Pooja Tips: ದೇವರಿಗೆ ಅಗರಬತ್ತಿ ಹಚ್ಚುವಾಗ ಈ ತಪ್ಪು ಮಾಡಬೇಡಿ!

ಮನೆಯಲ್ಲಿ ಅಥವಾ ದೇವಸ್ಥಾನಗಳಲ್ಲಿ ನಾವು ಪೂಜೆ ಮಾಡುವಾಗ ಧೂಪ, ಅಗರಬತ್ತಿ ಮತ್ತು ಕರ್ಪೂರವನ್ನು ಹಚ್ಚುತ್ತೇವೆ. ಇದು ಹಿಂದಿನಿಂದಲೂ ನಡೆದು ಬಂದಿರುವ ಸಂಪ್ರದಾಯ. ಸನಾತನ ಧರ್ಮದಲ್ಲಿ ಅಗರಬತ್ತಿ ಹಚ್ಚಲೂ ಸಹ ಕೆಲವು ನಿಯಮಗಳಿವೆ. ಗಂಧದಕಡ್ಡಿಯನ್ನು ಏಕೆ ಹಚ್ಚುತ್ತಾರೆ ಎಂದು ನೀವು ಯಾವತ್ತಾದರೂ ಯೋಚಿಸಿದ್ದೀರಾ? ಇಲ್ಲ ಅಲ್ವಾ? ಈಗ ನಾವು ಹೇಳ್ತೀವಿ ಕೇಳಿ.

ಮನೆಗಳಲ್ಲಿ ಪೂಜೆ ಮಾಡುವಾಗ ಅಗರಬತ್ತಿಯನ್ನು ಏಕೆ ಹಚ್ಚುತ್ತಾರೆ? ಇದರಿಂದ ಆಗುವ ಪ್ರಯೋಜನಗಳೇನು? ಜ್ಯೋತಿಷಿಗಳ ಪ್ರಕಾರ, ಯಾವುದೇ ದೇವರಿಗೆ ಪೂಜೆಯನ್ನು ಅರ್ಪಿಸುವಾಗ ಅಗರಬತ್ತಿಯನ್ನು ಹಚ್ಚುವುದು ಮಂಗಳಕರ ಎಂದು ಪರಿಗಣಿಸಲಾಗಿದೆ.

ಸುಗಂಧ ದ್ರವ್ಯದ ಸುವಾಸನೆಯೊಂದಿಗೆ ಇಡೀ ಮನೆಯು ಪರಿಮಳದಿಂದ ತುಂಬಿರುತ್ತದೆ. ಇದರಿಂದಾಗಿ ಮನೆಯಲ್ಲಿ ಧನಾತ್ಮಕ ಶಕ್ತಿಯು ನೆಲೆಸುತ್ತದೆ. ದೇವರು ಸಹ ಈ ಪರಿಮಳದಿಂದ ಸಂತಸಗೊಂಡು, ಕುಟುಂಬವು ಸಮೃದ್ಧಿಯಾಗುವಂತೆ ಆಶೀರ್ವದಿಸುತ್ತಾರೆ. ಜೊತೆಗೆ ಈ ಅಗರಬತ್ತಿಯ ದ್ರವ್ಯದ ಸುವಾಸನೆಯು ಮನೆಯಲ್ಲಿರುವ ದುಷ್ಟಶಕ್ತಿಗಳನ್ನು ಓಡಿಸುತ್ತದೆ ಎಂಬ ನಂಬಿಕೆ ಇದೆ.

ಗಾಳಿಯಲ್ಲಿರುವ ಬ್ಯಾಕ್ಟೀರಿಯಾಗಳು ನಾಶವಾಗುತ್ತವೆ. ವಾಸ್ತುಶಾಸ್ತ್ರದ ಪ್ರಕಾರ, ಮನೆಯ ದಕ್ಷಿಣ ಭಾಗದಲ್ಲಿ ಅಗರಬತ್ತಿ ಹಚ್ಚಿದರೆ ಶುಭಕರವೆಂದು ಪರಿಗಣಿಸಲಾಗಿದೆ. ಮನೆಯಲ್ಲಿರುವ ನೆಗೆಟಿವ್​ ಎನರ್ಜಿಯನ್ನು ಹೋಗಲಾಡಿಸುತ್ತದೆ.

ಅಗರಬತ್ತಿ ಹಾಗೂ ಧೂಪದ ಹೊಗೆಯು ಗಾಳಿಯಲ್ಲಿರುವ ಹಾನಿಕಾರಕ ಬ್ಯಾಕ್ಟೀರಿಯಾಗಳನ್ನು ನಾಶಪಡಿಸುತ್ತದೆ. ಇದರಿಂದ ಮನೆಯ ಪರಿಸರ ಶುದ್ಧಿಯಾಗುತ್ತದೆ. ಜೊತೆಗೆ ಮನೆಯ ಜನರು ಯಾವುದೇ ರೋಗ-ರುಜಿನಗಳಿಗೆ ತುತ್ತಾಗುವುದಿಲ್ಲ.

ಅಪ್ಪಿತಪ್ಪಿಯೂ ಬಿದಿರಿನ ಅಗರಬತ್ತಿಯನ್ನು ಹಚ್ಚಬೇಡಿ. ಸನಾತನ ಧರ್ಮದಲ್ಲಿ ಬಿದಿರನ್ನು ಮಂಗಳಕರವೆಂದು ಪರಿಗಣಿಸಲಾಗಿದೆ. ಮದುವೆಯಂತಹ ಶುಭ ಸಮಾರಂಭಗಳಲ್ಲಿ ಮಂಟಪವನ್ನು ಮಾಡಲು ಬಿದಿರನ್ನು ಬಳಸುತ್ತಾರೆ. ಆದರೆ ಬಿದಿರಿನ ಅಗರಬತ್ತಿಯನ್ನು ಹಚ್ಚಬಾರದು.

ಹಚ್ಚಿದರೆ ಕುಟುಂಬದಲ್ಲಿ ಕೆಟ್ಟ ಘಟನೆಗಳು ಸಂಭವಿಸುತ್ತವೆ ಎಂದು ಹೇಳಲಾಗುತ್ತದೆ. ಹೀಗೆ ಮಾಡುವುದರಿಂದ ಕುಟುಂಬದ ಬೆಳವಣಿಗೆ ನಿಂತು ಮನೆಯಲ್ಲಿ ಪಿತೃ ದೋಷ ಉಂಟಾಗುತ್ತದೆ ಎಂದು ಸನಾತನ ಧರ್ಮದಲ್ಲಿ ಹೇಳಲಾಗಿದೆ.