Dream Meaning: ಕನಸಿನಲ್ಲಿ ಮಂಗ ಹೀಗೆಲ್ಲಾ ಕಾಣಿಸಿಕೊಂಡ್ರೆ ಹಬ್ಬ ಕಾದಿದೆ ಎಂದರ್ಥ

ಸ್ವಪ್ನ ಶಾಸ್ತ್ರದ ಪ್ರಕಾರ, ಕನಸಿನಲ್ಲಿ ಕಾಣುವ ಪ್ರತಿಯೊಂದಕ್ಕೂ ತನ್ನದೇ ಆದ ಮಹತ್ವವಿದೆ. ಕನಸಿನಲ್ಲಿ ಮಂಗ ಕಂಡರೆ ಅದಕ್ಕೂ ತನ್ನದೇ ಆದ ಪ್ರಾಮುಖ್ಯತೆ ಇದೆ. ಕನಸಿನಲ್ಲಿ ಮಂಗ ಯಾವ ರೀತಿ ಕಾಣಿಸಿಕೊಂಡಿದೆ ಎನ್ನುವುದರ ಆಧಾರದ ಮೇಲೆ ಈ ಕನಸಿನ ಅರ್ಥವನ್ನು ಕಂಡು ಹಿಡಿಯಬಹುದು.

ಕೋಪಗೊಂಡ ಕೋತಿ ಕನಸಿನಲ್ಲಿ ಕಂಡರೆ ಅದು ಶುಭ ಸಂಕೇತವಲ್ಲ ಎನ್ನಲಾಗುತ್ತದೆ. ಇದರರ್ಥ ನೀವು ಯಾರೊಂದಿಗಾದರೂ ಜಗಳ ಮಾಡಬಹುದು ಅಥವಾ ವಿವಾದಕ್ಕೆ ಸಿಲುಕಿಕೊಳ್ಳಬಹುದು ಎಂದರ್ಥ. ಅಲ್ಲದೇ, ನಿಮ್ಮ ಘನತೆ ಕಡಿಮೆಯಾಗಬಹುದು. ನಿಮ್ಮ ಸಾಮಾಜಿಕ ಗೌರವ ಹಾನಿಗೊಳಗಾಗಬಹುದು ಎನ್ನಲಾಗುತ್ತದೆ.

ಸ್ವಪ್ನ ಶಾಸ್ತ್ರದ ಪ್ರಕಾರ, ಕನಸಿನಲ್ಲಿ ಮಂಗ ಸಂತೋಷದಿಂದ ಕುಣಿದಾಡುತ್ತಿರುವುದು ಕಂಡರೆ ಅದನ್ನು ಮಂಗಳಕರ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಇದರಿಂದ ಮುಂದಿನ ದಿನಗಳಲ್ಲಿ ನಿಮ್ಮ ಗೌರವ ಹೆಚ್ಚಾಗುವ ಸಾಧ್ಯತೆ ಇದೆ. ಬಹಳ ದಿನಗಳಿಂದ ಇದ್ದ ವೈರತ್ವ ನಿವಾರಣೆಯಾಗುತ್ತದೆ ಎಂದು ಅರ್ಥ.

ನಂಬಿಕೆಯ ಪ್ರಕಾರ, ಮಂಗ ಕನಸಿನಲ್ಲಿ ಏನನ್ನಾದರೂ ತಿನ್ನುತ್ತಿದ್ದರೆ ಅದು ಅಶುಭ ಸಂಕೇತ ಎನ್ನಲಾಗುತ್ತದೆ. ಈ ಕನಸಿನ ಶಾಸ್ತ್ರದ ಪ್ರಕಾರ, ನೀವು ಆರ್ಥಿಕ ನಷ್ಟವನ್ನು ಅನುಭವಿಸಬಹುದು ಮಾತ್ರವಲ್ಲದೇ ಕುಟುಂಬದಲ್ಲಿ ಸಮಸ್ಯೆಗಳೂ ಉಂಟಾಗಬಹುದು ಎನ್ನುವ ನಂಬಿಕೆ ಇದೆ.

ಕನಸಿನಲ್ಲಿ ಕೋತಿಗಳ ಗುಂಪು ಕಾಣಿಸಿಕೊಂಡರೆ ಅದು ನಿಮಗೆ ಲಾಭ ನೀಡುತ್ತದೆ ಎನ್ನಲಾಗುತ್ತದೆ. ಮುಖ್ಯವಾಗಿ ಆರ್ಥಿಕ ಲಾಭವನ್ನು ಇದು ಹೆಚ್ಚು ಮಾಡಲಿದೆ ಹಾಗೂ ಕುಟುಂಬದಲ್ಲಿ ಸಂತೋಷ ಹೆಚ್ಚಿಸಲಿದೆಯಂತೆ.

ಹಾಗೆಯೇ, ನೀವು ಕನಸಿನಲ್ಲಿ ಮಂಗಗಳ ಗುಂಪು ಆಟವಾಡುವುದನ್ನು ನೋಡಿದರೆ ಮನೆಯಲ್ಲಿನ ತೊಂದರೆಗಳು ದೂರವಾಗುತ್ತವೆ ಎಂದು ಅರ್ಥವಂತೆ. ಮಂಗಗಳು ಕನಸಿನಲ್ಲಿ ಪರಸ್ಪರ ಜಗಳವಾಡುತ್ತಿದ್ದರೆ, ಕುಟುಂಬದಲ್ಲಿ ಕೆಟ್ಟ ಘಟನೆಯೊಂದು ನಡೆಯುವುದರ ಸೂಚನೆಯಂತೆ.

ನಿಮ್ಮ ಕನಸಿನಲ್ಲಿ ಕೋತಿ ಆಹಾರವನ್ನು ಕದಿಯುವುದನ್ನು ನೀವು ನೋಡಿದರೆ, ಅದು ಒಳ್ಳೆಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಸ್ವಪ್ನ ಶಾಸ್ತ್ರದ ಪ್ರಕಾರ, ನೀವು ಇದ್ದಕ್ಕಿದ್ದಂತೆ ಕೆಲವು ಲಾಭಗಳನ್ನು ಪಡೆಯಬಹುದು ಎನ್ನಲಾಗುತ್ತದೆ. ಹಾಗೆಯೇ ನೀವು ಕನಸಿನಲ್ಲಿ ಕೋತಿ ಈಜುವುದನ್ನು ನೋಡುವುದು ಎಂದರೆ ಶೀಘ್ರದಲ್ಲೇ ತೊಂದರೆಯಿಂದ ಹೊರಬರುತ್ತೀರಿ ಎಂದರ್ಥ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)