Lucky Fruits: ಈ ಹಣ್ಣುಗಳು ಮನೆಯಲ್ಲಿ ಇದ್ರೆ ಅದೃಷ್ಟವೋ ಅದೃಷ್ಟ!

ಬಾಳೆಹಣ್ಣು
ಬಾಳೆಹಣ್ಣು ಒಗ್ಗಟ್ಟಿನ ಸಂಕೇತವಾಗಿದ್ದು, ಕುಟುಂಬ ಸದಸ್ಯರ ನಡುವೆ ಭಿನ್ನಾಭಿಪ್ರಾಯ ಮೂಡದಂತೆ ಇದು ತಡೆಯುತ್ತದೆ ಎನ್ನುವ ನಂಬಿಕೆ ಇದೆ. ಅಲ್ಲದೇ ಹಳದಿ ಬಣ್ಣವು ಸಂತೋಷವನ್ನು ಪ್ರತಿನಿಧಿಸುವುದರಿಂದ, ಮನೆಯಲ್ಲಿ ನೆಮ್ಮದಿ ಇರುತ್ತದೆ.

ಲಿಚ್ಚಿ
ಲಿಚ್ಚಿ ಹಣ್ಣು ಸಹ ಮನೆಯಲ್ಲಿ ಇರುವುದು ಬಹಳ ಒಳ್ಳೆಯದು. ಈ ಕೆಂಪು ಬಣ್ಣ ಸಂತೋಷ ಮತ್ತು ಅದೃಷ್ಟದ ಸಂಕೇತವಾಗಿದೆ. ಅಲ್ಲದೇ ಫೆಂಗ್ ಶೂಯಿ ಪ್ರಕಾರ ಇದು ದಂಪತಿಗಳ ನಡುವೆ ಸಂಬಂಧ ಗಟ್ಟಿಗೊಳಿಸುತ್ತದೆ.

ಪೀಚ್
ಫೆಂಗ್ ಶೂಯಿ ಪ್ರಕಾರ ಈ ಪೀಚ್ ಹಣ್ಣು ಅಮರತ್ವದ ಸಂಕೇತವಾಗಿದ್ದು, ಆರೋಗ್ಯ, ಹಣ ಹಾಗೂ ದೀರ್ಘಾಯುಷ್ಯವನ್ನು ನೀಡುತ್ತದೆ. ಇದರ ಜೊತೆಗೆ ಈ ಪೀಚ್ ಹಣ್ಣು ಪ್ರೀತಿ ಮತ್ತು ಮದುವೆಯನ್ನು ಸಹ ಸೂಚಿಸುವುದರಿಂದ ಸಂಬಂಧದಲ್ಲಿ ಯಾವುದೇ ಸಮಸ್ಯೆ ಆಗದಂತೆ ನೋಡಿಕೊಳ್ಳುತ್ತದೆ.

ಅನಾನಸ್
ಅನಾನಸ್ ಹಣ್ಣು ಸಹ ಆರೋಗ್ಯಕರ ಮಾತ್ರವಲ್ಲದೇ ಅದೃಷ್ಟವನ್ನೂ ಸಹ ತರುತ್ತದೆ. ಈ ಹಣ್ಣು ಸಂಪತ್ತಿನ ಸಂಕೇತವಾಗಿದ್ದು, ಆರ್ಥಿಕ ಸಮಸ್ಯೆಗಳು ದೂರವಾಗುತ್ತದೆ  ಎನ್ನುವ ನಂಬಿಕೆ ಇದೆ.

ಸೇಬುಹಣ್ಣು
ಸೇಬುಹಣ್ಣು ಸಹ ಅದೃಷ್ಟದ ಹಣ್ಣು ಎಂದು ಹೆಸರು ಪಡೆದಿದೆ. ಇದು ಐಷಾರಾಮಿ ಆಹಾರದ ಸಂಕೇತವಾಗಿದ್ದು, ಮನೆಯಲ್ಲಿ ಸಂಪತ್ತು ಹೆಚ್ಚಾಗುತ್ತದೆ ಎಂದು ಹೇಳಲಾಗುತ್ತದೆ. ಹಾಗಾಗಿ ಈ ಹಣ್ಣನ್ನು ಮನೆಯಲ್ಲಿ ಇಟ್ಟುಕೊಳ್ಳುವುದು ಉತ್ತಮ.

ದಾಳಿಂಬೆ ಹಣ್ಣು
ಫೆಂಗ್ ಶೂಯಿ ಪ್ರಕಾರ ದಾಳಿಂಬೆ ಹಣ್ಣು ಫಲವತ್ತತೆಯನ್ನು ಸೂಚಿಸುತ್ತದೆ. ಮನೆಯಲ್ಲಿ ದಾಳಿಂಬೆ ಇರುವುದರಿಂದ ಯಾವುದೇ ರೀತಿಯ ಫಲವತ್ತತೆ ಸಮಸ್ಯೆ ಇದ್ದರೆ ಇದರಿಂದ ಪರಿಹಾರ ಸಿಗುತ್ತದೆ ಎನ್ನುವ ನಂಬಿಕೆ ಇದೆ. ಇದು ಮನೆಯಲ್ಲಿ ಸಂತೋಷ ಹಾಗೂ ನೆಮ್ಮದಿಯನ್ನು ಹೆಚ್ಚು ಮಾಡುತ್ತದೆ.

ಕಿತ್ತಳೆ
ಕಿತ್ತಳೆ ಹಣ್ಣು ರಿಫ್ರೆಶ್ ಮಾಡುವುದಕ್ಕೆ ಫೇಮಸ್ ಆಗಿದ್ದು, ಇದರ ಬಣ್ಣವು ಸಮೃದ್ಧಿಯನ್ನು ಸಂಕೇತಿಸುತ್ತದೆ. ಈ ಹಣ್ಣುಗಳು ಮನೆಗೆ ಅದೃಷ್ಟವನ್ನು ತರುತ್ತದೆ ಎಂದು ಫೆಂಗ್ ಶೂಯಿ ತಜ್ಞರು ಹೇಳುತ್ತಾರೆ.

ದ್ರಾಕ್ಷಿ
ದ್ರಾಕ್ಷಿ ಹಣ್ಣು ಆಹಾರ ಮತ್ತು ಹಣದ ಸಮೃದ್ಧಿಯ ಸಂಕೇತವಾಗಿದ್ದು, ಜೀವನದಲ್ಲಿ ನಿಮ್ಮ ಕನಸುಗಳನ್ನು ನನಸು ಮಾಡಲು ಇದು ಸಹಾಯ ಮಾಡುತ್ತದೆ. ಅಲ್ಲದೇ, ಆರೋಗ್ಯ ಸಮಸ್ಯೆಗಳು ಸಹ ಬರದಂತೆ ತಡೆಯುತ್ತದೆ.