Feng Shui Tips: ಮನೆಯಲ್ಲಿ ಮಾಡೋ ಈ ಬದಲಾವಣೆಗಳಿಂದ ಜಗಳಕ್ಕೆ ಬೀಳುತ್ತೆ ಫುಲ್​ಸ್ಟಾಪ್​!

ಫೋಟೋಗಳು: ನಿಮ್ಮ ಮನೆಯ ಗೋಡೆಯ ಮೇಲೆ ವಿಭಿನ್ನ ರೀತಿಯ ಫೋಟೋ ಅಥವಾ ಕಲಾಕೃತಿಗಳು ಹಾಕುವುದು ಉತ್ತಮ. ಇದು ಮನೆಯಲ್ಲಿ ನೆಗೆಟಿವ್ ಎನರ್ಜಿ ಬರದಂತೆ ತಡೆಯುತ್ತದೆ. ಅಲ್ಲದೇ ನೀವು ಗೋಡೆಯ ಮೇಲೆ ಚಿತ್ರಗಳನ್ನು ಸಹ ಬಿಡಿಸಬಹುದು.

ಸರಿಯಾಗಿ ಜೋಡಿಸಿ ಇಡಿ: ನೀವು ನಿಮ್ಮ ಮನೆಯನ್ನು ಹೇಗೆ ಇಟ್ಟುಕೊಂಡಿರುತ್ತೀರಿ ಎಂಬುದು ಸಹ ಬಹಳ ಮುಖ್ಯವಾಗುತ್ತದೆ. ಎಲ್ಲಾ ವಸ್ತುಗಳನ್ನು ಸರಿಯಾಗಿ ಜೋಡಿಸಿ ಇಡುವುದು ಮನೆಯಲ್ಲಿ ಸಮಸ್ಯೆ ಬರದಂತೆ ತಡೆಯುತ್ತದೆ.

ಬಾಗಿಲು: ನಿಮ್ಮ ಮನೆಯ ಮೊದಲ ಬಾಗಿಲ ಸುತ್ತ ಮುತ್ತ ಹೆಚ್ಚು ಜಾಗ ಬಿಡುವುದು ಒಳ್ಳೆಯದು. ತಕ್ಷಣವೇ ಮತ್ತೊಂದು ಬಾಗಿಲು ಇಡುವುದು ಅಥವಾ ಕಾಲಿಗೆ ಸಿಗುವಂತೆ ವಸ್ತುಗಳನ್ನು ಇಡುವುದು ಆರೋಗ್ಯ ಸಮಸ್ಯೆಗಳಿಗೆ ಆಹ್ವಾನ ಕೊಟ್ಟಂತೆ.

ಕನ್ನಡಿ ಹಾಕಿ: ನೀವು ನಿಮ್ಮ ಮನೆಯ ಮೊದಲ ಬಾಗಿಲು ತೆಗೆಯುತ್ತಿದ್ದ ಹಾಗೆ ಕನ್ನಡಿ ಕಾಣುವಂತೆ ಹಾಕಿದರೆ ಬಹಳ ಒಳ್ಳೆಯದು ಎನ್ನುತ್ತದೆ ಫೆಂಗ್ ಶೂಯಿ. ಇದರಿಂದ ಮನೆಯಲ್ಲಿ ಶಾಂತಿ ಸಿಗುತ್ತದೆ.

ಅಡುಗೆ ಮನೆ: ಮತ್ತೊಂದು ಮುಖ್ಯವಾದ ವಿಚಾರ ಎಂದರೆ ನಿಮ್ಮ ಮನೆಗೆ ಬಂದ ಅತಿಥಿಗಳಿಗೆ ಅಡುಗೆ ಕೋಣೆ ನೇರವಾಗಿ ಕಾಣಬಾರದು. ಹಾಗೆಯೇ, ಮನೆಯಲ್ಲಿ ಮೆಟ್ಟಿಲು ಇರುವುದು ಸಹ ಆರೋಗ್ಯದ ದೃಷ್ಟಿಯಿಂದ ಉತ್ತಮವಂತೆ.

ಸ್ವಂತ ಮನೆ ಎಂಬುದು ಎಲ್ಲರ ಕನಸು, ಇದನ್ನು ಕಟ್ಟುವಾಗ ನಾವು ಸರಿಯಾದ ವಿಧಾನವನ್ನು ಮುಖ್ಯವಾಗಿ ಅನುಸರಿಸಬೇಕು. ಮನೆ ಕಟ್ಟಿದ ನಂತರ ಫೆಂಗ್ ಶೂಯಿ ಪ್ರಕಾರ ಮನೆಗೆ ಒಂದು ಕಲಾಕೃತಿ ತಂದು ಇಡಿ. ಇದರಿಂದ ಮನೆಯಲ್ಲಿ ಮುಂದಿನ ದಿನಗಳಲ್ಲಿ ಆರ್ಥಿಕ ಸಮಸ್ಯೆ ಬರುವುದಿಲ್ಲ.

ಮತ್ತೊಂದು ಮುಖ್ಯವಾದ ವಿಚಾರ ಎಂದರೆ ನಿಮ್ಮ ಮನೆಯ ಯಾವುದೇ ಬಿಲ್​ಗಳನ್ನು ಲೇಟ್​ ಆಗಿ ಪಾವತಿ ಮಾಡಬೇಡಿ. ಇದು ಮನೆಗೆ ನೆಗೆಟಿವ್ ಎನರ್ಜಿ ಬರಲು ಮುಖ್ಯ ಕಾರಣ ಎನ್ನುತ್ತಾದೆ ಫೆಂಗ್ ಶೂಯಿ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)