Money Vastu: ಈ ವಸ್ತು ಮನೆಯಲ್ಲಿದ್ರೆ ಲಕ್ಷ್ಮಿ ಕೃಪೆ ನಿಮ್ಮ ಮೇಲಿರುತ್ತೆ, ಹಣದ ಕೊರತೆಯೇ ಆಗಲ್ಲ

ಈ ಪಿರಮಿಡ್​ಗಳು ಉತ್ತಮ ಶಕ್ತಿಯನ್ನು ಆಕರ್ಷಿಸುತ್ತವೆ ಎನ್ನುತ್ತದೆ ವಾಸ್ತುಶಾಸ್ತ್ರ. ಇವುಗಳನ್ನು ಮನೆಯಲ್ಲಿ ಇಟ್ಟುಕೊಳ್ಳುವುದರಿಂದ ಯಾವುದೇ ಕೆಟ್ಟ ಶಕ್ತಿಗಳು ಸಮಸ್ಯೆ ಮಾಡದಂತೆ ತಡೆಯಬಹುದು ಎನ್ನುವ ನಂಬಿಕೆ ಇದೆ.

ಅಷ್ಟೇ ಅಲ್ಲದೇ ಈ ಪಿರಮಿಡ್​ಗಳು ಮನೆಯಲ್ಲಿ ಪಾಸಿಟಿವ್ ಎನರ್ಜಿ ಹರಡುವುದು ಮಾತ್ರವಲ್ಲದೇ, ವಾಸ್ತು ದೋಷಗಳನ್ನು ಸಹ ನಿವಾರಣೆ ಮಾಡುತ್ತದೆ. ಮುಖ್ಯವಾಗಿ ಕ್ರಿಸ್ಟಲ್​ ಪಿರಮಿಡ್​ಗಳು ಮನೆಯಲ್ಲಿ ಇರಲೇಬೇಕಂತೆ.

ಈ ಕ್ರಿಸ್ಟಲ್ ಪಿರಮಿಡ್ ಅನ್ನು ಮನೆ, ಆಫೀಸ್​ ಅಥವಾ ಸ್ಟಡಿ ಟೇಬಲ್ ನಲ್ಲಿ ಇಡಬಹುದು. ಇದರಿಂದ ಕೆಲಸ ಹಾಗೂ ಓದಿನಲ್ಲಿ ಆಗುವ ಸಮಸ್ಯೆಗಳು ನಿವಾರಣೆ ಆಗುತ್ತದೆ. ಹಾಗೆಯೇ ಈ ಪಿರಮಿಡ್ ಅನ್ನು ಮನೆ ಅಥವಾ ಕಚೇರಿಯಲ್ಲಿ ನೈಋತ್ಯ ದಿಕ್ಕಿನಲ್ಲಿ ಇಡಬೇಕು.

ಈ ರೀತಿ ನೈರುತ್ಯ ದಿಕ್ಕಿನಲ್ಲಿ ಪಿರಮಿಡ್​ಗಳನ್ನು ಇಟ್ಟರೆ ನೀವು ಬಯಸಿದ ಇಷ್ಟಾರ್ಥಗಳು ಈಡೇರುತ್ತವೆ ಎನ್ನುವ ನಂಬಿಕೆ ಇದೆ. ಅಲ್ಲದೇ, ಮನೆಯಲ್ಲಿ ಯಾವಾಗಲೂ ಸಂತೋಷ ಇರಬೇಕು ಎಂದರೆ ಇದನ್ನು ಆಗ್ನೇಯ ದಿಕ್ಕಿನಲ್ಲಿ ಇಡಬೇಕು ಎನ್ನಲಾಗುತ್ತದೆ.

ಮನೆಯಲ್ಲಿ ಯಾವುದೇ ಕೆಲಸ ಮುಗಿಯದಿದ್ದರೂ, ಅಥವಾ ಕಚೇರಿಯಲ್ಲಿ ನಿಗದಿತ ಸಮಯಕ್ಕೆ ಪ್ರಾಜೆಕ್ಟ್ ಕೆಲಸ ಮುಗಿಯದಿದ್ದರೂ ಈ ಪಿರಮಿಡ್ ಇಟ್ಟುಕೊಂಡರೆ ಬೇಗ ಮುಗಿಯುತ್ತದೆ ಎನ್ನಲಾಗುತ್ತದೆ. ಒಟ್ಟಾರೆ ಇದು ನಿಮ್ಮ ಯಶಸ್ಸಿಗೆ ಕಾರಣವಾಗುತ್ತದೆ.

ಇನ್ನು ಈ ಪಿರಮಿಡ್​ಗಳು ಕಾಮನಬಿಲ್ಲಿನ ಬೆಳಕನ್ನು (ಪ್ರಿಸ್ಮ್) ಹೊರಸೂಸುತ್ತದೆ. ಇದಕ್ಕಾಗಿ ಕಿಟಕಿಯ ಪಕ್ಕದಲ್ಲಿ ಇಡಲು ಹೇಳಲಾಗುತ್ತದೆ. ಇದರಿಂದ ಮನೆಯ ಒಳಗೆ ಸುಂದರವಾದ ಬೆಳಕು ಬರುವುದಲ್ಲದೇ, ಪಾಸಿಟಿವ್ ಎನರ್ಜಿ ಕೂಡ ಮನೆಯಲ್ಲಿ ಹೆಚ್ಚಾಗುತ್ತದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)