Feng Shui For Job: ಕೆಲಸ ಇಲ್ದೇ ಖಾಲಿ ಇದ್ರೆ ಈ ಫೆಂಗ್ ಶೂಯಿ ವಿಧಾನ ಅನುಸರಿಸಿ ಸಾಕು

ನಿಮ್ಮ ರೂಂನ ಉತ್ತರ ಭಾಗದಲ್ಲಿ ವಿಶ್ವ ಭೂಪಟವನ್ನು ಹಾಕುವುದರಿಂದ ನಿಮ್ಮ ಏಕಾಗ್ರತೆ ಹೆಚ್ಚಾಗುತ್ತದೆ. ಹಾಗೆಯೇ ಇದರಿಂದ ನಿಮಗೆ ಸುಲಭವಾಗಿ ಕೆಲಸ ಪಡೆಯಲು ಸಹಾಯವಾಗುತ್ತದೆ ಎನ್ನುತ್ತದೆ ಫೆಂಗ್ ಶೂಯಿ.

ನಿಮ್ಮ ಮನೆಯ ಉತ್ತರ ದಿಕ್ಕು ವೃತ್ತಿ ಬದುಕಿನಲ್ಲಿ ಬಹಳಷ್ಟು ಬದಲಾವಣೆ ಕಾರಣವಾಗುತ್ತದೆ. ಹಾಗಾಗಿ ಉತ್ತರ ದಿಕ್ಕಿನ ಗೋಡೆಯಲ್ಲಿ ಯಶಸ್ವಿ ವ್ಯಕ್ತಿಗಳ ಫೋಟೋ ಹಾಕುವುದು ನಿಮಗೆ ಸಹಾಯ ಮಾಡುತ್ತದೆ.

ಫೆಂಗ್ ಶೂಯಿಗೆ ಸಂಬಂಧ ಪಟ್ಟ ಮೆಟಲ್ ವಸ್ತುಗಳನ್ನು ನೀವು ನಿಮ್ಮ ಮನೆಯ ಮೂಲೆಗಳಲ್ಲಿ ಹಾಕುವುದು ಕೆಲಸ ಬೇಗ ಸಿಗಲು ಕಾರಣ ಎನ್ನಬಹುದು. ಈಶಾನ್ಯ ಭಾಗದಲ್ಲಿ ಈ ವಸ್ತುಗಳನ್ನು ತೂಗು ಹಾಕುವುದು ಪಾಸಿಟಿವ್ ಎನರ್ಜಿಯನ್ನು ಸೆಳೆಯುತ್ತದೆ.

ನಿಮ್ಮ ರೂಂನ ಗೋಡೆಯ ಬಣ್ಣ ಸಹ ಮುಖ್ಯವಾಗುತ್ತದೆ ಎಂದರೆ ಹಲವಾರು ಜನರು ನಂಬುವುದಿಲ್ಲ. ಆದರೆ ಕೆಲಸ ಸಿಗದೇ ಪರದಾಡುತ್ತಿದ್ದರೆ ರೂಂ ಗೋಡೆಯ ಬಣ್ಣ ನೀಲಿ ಮತ್ತು ಕಪ್ಪು ಇದ್ದರೆ ಸೂಕ್ತ.

ನಿಮ್ಮ ಮೊದಲ ಬಾಗಿಲ ಬಳಿ ಹೆಚ್ಚು ವಸ್ತುಗಳನ್ನು ಇಡಬೇಡಿ. ಸುತ್ತಲು ಅನೇಕ ವಸ್ತುಗಳು ಇದ್ದರೆ ಒಳ್ಳೆಯ ಎನರ್ಜಿ ಒಳಗೆ ಬರಲು ಸಾಧ್ಯವಾಗುವುದಿಲ್ಲ. ಇದರಿಂದ ನಿಮ್ಮ ಅದೃಷ್ಟಕ್ಕೆ ಅಡ್ಡಗಾಲು ಹಾಕಲಾಗುತ್ತದೆ.

ನಿಮ್ಮ ಮನೆಯ ಗೋಡೆಯಲ್ಲಿ ಇರುವ ಕನ್ನಡಿ ಸಹ ಬಹಳ ಪ್ರಮುಖ ಪಾತ್ರವಹಿಸುತ್ತದೆ. ಅದರಲ್ಲಿ ನಿಮ್ಮ ಮನೆಯ ದೊಡ್ಡ ಬಾಗಿಲು ಕಾಣಿಸಬೇಕು ಎಂಬುದು ಒಂದಾದರೆ, ಅದರಲ್ಲಿ ನೀರಿನ ಅಂಶವಿರುವ ವಸ್ತು ಯಾವುದಾದರೂ ಸಹ ಕಾಣಬೇಕು ಎನ್ನುತ್ತದೆ ಫೆಂಗ್ ಶೂಯಿ.

ನೀವು ಮಲಗುವ ಕೋಣೆಯನ್ನು ಬಹಳ ಸ್ವಚ್ಛವಾಗಿ ಇಟ್ಟುಕೊಳ್ಳಬೇಕು. ರೂಂ ತುಂಬೆಲ್ಲಾ ವಸ್ತುಗಳು ಇದ್ದರೆ ನೆಗೆಟಿವ್ ಎನರ್ಜಿ ತುಂಬಿರುತ್ತದೆ. ಹಾಗಾಗಿ ಸಾಧ್ಯವಾದಷ್ಟು ಕ್ಲೀನ್ ಆಗಿ ಇಟ್ಟುಕೊಳ್ಳಿ. ಅಗತ್ಯ ವಸ್ತುಗಳನ್ನು ಮಾತ್ರ ಅಲ್ಲಿ ಇಡುವುದು ಉತ್ತಮ.

ಮನೆಯಲ್ಲಿ ಡ್ರೀಮ್ ಕ್ಯಾಚರ್ ಹಾಗೂ ವಿಂಡ್​ ಚೈಮ್ ಹಾಕುವುದು ಬಹಳ ಉತ್ತಮ. ಇದರಿಂದ ನಿಮ್ಮ ಸಮಸ್ಯೆಗಳಿಗೆ ಪರಿಹಾರ ಸಿಗುತ್ತದೆ. ಹಾಗೆಯೇ ಕೆಲಸ ಕೂಡ ಬಹಳ ಬೇಗ ಸಿಗುತ್ತದೆ.