Tirupati Online Tickets Demand: 8 ನಿಮಿಷದಲ್ಲೇ ಬುಕ್ಕಿಂಗ್​​ ಫುಲ್; ತಿಮ್ಮಪ್ಪನ ಸರ್ವದರ್ಶನ ಟಿಕೆಟ್​ಗೆ ಹೆಚ್ಚಿದ ಬೇಡಿಕೆ

ತಿಮ್ಮಪ್ಪನ ದರ್ಶನಕ್ಕೆ ಭಕ್ತರ ಬೇಡಿಕೆ ಹೇಗಿರುತ್ತದೆ ಎಂದರೇ ಈ ಆನ್​​ಲೈನ್​ ಟಿಕೆಟ್​ಗಳು ಕೆಲವೇ ಗಂಟೆಗಳಲ್ಲಿ ಖಾಲಿಯಾಗಿ ದಾಖಲೆ ಸೃಷ್ಟಿಸಿದೆ. ಈ ಬಾರಿ ಕೂಡ ಅದೇ ರೀತಿ ದಾಖಲೆ ನಿರ್ಮಿಸಲಾಗಿದೆ. 2022ರ ಫೆಬ್ರವರಿ ಸೇವೆಗಾಗಿ ಟಿಡಿಟಿ ಶುಕ್ರವಾರ ಅಂದರೆ 2022 ಜನವರಿ 28ರಂದು ಟಿಕೆಟ್​ ಬುಕ್ಕಿಂಗ್​​ಗೆ ತೆರೆದಿರುವುದಾಗಿ ತಿಳಿಸಿತು.

ನಿನ್ನೆ ಅಂದರೆ ಶುಕ್ರವಾರ 300 ರೂಪಾಯಿಯ ವಿಶೇಷ ದರ್ಶನ ಟಿಕೆಟ್ ಅನ್ನು ಡಿಟಿಡಿ ಬಿಡುಗಡೆ ಮಾಡಿತು. ಈ ಟಿಕೆಟ್​ 40 ನಿಮಿಷಗಳಲ್ಲಿ ಪೂರ್ಣಗೊಂಡಿದೆ. ಈ ಟಿಕೆಟ್ ಅಡಿ ದಿನಕ್ಕೆ 12 ಸಾವಿರದಂತೆ ಭಕ್ತರಿಗೆ ಅವಕಾಶ ಕಲ್ಪಿಸಲಾಗಿತ್ತು. ಇದರೊಂದಿಗೆ 40 ನಿಮಿಷಗಳಲ್ಲಿ 3 ಲಕ್ಷದ 36 ಸಾವಿರ ಟಿಕೆಟ್‌ಗಳು ಬುಕ್ ಆಗಿವೆ. ಇನ್ನು ಇಂದು ಬೆಳಗ್ಗೆ 9 ಗಂಟೆಗೆ ಟಿಟಿಡಿ ಸರ್ವದರ್ಶನ ಟೋಕನ್‌ಗಳನ್ನು ಬಿಡುಗಡೆ ಮಾಡಿದೆ. ಇವುಗಳು ಕೇವಲ 8 ನಿಮಿಷಗಳಲ್ಲಿ ಬುಕ್​​ ಆಗಿವೆ.

ವಿಶೇಷ ದರ್ಶನ ಟಿಕೆಟ್‌ಗಳನ್ನು ಇಡೀ ತಿಂಗಳು ನೀಡಲಾಗುತ್ತದೆ ಮತ್ತು ಸರ್ವದರ್ಶನ ಟೋಕನ್‌ಗಳನ್ನು ಕೇವಲ 15 ದಿನಗಳವರೆಗೆ ನೀಡಲಾಗುತ್ತದೆ. ದಿನಕ್ಕೆ ಹತ್ತು ಸಾವಿರದಂತೆ ಇದಕ್ಕೆ ಅವಕಾಶ ನೀಡಲಾಗಿದೆ. ಇಂದು ಕೇವಲ 8 ನಿಮಿಷದಲ್ಲಿ ಒಂದು ಲಕ್ಷದ ಐವತ್ತು ಸಾವಿರ ಸರ್ವದರ್ಶನ ಟೋಕನ್‌ಗಳು ಬುಕ್ ಆಗಿವೆ.

ಕೋವಿಡ್ ಹರಡುತ್ತಿರುವ ಹಿನ್ನೆಲೆಯಲ್ಲಿ ಟಿಟಿಡಿ ಪ್ರಸ್ತುತ ಆನ್‌ಲೈನ್‌ನಲ್ಲಿ ಟಿಕೆಟ್ ಪಡೆದ ಭಕ್ತರಿಗೆ ಮಾತ್ರ ಅವಕಾಶ ನೀಡುತ್ತಿದೆ. ಜಿಯೋ ಕ್ಲೌಡ್ ಮ್ಯಾನೇಜ್‌ಮೆಂಟ್ ಮೂಲಕ ಟಿಟಿಡಿ ಅಧಿಕೃತ ವೆಬ್‌ಸೈಟ್ ಮೂಲಕ ಟಿಕೆಟ್‌ಗಳು ಲಭ್ಯವಾಗಲಿವೆ.

Tirupatibalaji.ap.gov.in ಪ್ರತಿ ತಿಂಗಳ ಟಿಕೆಟ್‌ಗಳನ್ನು ಟಿಟಿಡಿ ವೆಬ್‌ಸೈಟ್‌ನಲ್ಲಿ ಬಿಡುಗಡೆ ಮಾಡುತ್ತಿದೆ. ಟಿಟಿಡಿ ಇಂದು ಬೆಳಗ್ಗೆ 9 ಗಂಟೆಗೆ ಸರ್ವದರ್ಶನ ಟೋಕನ್ ಬಿಡುಗಡೆ ಮಾಡಿದ್ದು, ಸಾಮಾನ್ಯ ಭಕ್ತರಿಗೆ ಆದ್ಯತೆ ನೀಡಿದೆ.

ಕೇವಲ 8 ನಿಮಿಷದಲ್ಲಿ ಟಿಕೆಟ್​ ಬುಕ್ ಆದ ಹಿನ್ನಲೆ ಅನೇಕ ಭಕ್ತರು ನಿರಾಶರಾದರು. ಅನೇಕ ಬಾರಿ ಬುಕ್ಕಿಂಗ್​ ಮಾಡಲು ಪ್ರಯತ್ನಿಸಿದರೂ ಲಾಗಿನ್​ ಸಾಧ್ಯವಾಗಲಿಲ್ಲ ಎಂದು ಅನೇಕ ಭಕ್ತರು ಬೇಸರ ವ್ಯಕ್ತಪಡಿಸಿದ್ದಾರೆ.

ಆನ್‌ಲೈನ್ ವ್ಯವಸ್ಥೆಯಿಂದ ಗ್ರಾಮೀಣ ಭಾಗದ ಅನೇಕ ಭಕ್ತರು ಟೋಕನ್ ಪಡೆಯಲು ಸಾಧ್ಯವಾಗುವುದಿಲ್ಲ. ಈ ಹಿನ್ನೆಲೆಯಲ್ಲಿ ಸಾಮಾನ್ಯ ಭಕ್ತರಿಗೆ ಆದ್ಯತೆ ನೀಡಲು ಟಿಟಿಡಿ ಶೀಘ್ರದಲ್ಲೇ ದರ್ಶನ ಟೋಕನ್‌ಗಳನ್ನು ಆಫ್‌ಲೈನ್‌ನಲ್ಲಿ ವಿತರಿಸುವ ಪ್ರಕ್ರಿಯೆಯನ್ನು ಪ್ರಾರಂಭಿಸಲಿದೆ.

ಸಾರ್ವಜನಿಕರ ಅನುಕೂಲಕ್ಕಾಗಿ ತಿರುಪತಿಯಲ್ಲಿ ಸರ್ವದರ್ಶನ ಟೋಕನ್‌ಗಳನ್ನು ಆಫ್‌ಲೈನ್‌ನಲ್ಲಿ ನೀಡಲು ಹಲವಾರು ಬಾರಿ ಪ್ರಯತ್ನಿಸಿದರೂ, ಕರೋನ ಪ್ರಕರಣಗಳು ಹೆಚ್ಚಾಗುತ್ತಿರುವ ಹಿನ್ನಲೆ ಟಿಟಿಡಿ ಅದನ್ನು ಮುಂದೂಡುತ್ತಿದೆ.

ವೈದ್ಯಕೀಯ ತಜ್ಞರು ಮತ್ತು  ಅರೆವೈದ್ಯರ ತಜ್ಞರು, ಅಧಿಕಾರಿಗಳ ಸಲಹೆ ಪಡೆದು ಫೆಬ್ರವರಿ 15 ರ ನಂತರ ಸಾಮಾನ್ಯ ಭಕ್ತರಿಗೆ ಅನುಕೂಲವಾಗುವಂತೆ ಸರ್ವದರ್ಶನ ಟೋಕನ್‌ಗಳನ್ನು ಆಫ್‌ಲೈನ್‌ನಲ್ಲಿ ನೀಡುವ ವಿಷಯದ ಬಗ್ಗೆ ಟಿಟಿಡಿ ನಿರ್ಧಾರ ತೆಗೆದುಕೊಳ್ಳುಲಿದೆ ಎಂದು ತಿಳಿಸಲಾಗಿದೆ.

ತಿರುಮಲ ತಿರುಪತಿ ದೇವಸ್ಥಾನಕ್ಕೆ ಬರುವ ಭಕ್ತರು ಕೊರೊನಾ ನಿಯಮಗಳನ್ನು ಕಡ್ಡಾಯವಾಗಿ ಪಾಲಿಸಬೇಕು ಎಂದು ಟಿಟಿಡಿ ಸೂಚಿಸಿದೆ. ಎರಡು ಡೋಸ್ ಲಸಿಕೆ ಪಡೆದಿರುವ ಪ್ರಮಾಣಪತ್ರವನ್ನು ಹೊಂದಿರುವುದು ಕಡ್ಡಾಯವಾಗಿದೆ. ಇಲ್ಲವಾದಲ್ಲಿ 48 ಗಂಟೆಗಳ ಮುಂಚಿತವಾಗಿ ಕೋವಿಡ್ ನೆಗೆಟಿವ್​ ವರದಿ ಪ್ರಸ್ತುತ ಪಡಿಸಬೇಕು ಎಂದು ಟಿಟಿಡಿ ಷರತ್ತು ವಿಧಿಸುತ್ತದೆ.