Sade Sati: ಈ ಮೂರು ರಾಶಿಯವರು ಇಂದಿನಿಂದ ಎಚ್ಚರದಿಂದಿರಿ, ಯಾಮಾರಿದ್ರೆ ಶನಿ ಕಾಟ ತಪ್ಪಿದ್ದಲ್ಲ

ಜನವರಿ 17 ರಂದು, ಅಂದರೆ ಇಂದು ಶನಿಯು ತನ್ನ ರಾಶಿಯನ್ನು ಬದಲಾಯಿಸಿದ್ದು, ನಂತರ ಜನವರಿ 30 ರಂದು, ಶನಿಯು ತನ್ನದೇ ಆದ ತಿಕ್ರೋನ ಯೋಗವನ್ನು ರೂಪು ಮಾಡುತ್ತದೆ. ಇದರಿಂದ ಕೆಲ ರಾಶಿಗಳ ಮೇಲೆ ಪರಿಣಾಮ ಬೀರುತ್ತದೆ.

ಶನಿಯ ಸ್ಥಾನ ಬದಲಾವಣೆಯು ಕೆಲವು ರಾಶಿಗಳಿಗೆ ಎಚ್ಚರಿಕೆ ಗಂಟೆ ಎನ್ನಬಹುದು. ಶನಿ ಸ್ಥಾನ ಬದಲಾವಣೆಯಿಂದ ಕರ್ಕಾಟಕ ಸೇರಿದಂತೆ ಮೂರು ರಾಶಿಗಳು ಎಚ್ಚರವಾಗಿರಬೇಕು. ಶನಿಯ ಸಮಸ್ಯೆಯಿಂದ ಈ 3 ರಾಶಿಗಳಿಗೆ ಆರ್ಥಿಕವಾಗಿ ಸಮಸ್ಯೆಯಾಗುವ ಸಾಧ್ಯತೆ ಇರುತ್ತದೆ.

ಕರ್ಕಾಟಕ: ಶನಿ ಸಂಚಾರವು ಕರ್ಕಾಟಕ ರಾಶಿಯವರಿಗೆ ವೃತ್ತಿ, ಆರೋಗ್ಯ ಮತ್ತು ವೈವಾಹಿಕ ಬದುಕಿನಲ್ಲಿ ಸಮಸ್ಯೆಗಳನ್ನು ತರುತ್ತದೆ ಎನ್ನಲಾಗುತ್ತದೆ. ಹಾಗಾಗಿ ನೀವು ಎಚ್ಚರಿಕೆವಹಿಸುವುದು ಬಹಳ ಅಗತ್ಯವಾಗುತ್ತದೆ. .ನೀವು ಸ್ವಂತ ವ್ಯಾಪಾರವನ್ನು ಮಾಡುತ್ತಿದ್ದರೆ ಅಥವಾ ಉದ್ಯೋಗ ಮಾಡುತ್ತಿದ್ದರೆ, ಹೂಡಿಕೆ ವಿಚಾರದಲ್ಲಿ ನಿರ್ಧಾರಗಳನ್ನು ಎಚ್ಚರಿಕೆಯಿಂದ ತೆಗೆದುಕೊಳ್ಳಬೇಕು. ಈ ಅವಧಿಯಲ್ಲಿ ಹಣಕಾಸಿನ ನಷ್ಟದ ಸಾಧ್ಯತೆಯಿರುವುದರಿಂದ, ಕೆಲಸವನ್ನೂ ಎಚ್ಚರಿಕೆಯಿಂದ ಮಾಡಬೇಕು. ನಿಮ್ಮ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಿ ಮತ್ತು ನಿಮ್ಮ ಸಂಗಾತಿಯೊಂದಿಗೆ ವಾದಗಳನ್ನು ತಪ್ಪಿಸಿ, ಇಲ್ಲದಿದ್ದರೆ ನೀವು ಮಾನಸಿಕ ಒತ್ತಡದಿಂದ ಸಮಸ್ಯೆಗಳನ್ನು ಎದುರಿಸಬೇಕಾಗಬಹುದು.

ಸಿಂಹ: ಈ ರಾಶಿಯನ್ನು ಸೂರ್ಯನು ಆಳುವುದರಿಂದ ಶನಿಯ ಪರಿಣಾಮ ಹೆಚ್ಚಿರುತ್ತದೆ ಎನ್ನಬಹುದು. ಇದು ಆರ್ಥಿಕವಾಗಿ ಹೊಡೆತಗಳನ್ನು ಕೊಡುತ್ತದೆ. ದುಂದು ವೆಚ್ಚವನ್ನು ನೀವು ಕಡಿಮೆ ಮಾಡದಿದ್ದರೆ ಆರ್ಥಿಕ ಬಿಕ್ಕಟ್ಟಿಗೆ ಸಿಲುಕಿಕೊಳ್ಳುವ ಸಾಧ್ಯತೆ ಇರುತ್ತದೆ. ಈ ಸಮಯದಲ್ಲಿ ಹೊಸ ಯೋಜನೆ ಆರಂಭಿಸಲೇಬಾರದು ಹಾಗೂ ವೈವಾಹಿಕ ಬದುಕಿನ ಬಗ್ಗೆ ಸ್ವಲ್ಪ ಕಾಳಜಿ ಅಗತ್ಯವಿದೆ.

ವೃಶ್ಚಿಕ ರಾಶಿ: ಶನಿಯ ಈ ಬದಲಾವಣೆ ವೃಶ್ಚಿಕ ರಾಶಿಯವರಿಗೆ ಅಪಾಯದ ಸೂಚನೆ ಎನ್ನಬಹುದು. ವೃಶ್ಚಿಕ ರಾಶಿಯವರು ಈ ಸಮಯದಲ್ಲಿ ಯಾರಿಗೂ ಹಣವನ್ನು ಸಾಲ ಕೊಡಬಾರದು ಏಕೆಂದರೆ ಆರ್ಥಿಕ ನಷ್ಟ ಉಂಟಾಗುವ ಸಾಧ್ಯತೆ ಇದೆ. ಕೊಟ್ಟ ಹಣ ನಿಮಗೆ ವಾಪಸ್ ಬರುವುದಿಲ್ಲ. ಶನಿಯ ಕಾಟದಿಂದ ನಿಮ್ಮ ತಾಯಿಯ ಆರೋಗ್ಯ ಹದಗೆಡಬಹುದು. ಹಾಗೆಯೇ ವೃತ್ತಿ ಜೀವನದಲ್ಲಿ ಸಹ ಸಮಸ್ಯೆ ಉಂಟಾಗಬಹುದು.

ಪರಿಹಾರ: ಶನಿಯಿಂದ ಸಮಸ್ಯೆ ಇರುವ ರಾಶಿಯ ಜನರು ಶನಿ ರಕ್ಷಾ ಕವಚವನ್ನು ಪಠಿಸಬೇಕು. ಇದಕ್ಕೂ ಮೊದಲು ಶನಿ ದೇವರನ್ನು ಕ್ರಮಬದ್ಧವಾಗಿ ಪೂಜಿಸಬೇಕು ಮತ್ತು ನಂತರವೇ ಶನಿ ರಕ್ಷಾ ಕವಚವನ್ನು ಪಠಿಸಬೇಕು.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)