Shani Effect: ನಿಮ್ಮ ಲೈಫ್​ಸ್ಟೈಲ್​ ಹೀಗೆ ಚೇಂಜ್ ಮಾಡಿದ್ರೆ ಸಾಕು ಶನಿ ಕಾಟ ಇರಲ್ವಂತೆ

ಶನಿಕಾಟ ಆರಂಭವಾಯಿತು ಎಂದರೆ ಜೀವನದಲ್ಲಿ ಸಮಸ್ಯೆಗಳ ಮಳೆ ಸುರಿಯುತ್ತದೆ. ಯಾವುದೇ ಕೆಲಸಗಳು ನಿಮ್ಮ ಕೈ ಹಿಡಿಯುವುದಿಲ್ಲ, ಕುಟುಂಬಸ್ಥರು ದೂರವಾಗುತ್ತಾರೆ. ಒಟ್ಟಾರೆಯಾಗಿ ಒಂದೆಲ್ಲಾ ಒಂದು ರೀತಿಯ ಕಷ್ಟಗಳು ಬರುತ್ತವೆ.

ಈ ಶನಿಯ ಕಾಟದಿಂದ ಮುಕ್ತಿ ಪಡೆಯಲು ಜ್ಯೋತಿಷ್ಯದ ಸಲಹೆಗಳನ್ನು ನಾವು ಪಾಲಿಸುವುದು ಸಹಜ. ಆದರೆ ನಮ್ಮ ಜೀವನಶೈಲಿಯಲ್ಲಿ ಬದಲಾವಣೆ ಮಾಡಿಕೊಂಡರೆ ಸಹ ಶನಿಯ ಕಾಟದಿಂದ ನಮಗೆ ಮುಕ್ತಿ ಸಿಗುತ್ತದೆ.

ಎಲ್ಲರನ್ನೂ ಗೌರವಿಸಿ: ಜೀವನದಲ್ಲಿ ಮುಖ್ಯವಾಗಿ ಎಲ್ಲರನ್ನೂ ಗೌರವಿಸುವ ಗುಣವನ್ನು ಬೆಳೆಸಿಕೊಳ್ಳಬೇಕು. ಬೇರೆಯವರನ್ನು ಕೀಳಾಗಿ ನೋಡುವುದರಿಂದ ಶನಿಯ ಕೋಪಕ್ಕೆ ತುತ್ತಾಗುತ್ತೀರಿ. ಶನಿಯ ಕಾಟದಿಂದ ಮುಕ್ತಿ ಬೇಕು ಎಂದರೆ ಮೊದಲು ಎಲ್ಲರನ್ನೂ ಗೌರವಿಸಿ.

ಮನಸ್ಸಿನಲ್ಲಿ ಅನಗತ್ಯ ವಿಚಾರ ಇಟ್ಟುಕೊಳ್ಳಬೇಡಿ: ನೀವು ಮನಸ್ಸನ್ನು ಎಷ್ಟು ಶುದ್ಧವಾಗಿ ಇಟ್ಟುಕೊಳ್ಳುತ್ತೀರೋ, ಶನಿಯು ಅಷ್ಟು ಒಳ್ಳೆಯದನ್ನು ಮಾಡುತ್ತಾನೆ ಎನ್ನಲಾಗುತ್ತದೆ. ಹಾಗಾಗಿ ಬೇರೆಯವರ ಬಗ್ಗೆ ಕೆಟ್ಟ ಆಲೋಚನೆ ಇಟ್ಟುಕೊಳ್ಳಬಾರದು, ತಲೆಯಲ್ಲಿ ಅನಗತ್ಯ ವಿಚಾರ ಇದ್ದರೆ ಅದನ್ನು ಹೊರಹಾಕಿ ನೆಮ್ಮದಿಯಾಗಿರಬೇಕು.

ಕಾಗೆಗಳಿಗೆ ಆಹಾರ ನೀಡಿ: ಶನಿಯ ವಾಹನ ಕಾಗೆ ಎಂಬುದು ಎಲ್ಲರಿಗೂ ಗೊತ್ತಿದೆ. ಹಾಗಾಗಿ ನೀವು ಕಾಗೆಯನ್ನು ಬಹಳ ಗೌರವದಿಂದ ಕಾಣಬೇಕು. ಇದು ತಮಾಷೆ ಎನಿಸಿದರೂ ಸತ್ಯ. ಕಾಗೆಗಳಿಗೆ ಆಗಾಗ ಆಹಾರ ದಾನ ಮಾಡುವುದು ಶನಿಯ ಕೃಪೆಗೆ ಪಾತ್ರರಾಗಲು ಸಹಾಯ ಮಾಡುತ್ತದೆ.

ಅಗತ್ಯ ಇರುವವರಿಗೆ ದಾನ ಮಾಡಿ: ಜೀವನದಲ್ಲಿ ದಾನ ಮಾಡುವುದರಿಂದ ಲಾಭ ಹೊರತು ನಷ್ಟವಲ್ಲ. ನಿಮಗೆ ಸಾಡೇಸಾತಿ ಸಮಸ್ಯೆ ಇದ್ದರೆ ಅಥವಾ ಶನಿಯ ಕೃಪೆಗೆ ಪಾತ್ರರಾಗಬೇಕು ಎಂದರೆ ನಿಮ್ಮ ಕೈಲಾದಷ್ಟು ದಾನ ಮಾಡಿ. ಆಹಾರ, ಬಟ್ಟೆ, ನೀರು ಅಥವಾ ಹಣ್ಣು ನಿಮಗೆ ಯಾವುದು ಸಾಧ್ಯವೋ ಅದನ್ನು ಮಾಡಿದರೆ ಉತ್ತಮ.

ಹಸಿದವರನ್ನು ಹಾಗೆಯೇ ಕಳುಹಿಸಬೇಡಿ: ಶನಿಯ ಕಾಟದಿಂದ ಮುಕ್ತಿ ಬೇಕು ಎಂದರೆ ಯಾವಗಲೂ ಹಸಿದವರನ್ನೂ ಹಾಗೆಯೇ ಕಳುಹಿಸಬೇಡಿ. ಬಡವರಿಗೆ ಹಾಗೂ ಹಸಿದವರಿಗೆ ಸಹಾಯ ಮಾಡಿದರೆ ಶನಿ ಸಂತುಷ್ಠನಾಗುತ್ತಾನೆ ಎನ್ನಲಾಗುತ್ತದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)