Naga Women Sadhu: ನಾಗಸಾಧುಗಳಲ್ಲಿ ಮಹಿಳೆಯರೂ ಇದ್ದಾರೆ, ಅವರ ಜೀವನಶೈಲಿಯೇ ವಿಚಿತ್ರ!

ಪುರುಷರಂತೆ ಹೆಂಗಸರೂ ನಾಗಸಾಧುಗಳಾಗುತ್ತದೆ, ಆದರೆ ಈ ಬಗ್ಗೆ ಹೆಚ್ಚಿನ ಜನರಿಗೆ ಗೊತ್ತಿಲ್ಲ. ಇದಕ್ಕಾಗಿ ಅವರು ಕಠಿಣ ಪರೀಕ್ಷೆಗಳನ್ನು ಎದುರಿಸಬೇಕಾಗುತ್ತದೆ. ಆದರೆ, ಕೆಲವು ವಿಷಯಗಳಲ್ಲಿ ಸ್ತ್ರೀ ಸಾಧುಗಳು ಪುರುಷ ನಾಗಾ ಸಾಧುಗಳಿಗಿಂತ ಭಿನ್ನವಾಗಿರುತ್ತಾರೆ.

ಪುರುಷರಂತೆ, ಸ್ತ್ರೀ ನಾಗಾ ಸಂತರ ಜೀವನವು ಸಂಪೂರ್ಣವಾಗಿ ದೇವರಿಗೆ ಮುಡಿಪಾಗಿರುತ್ತದೆ. ಪ್ರತಿ ದಿನವೂ ಪೂಜೆಯೊಂದಿಗೆ ಪ್ರಾರಂಭವಾಗಿ ಪೂಜೆಯೊಂದಿಗೆ ಕೊನೆಗೊಳ್ಳುತ್ತದೆ. ಒಬ್ಬ ಮಹಿಳೆ ನಾಗಾ ಸಾಧುವಾದಾಗ ಅವರನ್ನು ಸಾಧುಗಳು ಎಂದು ಕರೆಯಲಾಗುತ್ತದೆ. ಅವರನ್ನು ತಾಯಿ ಎಂದು ಸಹ ಕರೆಯಲು ಪ್ರಾರಂಭಿಸುತ್ತಾರೆ.

ಪುರುಷ ಸನ್ಯಾಸಿಗಳಿಗೆ ಸಾರ್ವಜನಿಕವಾಗಿ ಬೆತ್ತಲೆಯಾಗಲು ಅವಕಾಶವಿದೆ. ಆದರೆ ಮಹಿಳಾ ಸನ್ಯಾಸಿಗಳು ಅದನ್ನು ಮಾಡಲು ಸಾಧ್ಯವಿಲ್ಲ. ಸ್ತ್ರೀಯರು ಸನ್ಯಾಸ ದೀಕ್ಷೆ ಪಡೆದಾಗ ನಾಗಗಳಾಗುತ್ತಾರೆ. ಆದರೆ ಅವರೆಲ್ಲರೂ ಬಟ್ಟೆ ಧರಿಸುತ್ತಾರೆ. ಸ್ತ್ರೀ ನಾಗಾ ಸಾಧುಗಳು ತಮ್ಮ ಹಣೆಯ ಮೇಲೆ ತಿಲಕವನ್ನು ಧರಿಸುವುದಿಲ್ಲ ಆದರೆ ತಮ್ಮ ಕೂದಲು ಮತ್ತು ದೇಹವನ್ನು ಮುಚ್ಚುವ ಕೇಸರಿ ಬಟ್ಟೆಯನ್ನು ಧರಿಸುತ್ತಾರೆ.

ನಾಗಾಸಾಧುವಾಗುವ ಮೊದಲು ಮಹಿಳೆ 6 ರಿಂದ 12 ವರ್ಷಗಳ ಕಾಲ ಬ್ರಹ್ಮಚರ್ಯವನ್ನು ಆಚರಿಸಬೇಕು. ಮಹಿಳೆ ಇದನ್ನು ಫಾಲೋ ಮಾಡುವಲ್ಲಿ ಯಶಸ್ವಿಯಾದಾಗ ಆಕೆಯ ಗುರುಗಳು ಆಕೆಗೆ ನಾಗಾಸಾಧುವಾಗಲು ಅವಕಾಶ ನೀಡುತ್ತಾರೆ.

ನಾಗಾಸಾಧುವಾಗುಚ ಮೊದಲು ಮಹಿಳೆ ತನ್ನ ಹಿಂದಿನ ಜೀವನದ ಮಾಹಿತಿಯನ್ನು ಸಂಪೂರ್ಣವಾಗಿ ಮರೆತುಬಿಡಬೇಕು. ಆಗ ಮಾತ್ರ ಅವರು ಸಂಪೂರ್ಣವಾಗಿ ದೇವರಿಗೆ ಸಮರ್ಪಿತರು ಗುರುತಿಸಲ್ಪಡುತ್ತಾರೆ.

ನಾಗಾಸಾಧು ಆಗುವ ಮೂಲಕ ಮಹಿಳೆ ತಾನು ಸಂಪೂರ್ಣವಾಗಿ ದೇವರಿಗೆ ನಿಷ್ಠೆಳಾಗಿರುತ್ತೇನೆ ಎಂದು ಸಾಬೀತುಪಡಿಸಬೇಕು. ಅಷ್ಟೇ ಅಲ್ಲ, ಯಾವುದೇ ಆಡಂಬರವಿಲ್ಲದೆ, ದೈಹಿಕ ಸುಖದ ವ್ಯಾಮೋಹವಿಲ್ಲದೆ, ರಕ್ತಸಂಬಂಧಗಳನ್ನು ತ್ಯಜಿಸಿ ಬದುಕಬೇಕು. ಬೆಳಗ್ಗೆ ನದಿಯಲ್ಲಿ ಸ್ನಾನ ಮಾಡಿ ಶುದ್ಧಿಯಾದ ನಂತರ ಸ್ತ್ರೀ ನಾಗಾ ತಪಸ್ವಿಗಳ ಆಚರಣೆ ಪ್ರಾರಂಭವಾಗುತ್ತದೆ.

ಹೆಣ್ಣು ನಾಗಾಸಾಧುವಾಗಲು ಮಹಿಳೆಯರು ತಮ್ಮ ಕೂದಲನ್ನು ಸಂಪೂರ್ಣವಾಗಿ ಕತ್ತರಿಸಬೇಕು. ನಂತರ ಅವರು ನದಿಯಲ್ಲಿ ಪವಿತ್ರ ಸ್ನಾನ ಮಾಡಬೇಕು. ಸಾಮಾನ್ಯ ಮಹಿಳೆಯಿಂದ ನಾಗಾಸಾಧುವಾಗಿ ಪರಿವರ್ತನೆಗೊಳ್ಳುವ ಪ್ರಕ್ರಿಯೆ ಇದು.

ಕುಂಭಸ್ನಾನದ ಸಮಯದಲ್ಲಿಯೂ ಈ ಮಹಿಳೆಯರು ಬೆತ್ತಲೆಯಾಗಿ ಸ್ನಾನ ಮಾಡುವಂತಿಲ್ಲ. ಸ್ನಾನ ಮಾಡುವಾಗಲೂ ಈ ಕೇಸರಿ ಬಟ್ಟೆಯನ್ನು ಧರಿಸುತ್ತಾರೆ. ಪುರುಷ ನಾಗಸಾಧುವಿಗೆ ನೀಡುವ ಗೌರವವನ್ನು ಸ್ತ್ರೀ ನಾಗಸಾಧುವಿಗೆ ನೀಡಲಾಗುತ್ತದೆ.