಒಂದು ಅರ್ಥವಿದೆ.

ಜೋಡಿ ಆಮೆ: ನಿಮ್ಮ ಕನಸಿನಲ್ಲಿ ಜೋಡಿ ಆಮೆ ಕಮಡರೆ ಅದು ಬಹಳ ಒಳ್ಳೆಯದಂತೆ. ಇದು ವೈವಾಹಿಕ ಬದುಕಿನ ಸಂತೋಷದ ಸಂಕೇತವಂತೆ. ಈ ರೀತಿ ಕನಸು ಬಿದ್ದರೆ ದಾಂಪತ್ಯ ಜೀವನ ಸುಖಮಯವಾಗಿರುತ್ತದೆ. ಹಾಗೆಯೇ ಸಂತಾನ ಭಾಗ್ಯದ ಸೂಚನೆ ಕೂಡ ಹೌದು.

ಆಮೆಯ ಹಿಂದೆ ನೀವು ಹೋಗುತ್ತಿದ್ದರೆ: ಕನಸಿನಲ್ಲಿ ಆಮೆಯನ್ನು ಫಾಲೋ ಮಾಡಿಕೊಂಡು ನೀವು ಹೋಗುತ್ತಿರುವುದನ್ನ ಕಂಡರೆ ಅದು ಅಶುಭ ಎನ್ನಲಾಗುತ್ತದೆ. ಈ ಸಮಯದಲ್ಲಿ ಕೆಲ ಸಮಸ್ಯೆಗಳು ನಿಮ್ಮನ್ನ ಹುಡುಕಿ ಬರಲಿದೆ ಎಂದರ್ಥವಂತೆ. ಅಲ್ಲದೇ, ಆರ್ಥಿಕವಾಗಿ ಸಹ ಸಮಸ್ಯೆ ಆಗಬಹುದು.

ಆಮೆಗೆ ಆಹಾರ ನೀಡುತ್ತಿದ್ದರೆ: ನೀವು ಆಮೆಯೊಂದಕ್ಕೆ ಆಹಾರವನ್ನು ನೀಡುವ ರೀತಿ ಕನಸು ಬಿದ್ದರೆ ಅಥವಾ ಆಮೆ ಆಹಾರ ತಿನ್ನುತ್ತಿದ್ದರೆ ಮುಂದಿನ ದಿನಗಳಲ್ಲಿ ಹಣ ಗಳಿಸಲಿದ್ದೀರಿ ಎಂದು ಅರ್ಥವಂತೆ. ಅಲ್ಲದೇ ನಿಮ್ಮ ಜೀವನದಲ್ಲಿ ಹಣದ ಕೊರತೆಯಾಗುವುದಿಲ್ಲವಂತೆ.

ಆಮೆ ಮನೆಗೆ ಬಂದರೆ: ನಿಮ್ಮ ಕನಸಿನಲ್ಲಿ ಆಮೆ ಮನೆಯ ಒಳಗೆ ಬರುತ್ತಿರುವಂತೆ ಕಂಡರೆ ಆರ್ಥಿಕವಾಗಿ ನಿಮಗೆ ಲಾಭ ಸಿಗಲಿದೆ. ಬಹಳ ದಿನಗಳ ಹಿಂದೆ ಮಾಡಿದ್ದ ಹೂಡಿಕೆಯಿಂದ ನಿಮಗೆ ಲಾಭ ಬರಬಹುದು ಅಥವಾ ಸಾಲದಿಂದ ಸಹ ಮುಕ್ತಿ ಸಿಗಬಹುದು.

ಒಟ್ಟಿಗೆ ಆಮೆಗಳ ದಂಡನ್ನು ನೋಡುವುದು: ಕನಸಿನಲ್ಲಿ ಒಟ್ಟಿಗೆ ಆಮೆಗಳು ಗುಂಪಾಗಿ ಇರುವುದನ್ನ ನೋಡಿದರೆ ಅದು ಕೂಡ ಮಂಗಳಕರವಂತೆ. ಇದರಿಂದ ಮನೆಯಲ್ಲಿ ಸಂತೋಷ ಹಾಗೂ ಸಮೃದ್ಧಿ ಹೆಚ್ಚಾಗಲಿದೆಯಂತೆ.

ನೀರಿನಲ್ಲಿ ಹರಿಯುವ ಆಮೆ: ಕನಸಿನಲ್ಲಿ ಆಮೆಯೊಂದು ನೀರಿನಲ್ಲಿ ಹರಿಯುತ್ತಿರುವ ರೀತಿ ಕಂಡರೆ ನಿಮ್ಮ ಜೀವನದಲ್ಲಿ ಯಾವುದೇ ಸಮಸ್ಯೆ ಆಗುವುದಿಲ್ಲ ಎಂದು ಅರ್ಥ. ಅಲ್ಲದೇ, ನೀವು ನಿಮ್ಮ ಇಷ್ಟದಂತೆಯೇ ಬದುಕುತ್ತಿದ್ದೀರಿ ಎಂದರ್ಥ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)