2023 Astrology: 2023ರಲ್ಲಿ ಈ ಸಿಂಪಲ್ ಸಲಹೆ ಪಾಲಿಸಿ ಶನಿ ದೇವನ ಕೃಪೆ ಗಳಿಸಿ

ಹೊಸವರ್ಷದ ಮೊದಲ ದಿನ ಭಾನುವಾರ ಬಂದಿದ್ದು, ಈ ದಿನ ಸೂರ್ಯನಿಗೆ ಅರ್ಘ್ಯ ಅರ್ಪಿಸುವುದರಿಂದ ಆ ವರ್ಷದಲ್ಲಿ ಒಳಿತಾಗಲಿದೆ ಎಂದು ಹೇಳಲಾಗುತ್ತದೆ. ಆದರೆ ಆ ನೀರಿಗೆ ದಾಸವಾಳ ಹೂವನ್ನು ಹಾಕಿ ನಂತರ ಅರ್ಪಿಸಬೇಕು.

ಈ ವರ್ಷ ನೀವು ಕನಿಷ್ಠ ಎರಡು ಗಿಡಗಳನ್ನು ನೆಡಬೇಕು, ಮಾವು, ಆಲ, ಅರಳಿ, ಬೇವು ಹಾಗೂ ಬಿಲ್ವ ಗಿಡಗಳನ್ನು ನೆಡುವುದರಿಂದ ಬಡತನ ಕಾಡುವುದಿಲ್ಲ ಎಂದು ಹೇಳಲಾಗುತ್ತದೆ. ಇದರಿಂದ ಲಕ್ಷ್ಮೀ ತೃಪ್ತಳಾಗಿ ಸಂಪತ್ತು ಹೆಚ್ಚಾಗುತ್ತದೆ.

ಮಂಗಳವಾರ ಮತ್ತು ಶನಿವಾರದಂದು, ನೀವು ವರ್ಷಕ್ಕೆ ಎರಡು ಬಾರಿಯಾದರೂ ಹನುಮಂತನಿಗೆ ಮಲ್ಲಿಗೆ ಎಣ್ಣೆ ಮತ್ತು ಸಿಂಧೂರವನ್ನು ಮಿಶ್ರಣ ಮಾಡಿ ಅರ್ಪಣೆ ಮಾಡಬೇಕು. ಈ ರೀತಿ ಮಾಡುವುದರಿಂದ ಆರೋಗ್ಯದ ಸಮಸ್ಯೆಗಳು ಬರುವುದಿಲ್ಲ.

ಮನೆಯ ಪ್ರತಿಯೊಬ್ಬ ಸದಸ್ಯರಿಂದ ಕನಿಷ್ಠ 10 ರೂಪಾಯಿಗಳನ್ನು ಸಂಗ್ರಹಿಸಿ, ನೀವು ಸಂಗ್ರಹಿಸಿದ ಹಣದಿಂದ ಅಂಗವಿಕಲ ಭಿಕ್ಷುಕನಿಗೆ ಆಹಾರ ನೀಡಬಹುದು. ಇಲ್ಲದಿದ್ದರೆ ನೀವು ಪಕ್ಷಿಗಳಿಗೆ ಧಾನ್ಯಗಳನ್ನು ಸಹ ಆ ಹಣದಿಂದ ಖರೀದಿಸಿ ನೀಡಬಹುದು.

ರಾಹು ಮತ್ತು ಕೇತುವನ್ನು ಯಾವಾಗಲೂ ಜ್ಯೋತಿಷ್ಯದಲ್ಲಿ ಹೆಚ್ಚು ಪ್ರಭಾವ ಬೀರುವ ಎರಡು ಗ್ರಹಗಳೆಂದು ಪರಿಗಣಿಸಲಾಗಿದೆ. ಬಹುಪಾಲು ಜಾತಕಗಳಲ್ಲಿ ರಾಹು ಮತ್ತು ಕೇತುಗಳ ದೋಷಗಳು ಕಾಣಿಸುತ್ತದೆ. ಅದಕ್ಕೆ ಪರಿಹಾರ ಪಡೆಯುವುದು ನಿಜಕ್ಕೂ ಬಹಳ ಅಗತ್ಯ.

ನೀವು ಕಪ್ಪು ಮತ್ತು ಬಿಳಿ ಹೊದಿಕೆಯನ್ನು ಖರೀದಿಸಿ ಶನಿವಾರದಂದು ಅಗತ್ಯವಿರುವ ವ್ಯಕ್ತಿಗೆ ದಾನ ಮಾಡಬೇಕು. ಸಾಧ್ಯವಾಗದಿದ್ದರೆ, ನೀವು ಶನಿವಾರದಂದು ಎರಡು ಬಣ್ಣದ ಹಾಳೆಯನ್ನು ದಾನ ಮಾಡಬಹುದು. ರಾಹು ಮತ್ತು ಕೇತುಗಳಿಂದ ಉಂಟಾಗುವ ಎಲ್ಲಾ ದೋಷಗಳು ಈ ಒಂದು ಪರಿಹಾರದಿಂದ ನಿವಾರಣೆಯಾಗುತ್ತದೆ.

ನೀವು ಕನಿಷ್ಟ 10 ಕುರುಡು ಜನರಿಗೆ ಆಹಾರವನ್ನು ನೀಡುವುದು ಬಹಳ ಉತ್ತಮ. ಇಲ್ಲದಿದ್ದರೆ ಅಂಗವಿಕಲ ವ್ಯಕ್ತಿ, ಸನ್ಯಾಸಿಗಳು ಅಥವಾ ಹುಡುಗಿಯರಿಗೆ ವರ್ಷಕ್ಕೆ ಎರಡು ಬಾರಿ ಸಮಯಕ್ಕೆ ಸರಿಯಾಗಿ ಆಹಾರವನ್ನು ನೀಡಿ. ಇದರಿಂದ ಶನಿ ದೇವನ ಕೃಪೆ ನಿಮ್ಮ ಮೇಲೆ ಇರುತ್ತದೆ.

ನೀವು ರಾತ್ರಿ ಮಲಗುವಾಗ ನಿಮ್ಮ ತಲೆದಿಂಬಿನ ಮೇಲೆ ನೀರು ತುಂಬಿದ ತಾಮ್ರದ ಪಾತ್ರೆಯನ್ನು ಇಡಿ. ಬೆಳಗ್ಗೆ ಎದ್ದಾಗ ಅದನ್ನು ಹೊರಗೆ ಎಸೆಯಿರಿ. ಇದನ್ನು ಕನಿಷ್ಠ 11 ರಿಂದ 43 ದಿನಗಳವರೆಗೆ ಮಾಡಿ. ಹೀಗೆ ಮಾಡುವುದರಿಂದ ಶಾರೀರಿಕ ಮತ್ತು ಮಾನಸಿಕ ಎರಡೂ ಕಾಯಿಲೆಗಳು ಗುಣವಾಗುತ್ತವೆ.