Vastu Tips: Work Life Successಗೆ ಈ ವಾಸ್ತು ಪಾಲಿಸಿ; ಪ್ರಗತಿ ಖಂಡಿತ ಅಂತೆ

ವಾಸ್ತು ಶಾಸ್ತ್ರದ ಪ್ರಕಾರ, ಕೆಲಸದ ಸ್ಥಳದಲ್ಲಿ ವಾಸ್ತುವಿನ ಕೆಲವು ವಿಶೇಷ ಕಾಳಜಿ ವಹಿಸಿದರೆ, ಕೆಲಸದಲ್ಲಿ ವೇಗವಾಗಿ ಪ್ರಗತಿ ಹೊಂದಬಹುದು. ನೀವು ವ್ಯಾಪಾರ ಅಥವಾ ಉದ್ಯೋಗದಲ್ಲಿ ಯಶಸ್ಸು ಪಡೆಯಬಹುದು

ಬಟ್ಟೆಗಳ ಬಣ್ಣ: ಉದ್ಯೋಗ ಅಥವಾ ವ್ಯಾಪಾರದಲ್ಲಿನ ಏರಿಳಿತಗಳಿದ್ದಾಗ ಅಥವಾ ನಿಮ್ಮ ವೃತ್ತಿ ಜೀವನದಲ್ಲಿ ತೊಂದರೆ ಅನುಭವಿಸುತ್ತಿದ್ದರೆ, ನಿಮ್ಮ ಕೆಲಸದ ಸ್ಥಳದಲ್ಲಿ ಕಪ್ಪು ಬಟ್ಟೆಗಳನ್ನು ಧರಿಸುವುದನ್ನು ನಿಲ್ಲಿಸುವುದು ಉತ್ತಮ. ಇಲ್ಲ ಕಚೇರಿಯ ಟೇಬಲ್​ ಮೇಲೆ ಯಾವುದೇ ರೀತಿಯ ಕಪ್ಪು ಬಟ್ಟೆ ಇಡಬೇಡಿ. ಇದು ನಿಮ್ಮಲ್ಲಿ ನಕಾರಾತ್ಮಕತೆಯನ್ನು ತುಂಬಬಹುದು.

ಬೆಳಕು ಮತ್ತು ಶುಚಿತ್ವಕ್ಕೆ ಆದ್ಯತೆ ನೀಡಿ: ಕಚೇರಿ ಅಥವಾ ಕೆಲಸದ ಸ್ಥಳದಲ್ಲಿ ಸಾಕಷ್ಟು ಪ್ರಮಾಣದ ಬೆಳಕು ಇರುವಂತೆ ನೋಡಿಕೊಳ್ಳಬೇಕು. ಹೆಚ್ಚು ಸೂರ್ಯನ ಬೆಳಕು ಬಂದರೆ, ಆ ಸ್ಥಳ ಇನ್ನೂ ಉತ್ತಮವಾಗಿರುತ್ತದೆ.

ಶುಚಿತ್ವಕ್ಕೆ ಆದ್ಯತೆ: ಕೆಲಸ ಮಾಡುವ ಸ್ಥಳ ಸ್ವಚ್ಛವಾಗಿರಬೇಕು. ವಾಸ್ತು ಪ್ರಕಾರ, ಕಚೇರಿಯ ಮೇಜಿನ ಮೇಲೆ ಅನಗತ್ಯ ಕಾಗದಗಳು ಮತ್ತು ಅನಗತ್ಯ ವಸ್ತುಗಳನ್ನು ಇಡಬೇಡಿ. ಇದು ನಿಮ್ಮ ಪ್ರಗತಿಗೆ ಅಡ್ಡಿಯಾಗುತ್ತದೆ.

ಸರಿಯಾದ ದಿಕ್ಕು- ಕಚೇರಿಯಲ್ಲಿ ಪ್ರಗತಿಯನ್ನು ಕಾಣಲು ಸರಿಯಾದ ದಿಕ್ಕಿನಲ್ಲಿ ಕುಳಿತು ಕೆಲಸ ಮಾಡುವುದು ಬಹಳ ಮುಖ್ಯ. ನೀವು ಮಾರ್ಕೆಟಿಂಗ್ ಅಥವಾ ಮಾರಾಟ ವಿಭಾಗದಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದರೆ, ಈಶಾನ್ಯದ ಕಡೆಗೆ ಮುಖ ಮಾಡಬೇಕು

ಕ್ರಿಸ್ಟಲ್​ ವಸ್ತು ಬಳಸಿ: ಸ್ಫಟಿಕ ಹರಳು, ಬಿದಿರು ಗಿಡಗಳನ್ನು ಕಚೇರಿಯಲ್ಲಿ ಇಡುವುದು ಶುಭ ಎಂದು ವಾಸ್ತು ತಜ್ಞರು ಹೇಳುತ್ತಾರೆ. ಅದನ್ನು ಇಟ್ಟುಕೊಳ್ಳುವುದರಿಂದ, ಪ್ರಗತಿಯ ಸಾಧ್ಯತೆಗಳು ಬೇಗ ಆಗಲಿದೆ

ನಿಮ್ಮ ಲ್ಯಾಪ್‌ಟಾಪ್, ಸ್ಮಾರ್ಟ್‌ಫೋನ್‌ನಂತಹ ಎಲೆಕ್ಟ್ರಾನಿಕ್ ಗ್ಯಾಜೆಟ್‌ಗಳನ್ನು ಆಗ್ನೇಯ ದಿಕ್ಕಿನಲ್ಲಿ ಇಡಬೇಕು.

ಒಂದು ವೇಳೆ ನೀವು ಮನೆಯಿಂದ ಕೆಲಸ ಮಾಡುತ್ತಿದ್ದರೆ, ನಿಮ್ಮ ಕೆಲಸದ ಸ್ಥಳವು ಮಲಗುವ ಕೋಣೆಯ ಬಳಿ ಇರಬಾರದು. ಇದರೊಂದಿಗೆ ಮೇಲಿನ ನಿಯಮವನ್ನು ಪಾಲಿಸುವುದು ಒಳ್ಳೆಯದು