Sri Rama Navami 2023: ಇನ್ನು ಮೂರೇ ದಿನದಲ್ಲಿ ನಡೆಯಲಿದೆ ಅದ್ಭುತ ಪವಾಡ, ಈ ರಾಶಿಯವರಿಗೆ ಕಾದಿದೆ ಬಿಗ್ ಸರ್ಪ್ರೈಸ್​

ರಾಮ ಎಂದರೆ ಕೇವಲ ದೇವರಲ್ಲ ಹಲವಾರು ಜನರ ಬದುಕಿನ ಬೆಳಕು ಕೂಡ. ಹಾಗಾಗಿ ರಾಮ ನವಮಿ ಹಬ್ಬವನ್ನು ಬಹಳ ವಿಜೃಂಭಣೆಯಿಂದ ಆಚರಿಸಲಾಗುತ್ತದೆ. ರಾಮನನ್ನು ಕೇವಲ ದೇವರಂತೆ ಪೂಜಿಸುವುದಿಲ್ಲ, ಎಲ್ಲಾದಕ್ಕೂ ರಾಮನೇ ಆದರ್ಶ ಎನ್ನುತ್ತಾರೆ.

ಚಿಕ್ಕ ಹಳ್ಳಿಯಾದರೂ ಅಲ್ಲಿ ರಾಮಮಂದಿರ ಇರಲೇಬೇಕು ಎನ್ನುವಷ್ಟರ ಮಟ್ಟಿಗೆ ರಾಮ ಜನರ ಮನಸ್ಸಲ್ಲಿ ನೆಲೆಯೂರಿದ್ದಾನೆ. ಏನೇ ಕಷ್ಟ ಬಂದರೂ ಪರವಾಗಿಲ್ಲ. ಎಲ್ಲವನ್ನೂ ರಾಮ ನಿವಾರಣೆ ಮಾಡುತ್ತಾನೆ ಎನ್ನುತತಾರೆ. ಆದರೆ ಶ್ರೀರಾಮನ ಕೃಪೆಗೆ ಪಾತ್ರರಾಗಬೇಕಾದರೆ. ಶ್ರಾಮ ನವಮಿ ಆತನನ್ನು ಪೂಜಿಸಲು ಅತ್ಯಂತ ಪ್ರಶಸ್ತವಾದ ದಿನ ಎನ್ನುತ್ತಾರೆ ಪಂಡಿತರು.

ಶ್ರೀರಾಮ ನವಮಿಯನ್ನು ರಾಮನ ಜನ್ಮದಿನ ಎಂದು ಆಚರಿಸಲಾಗುತ್ತದೆ. ಈ ವರ್ಷ ನಾವು ಮಾರ್ಚ್ 30 ರಂದು ಶ್ರೀರಾಮ ನವಮಿಯನ್ನು ಆಚರಿಸುತ್ತಿದ್ದೇವೆ. ಆದರೆ ಆ ದಿನದಿಂದ ಕೆಲವು ರಾಶಿಯವರಿಗೆ ಹಬ್ಬವೇ ಹಬ್ಬ ಎನ್ನುತ್ತಿದ್ದಾರೆ ಜ್ಯೋತಿಷ್ಯ ಪಂಡಿತರು.

ಶ್ರೀರಾಮ ನವಮಿಯಂದು ಅತ್ಯಂತ ಪವಿತ್ರ ಮತ್ತು ಅಪರೂಪದ ಯೋಗವು ರೂಪುಗೊಳ್ಳುತ್ತದೆ. ವಿದ್ವಾಂಸರ ಪ್ರಕಾರ, ರಾಮ ನವಮಿಯಂದು ಅಮೃತ ಸಿದ್ಧಿ ಯೋಗ, ಗುರು ಪುಷ್ಯ ಯೋಗ ಮತ್ತು ಸರ್ವಾರ್ಥ ಸಿದ್ಧಿ ಯೋಗಗಳು ರೂಪುಗೊಳ್ಳುತ್ತವೆ.ಮಾರ್ಚ್ 30 ರಂದು ಬೆಳಗ್ಗೆ 6 ರಿಂದ ರಾತ್ರಿ 10.59 ರವರೆಗೆ ಅಮೃತ ಸಿದ್ಧಿ ಯೋಗ ಮತ್ತು ಸರ್ವಾರ್ಥಸಿದ್ಧಿ ಯೋಗ ನಡೆಯಲಿದೆ.

ವೃಷಭ: ರಾಮ ನವಮಿ ದಿನದಿಂದ ಅದೃಷ್ಟ ಈ ರಾಶಿಯವರ ಬಾಗಿಲನ್ನು ತಟ್ಟುತ್ತದೆ ಎನ್ನಬಹುದು. ನೀವು ಯಾವುದೇ ಹೊಸ ಕೆಲಸವನ್ನು ಪ್ರಾರಂಭಿಸಲು ಇದು ಸೂಕ್ತವಾದ ಸಮಯ. ಹೂಡಿಕೆ ಮಾಡುವ ಯೋಚನೆ ಇದ್ದರೆ ಶ್ರೀರಾಮ ನವಮಿಯಂದು ಮಾಡಬಹುದು.

ಸಿಂಹ: ರಾಮ ನವಮಿಯ ನಂತರ ಸಿಂಹ ರಾಶಿಯವರ ಕನಸು ನನಸಾಗುತ್ತದೆ. ಈ ಸಮಯ ಇವರಿಗೆ ಬಹಳ ಅನುಕೂಲಕರವಾಗಿರುತ್ತದೆ. ಜ್ಯೋತಿಷಿಗಳ ಪ್ರಕಾರ, ಈ ಯೋಗವು ಸಿಂಹ ರಾಶಿಯವರಿಗೆ ತುಂಬಾ ಮಂಗಳಕರವಾಗಿರಲಿದೆ. ಶ್ರೀರಾಮನ ಕೃಪೆಯಿಂದ ಯಶಸ್ವಿಯಾಗುತ್ತಾರೆ ಮಾತ್ರವಲ್ಲದೇ ಸಾಲಗಳಿಂದ ಮುಕ್ತರಾಗುತ್ತಾರೆ.

ತುಲಾ ರಾಶಿ: ರಾಮ ನವಮಿಯ ಸಮಯದಲ್ಲಿ ರೂಪುಗೊಳ್ಳುವ ಯೋಗಗಳು ಈ ರಾಶಿಯವರ ಬದುಕನ್ನು ಬದಲಾಯಿಸಲಿದೆ. ವಿಶೇಷವಾಗಿ ಶ್ರೀರಾಮ ನವಮಿ ದಿನದಂದು ಶುಭ ಸುದ್ದಿ ಕೇಳುವ ಸಾಧ್ಯತೆ ಇದೆ. ಅಲ್ಲದೇ ಅವಿವಾಹಿತರಿಗೆ ಕಂಕಣ ಭಾಗ್ಯವಿದೆ. ಆರ್ಥಿಕ ಪರಿಸ್ಥಿತಿಯಲ್ಲಿ ಸುಧಾರಣೆಯಾಗುವ ಸಾಧ್ಯತೆಗಳಿವೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)