Shani Amavasya: 2023ರ ಮೊದಲ ಶನಿ ಅಮಾವಾಸ್ಯೆ, 30 ವರ್ಷದ ನಂತರ ಈ ರಾಶಿಗೆ ಯೋಗವಂತೆ

ವರ್ಷದ ಮೊದಲ ಅಮಾವಾಸ್ಯೆ ಶನಿವಾರ ಜನವರಿ 21ರಂದು ಬಂದಿದ್ದು, ಈ ಕಾರಣದಿಂದ ಸುಮಾರು 30 ವರ್ಷದ ನಂತರ ವಿಶೇಷ ಯೋಗಗಳು ರೂಪುಗೊಳ್ಳುತ್ತಿವೆ. ಶನಿ ಅಮಾವಾಸ್ಯೆಯ ಕಾರಣದಿಂದ ಚತುರ್ಗ್ರಾಹಿ ಯೋಗ, ಷಡಷ್ಟಕ ಯೋಗ ಮತ್ತು ಸಂಸಪ್ತಕ ಯೋಗ ಕೂಡ ರೂಪುಗೊಳ್ಳಲಿದ್ದು, ಹಾಗಾಗಿ ಈ ಅಮವಾಸ್ಯೆ ವಿಶೇಷವಾಗಿರುತ್ತದೆ.

ಹಿಂದೂ ಧರ್ಮದಲ್ಲಿ ಪ್ರತಿಯೊಂದು ತಿಥಿಗೂ ವಿಶೇಷ ಮಹತ್ವವಿದೆ. ಇದರಲ್ಲಿ ಶನಿ ಅಮಾವಾಸ್ಯೆಗೆ ಸಹ  ಎಲ್ಲದಕ್ಕಿಂತ ಹೆಚ್ಚಿನ ಪ್ರಾಮುಖ್ಯತೆ ಇದ್ದು, ಈ ದಿನ ವಿವಿಧ ಪೂಜೆಗಳನ್ನು ಮಾಡಲಾಗುತ್ತದೆ. ಹಾಗೆಯೇ, ಈ ದಿನ ಉಪವಾಸ ಮಾಡುವುದರಿಂದ ರೂಪುಗೊಳ್ಳುವ ಯೋಗದಿಂದ ಪ್ರಯೋಜನ ಸಿಗುತ್ತದೆ ಎನ್ನುವ ನಂಬಿಕೆ ಇದೆ.

ಈ ದಿನ ಜಪ, ತಪ ಮಾಡುವುದರ ಜೊತೆಗೆ ಮೌನವಾಗಿರುವುದರಿಂದ ಸಹ ಒಳ್ಳೆಯದಾಗುತ್ತದೆ ಎನ್ನಲಾಗುತ್ತದೆ. ಹಾಗೆಯೇ, ನಂಬಿಕೆಗಳ ಪ್ರಕಾರ, ಶನಿ ಅಮವಾಸ್ಯೆಯಂದು ದಾನ ಮಾಡುವುದರಿಂದ ಎಲ್ಲಾ ರೀತಿಯ ನೋವುಗಳು ಮತ್ತು ಪಾಪಗಳು ನಿವಾರಣೆಯಾಗುತ್ತದೆ.

30 ವರ್ಷಗಳ ನಂತರ ಶನಿವಾರ, ಶನಿಯು   ಕುಂಭದಲ್ಲಿ ಕಾಣಿಸಿಕೊಳ್ಳಲಿದ್ದು, ಈ ಅಮಾವಾಸ್ಯೆ ತಿಥಿಯು ಜನವರಿ 21, ಶನಿವಾರ ಬೆಳಗ್ಗೆ 6:17 ಕ್ಕೆ ಪ್ರಾರಂಭವಾಗುತ್ತದೆ ಮತ್ತು ಜನವರಿ 22 ರವರೆಗೆ 2:22 AM ವರೆಗೆ ಇರುತ್ತದೆ. ಜ್ಯೋತಿಷ್ಯದ ಪ್ರಕಾರ ಈ ಅಮಾವಾಸ್ಯೆಯ ಕಾರಣದಿಂದ ಕೆಲ ರಾಶಿಯವರಿಗೆ ಕಷ್ಟ ಹೆಚ್ಚಾದರೆ, ಕೆಲ ರಾಶಿಗೆ ಲಾಭ ಸಿಗಲಿದೆ.

ಇನ್ನು ಶನಿ ಅಮಾವಾಸ್ಯೆಯ ಕಾರಣದಿಂದ ಚತುರ್ಗ್ರಾಹಿ ಯೋಗವು ಏಪ್ರಿಲ್ 22 ರಿಂದ ಮೇ 15 ರವರೆಗೆ ನಡೆಯುತ್ತದೆ. ಹಾಗೆಯೇ ಮೇ 10 ರಿಂದ ಜೂನ್ 30 ರವರೆಗೆ ಶನಿ ಷಡಾಷ್ಟಕ ಯೋಗವಿದೆ. ಆ ನಂತರ ಮಂಗಳ ಮತ್ತು ಶನಿಯ ಸಂಸಪ್ತಕ ಯೋಗವಿದ್ದು, ಇದರಿಂದ ಜೀವನದಲ್ಲಿ ಅನಿರೀಕ್ಷಿತ ಘಟನೆಗಳು ನಡೆಯಲಿದೆ.

ಈ ಯೋಗಗಳ ಕಾರಣದಿಂದ ಸಾಡೇಸಾತಿ ಸಮಸ್ಯೆ ಇರುವವರಿಗೆ ಸ್ವಲ್ಪ ತೊಂದರೆಗಳು ಹೆಚ್ಚಾಗುವ ಸಾಧ್ಯತೆ ಇದ್ದು, ಹಾಗೆಯೇ ಸಾಡೇಸಾತಿಯಿಂದ ಈಗಷ್ಟೇ ಮುಕ್ತಿ ಪಡೆದ ರಾಶಿಗಳಿಗೆ ಅದೃಷ್ಟ ಹುಡುಕಿಬರಲಿದೆ.

ಇನ್ನು ಈ ಶನಿ ಅಮಾವಾಸ್ಯೆಯ ದಿನ ಕಪ್ಪು ಎಳ್ಳು ಹಾಗೂ ಎಳ್ಳೆಣ್ಣೆಯನ್ನು ದಾನ ಮಾಡುವುದರಿಂದ ಶನಿಯ ಕೆಟ್ಟ ಪರಿಣಾಮವನ್ನು ಕಡಿಮೆ ಮಾಡಬಹುದು. ಹಾಗೆಯೇ ನಿಮ್ಮ ಶಕ್ತಿಯ ಅನುಗುಣವಾಗಿ ಬಡವರಿಗೆ ಆಹಾರ ಹಾಗೂ ಬಟ್ಟೆ ದಾನ ಮಾಡಿ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)