Symbol: ಮನೆಯಲ್ಲಿ ಶುಭ-ಲಾಭ ಎಂದು ಬರೆಯುವುದರ ಹಿಂದಿನ ಕಾರಣ ಇದು!

ಹಿಂದೂ ಧರ್ಮದಲ್ಲಿ ಸ್ವಸ್ತಿಕ್​ ಸೇರಿದಂತೆ ಶುಭ-ಲಾಭ ಎಂಬ ಚಿಹ್ನೆ ಅಥವಾ ಬರವಣಿಗೆ ಕಾಣಬಹುದು. ಶುಭ-ಲಾಭ ಎಂಬ ಚಿಹ್ನೆ ಗಣೇಶನ ಕೃಪೆಗೆ ಪಾತ್ರವಾಗಿದೆ.

ಯಾವುದೇ ಶುಭಕಾರ್ಯವಿರಲಿ ಅಲ್ಲಿ ಮೊದಲು ಆರಾಧಿಸುವುದು ಗಣೇಶನನ್ನು. ಈ ಗಣೇಶ ಎಲ್ಲವು ಶುಭ ಮತ್ತು ಲಾಭವನ್ನೇ ತರಲಿ ಎಂಬ ಉದ್ದೇಶ ಕೂಡ ಇದರಲ್ಲಿ ಇದೆ.

ಇನ್ನು ಈ ಶುಭ-ಲಾಭ ಗಣೇಶನ ಮಕ್ಕಳು ಎಂಬ ನಂಬಿಕೆ ಕೂಡ ಇದೆ. ಗಣೇಶನಿಗೆ ರಿದ್ದಿ-ಸಿದ್ದಿ ಎಂಬ ಹೆಂಡತಿಯರಿದ್ದು, ಅವರ ಮಕ್ಕಳೇ ಈ ಶುಭ- ಲಾಭ ಎನ್ನಲಾಗಿದೆ.

ಮನೆ, ಕಚೇರಿ ಸೇರಿದಂತೆ ಇನ್ನಿತರ ಮುಖ್ಯ ದ್ವಾರದ ಮೇಲೆ ಸ್ವಸ್ತಿಕ್​ ಚಿಹ್ನೆ ಬರೆದರೆ ಅದರಿಂದ ಮನೆಯಲ್ಲಿ ಸಂತೋಷ ಮತ್ತು ಸಮೃದ್ಧಿ ನೆಲೆಸುತ್ತದೆ. ಗಣೇಶನ ಕೃಪೆ ಇರುತ್ತದೆ ಎಂಬ ನಂಬಿಕೆ ಇದೆ.

ಇದರ ಹೊರತಾಗಿ ಮನೆಯಲ್ಲಿ ಹಣ ಮತ್ತು ಆಹಾರದ ಕೊರತೆ ಎಂದಿಗೂ ಇರುವುದಿಲ್ಲ. ಇದು ಮನೆಯಲ್ಲಿ ಸಕಾರಾತ್ಮಕ ಶಕ್ತಿಯನ್ನು ಹರಡುವುದರ ಜೊತೆಗೆ ಮನೆಯ ಸುತ್ತಲಿನ ನಕಾರಾತ್ಮಕ ಶಕ್ತಿಯನ್ನು ಸಹ ನಾಶಪಡಿಸುತ್ತದೆ.

ಶುಭ ಎಂದರೆ ಮಂಗಳಕರ ಪ್ರಯೋಜನಗಳನ್ನು ನೀಡುವುದು ಎಂದು ಅರ್ಥ. ಪುರಾಣದಲ್ಲಿ ಗಣೇಶನ ಮಗನೆಂದು ಶುಭನನ್ನು ಪರಿಗಣಿಸಲಾಗಿದೆ. ಆದ್ದರಿಂದ ಈ ರೀತಿ ಬರೆಯುವುದರಿಂದ ಅಭಿವೃದ್ಧಿ ಸಿಗಲಿದೆ ಎನ್ನಲಾಗಿದೆ

ಲಾಭ ಎಂದರೆ ನಮ್ಮ ಮನೆಯ ಸಂಪತ್ತು ಯಾವಾಗಲೂ ಹೆಚ್ಚಾಗಲಿ ಎಂದು ದೇವರಲ್ಲಿ ಪ್ರಾರ್ಥಿಸುವುದಾಗಿದೆ. ಗಣೇಶನ ಅನುಗ್ರಹದಿಂದ, ವ್ಯಾಪಾರ ಅಥವಾ ಆದಾಯದ ಮೂಲವು ಯಾವಾಗಲೂ ಹೆಚ್ಚಾಗಬೇಕು.

ಇದಲ್ಲದೆ, ಸ್ವಸ್ತಿಕ ಚಿಹ್ನೆಯನ್ನು ಗಣೇಶನ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಆದುದರಿಂದ ಗೌರಿತನಯನ ಆಶೀರ್ವಾದ ಪಡೆಯಲು ಮನೆಯ ಹೊರಗೆ ಶುಭ ವಸ್ತುಗಳನ್ನು ಬರೆದು ಸ್ವಸ್ತಿಕ ಚಿಹ್ನೆಯನ್ನು ಹಾಕಲಾಗುವುದು