Astrology: ಸ್ನಾನ ಮಾಡುವಾಗ ಈ ಮಂತ್ರ ಹೇಳಿದ್ರೆ ಸಾಕಂತೆ ಎಲ್ಲಾ ದೋಷ ಪರಿಹಾರ; ಯಾವುದು ಆ ಮಂತ್ರ?

ಧಾರ್ಮಿಕ ಆಚರಣೆ ಮತ್ತು ನಂಬಿಕೆಗಳು ಸಕಾರಾತ್ಮಕ ಕಾರಣಗಳ ಮೇಲೆ ನಿಂತಿವೆ. ಹಿಂದೂ ಧರ್ಮದಲ್ಲಿ ಆಚರಿಸುವ ಪ್ರತಿಯೊಂದು ಆಚರಣೆಯಲ್ಲೂ ಒಳಿತು ಅಡಗಿದೆ. ವೇದ, ಪುರಾಣಗಳಲ್ಲಿ ಹೇಳಿರುವಂತೆ ಆಚಾರ-ವಿಚಾರಗಳನ್ನು ನಿಯಮ ಬದ್ಧವಾಗಿ ಪಾಲಿಸಿದರೆ ಭಗವಂತನ ಕೃಪೆಗೆ ಪಾತ್ರರಾಗಬಹುದು. ಅದೇ ರೀತಿ ಒಂದು ಮಂತ್ರವನ್ನು ಸ್ನಾನ ಮಾಡುವಾಗ ಸ್ಮರಿಸಿದರೆ, ಅನೇಕ ಕಷ್ಟ ಪರಿಹಾರವಾಗಲಿದೆ.

ಸ್ನಾನ ಎಂಬುದು ಕೇವಲ ದೇಹದ ಶುಚಿ ಕಾರ್ಯವಲ್ಲ. ಅದು ಮನಸ್ಸಿನ ಶುದ್ಧತೆ ಕಾರ್ಯ. ಸ್ನಾನ ಮಾಡುವುದರಿಂದ ಮನಸ್ಸು ಅನೇಕ ಬಾರಿ ಹಗುರಾಗುತ್ತದೆ ಎಂಬುದು ಸಾಬೀತಾಗಿದೆ. ಇದಕ್ಕೆ ಕಾರಣ ನೀರಿನಲ್ಲಿರುವ ಶಕ್ತಿ. ಈ ಶಕ್ತಿ ವ್ಯಕ್ತಿಯಲ್ಲಿರುವ ನಕಾರಾತ್ಮಕ ಶಕ್ತಿಯನ್ನು ದೂರ ಮಾಡಿ ಸಕಾರಾತ್ಮಕ ಶಕ್ತಿ ದೇಹದಲ್ಲಿ ಹೆಚ್ಚಿಸುತ್ತದೆ.

ನಾವು ಸ್ನಾನ ಮಾಡುವ ನೀರು ಗಂಗೆ, ಗೋದಾವರಿ, ಕಾವೇರಿಯಷ್ಟೇ ಪವಿತ್ರ. ಈ ಹಿನ್ನಲೆ ಸ್ನಾನ ಮಾಡುವಾಗ ಈ ಪವಿತ್ರ ನದಿಗಳನ್ನು ಪ್ರಾರ್ಥಿಸಿಕೊಂಡು ಸ್ನಾನ ಮಾಡುವುದರಿಂದ ಎಲ್ಲ ದೈಹಿಕ ಮತ್ತು ಮಾನಸಿಕ ಸಮಸ್ಯೆಗಳು ದೂರಾಗಲಿದೆ.

ಇನ್ನು ಸ್ನಾನ ಮಾಡುವ ಮುನ್ನ ಒಂದು ಚಮಚ ಉಪ್ಪನ್ನು ಕೈಯಲ್ಲಿ ಹಿಡಿದು, ಓಂ ಮನಿ ಪದ್ಮೇ ಓಂ ಫಟ್ ಎಂಬ ಮಂತ್ರ ಜಪಿಸಬೇಕು. ಜೊತೆಗೆ ‘ಗಂಗೇ ಚ ಯಮುನೇ ಚೈವ ಗೋದಾವರಿ ಸರಸ್ವತಿ, ನರ್ಮದೇ ಸಿಂಧು ಕಾವೇರಿ ಜಲೇಸ್ಮಿನ್ ಸನ್ನಿಧಿಂ ಕುರು’ ಎಂದು ಪ್ರಾರ್ಥಿಸಬೇಕು.

ಬಲಗೈಯಲ್ಲಿ ಉಪ್ಪನ್ನು ಹಿಡಿದುಕೊಂಡು ನಂತರ 108 ಬಾರಿ ಈ ಮಂತ್ರ ಜಪಿಸಿ ಬಳಿಕ ಉಪ್ಪನ್ನು ನೀರಿನೊಳಗೆ ಹಾಕಿ ಸ್ನಾನ ಮಾಡುವುದರಿಂದ ಎಲ್ಲಾ ದೋಷ ನಿವಾರಣೆ ಆಗುವುದರಿಂದ ಒಳಿತಾಗಲಿದೆ.