Ratha Saptami 2023: ರಥ ಸಪ್ತಮಿ ದಿನ ಈ ಒಂದು ಕೆಲಸ ಮಾಡಿ ಸಾಕು, ಹಣದ ಮಳೆ ಸುರಿಯುತ್ತೆ

ಮಾಘಮಾಸದ ಶುಕ್ಲಪಕ್ಷದ ಏಳನೇ ದಿನ ರಥ ಸಪ್ತಮಿಯನ್ನ ಆಚರಿಸಲಾಗುತ್ತದೆ.ಈ ಸಮಯದಲ್ಲಿ ಸೂರ್ಯನ ಪ್ರಭಾವ ಕೆಲ ರಾಶಿಗಳ ಮೇಲೆ ಪರಿಣಾಮ ಬೀರುತ್ತದೆ. ಹಾಗಾಗಿ ಈ ದಿನ ಸೂರ್ಯ ಆಶೀರ್ವಾದ ಪಡೆಯುವುದು ಬಹಳ ಮುಖ್ಯ ಎನ್ನುತ್ತಾರೆ ಹಿರಿಯರು.

ನೀವು ದೀರ್ಘಕಾಲದ ಕಾಯಿಲೆಗಳಿಂದ ಬಳಲುತ್ತಿದ್ದರೆ ಸೂರ್ಯನನ್ನು ಆರಾಧಿಸಬೇಕು. ರಥಸಪ್ತಮಿ ದಿನದಂದು ತಲೆಯ ಮೇಲೆ 7 ವೀಳ್ಯದೆಲೆಯನ್ನು ಇಟ್ಟುಕೊಂಡು, ಸ್ನಾನ ಮಾಡಿ ಸೂರ್ಯದೇವರ ಮಂತ್ರವನ್ನು ಪಠಿಸಬೇಕು ಎಂದು ಹೇಳಲಾಗುತ್ತದೆ.

ವೀಳ್ಯದೆಲೆ ಮತ್ತು ಅಂಜೂರದ ಹಣ್ಣುಗಳನ್ನು ನೀರಿಗೆ ಹಾಕಿ ಅದರಿಂದ ಸ್ನಾನ ಮಾಡಬೇಕು. ಈ ರೀತಿ ಮಾಡುವುದರಿಂದ ಏಳು ಜನ್ಮಗಳ ಪಾಪ ನಿವಾರಣೆಯಾಗುತ್ತದೆ. ಸ್ನಾನ ಮಾಡುವಾಗ ಯದ್ಯಜ್ಜನ್ಮ ಕೃತಂ ಪಾಪಂ ಮಯಾ ಸಪ್ತಸು ಜನ್ಮಸು ತಸ್ಯ ರೋಗಂಚ ಶೋಕಂಚ ಸಮಸ್ತಂ ಹಂತು ಸಪ್ತಮಿ ಎಂಬ ಶ್ಲೋಕವನ್ನು ಪಠಿಸಬೇಕು.

ಈ ದಿನ ಸೂರ್ಯೋದಯಕ್ಕೆ ಮುಂಚೆ ಏಳಬೇಕು. ಸ್ನಾನ ಮಾಡಿ ಮತ್ತು ಸೂರ್ಯನ ಉದಯದ ಸಮಯದಲ್ಲಿ ಹೊರಾಂಗಣದಲ್ಲಿ ಅಥವಾ ಮನೆಯ ತಾರಸಿಯ ಮೇಲೆ ಕುಳಿತು ಭಾನೋ ಭಾಸ್ಕರ ಮಾರ್ತಾಂಡ ಚಂದ್ರಶ್ಮಿ ದಿವಾಕರ:! ಆಯುರಾರೋಗ್ಯಮೈಶ್ವರ್ಯ ಪ್ರಸೀದ ಭಗವಾನ್ ಮುನೇ!! ಆನಂತರ ಬ್ರಹ್ಮ ವಿಷ್ಣು ಸ್ವರೂಪೋಸಿ ಸರ್ವ ದೇವ ಮಯೋಹ್ಯಸಿ ರೋಗ ವಿನಾಯಕ ಕ್ಷಿಪ್ರಂ ಭಾಸ್ಕರಾಯ ನಮೋ ನಮಃ ಎಂಬ ಶ್ಲೋಕವನ್ನು ಪಠಿಸಬೇಕು.

ಅದರ ನಂತರ ಹಸುವಿನ ಹಾಲು, ಅಕ್ಕಿ ಮತ್ತು ಬೆಲ್ಲದೊಂದಿಗೆ ಪಾಯಸವನ್ನು ತಯಾರಿಸಿ ಸೂರ್ಯ ದೇವರಿಗೆ ಅರ್ಪಿಸಬೇಕು. ನಂತರ ಈ ದಿನ ಆದಿತ್ಯಹೃದಯಂ ಮತ್ತು ಸೂರ್ಯಾಷ್ಟಕಂ ಪಠಿಸಬೇಕು.

ಇನ್ನು ಈ ದಿನ ದಾನಗಳನ್ನು ಮಾಡುವುದರಿಂದ ಸಹ ಜೀವನದಲ್ಲಿನ ಸಮಸ್ಯೆಗಳು ನಿವಾರಣೆಯಾಗುತ್ತದೆ. ಸಾಧ್ಯವಾದರೆ ಈ ದಿನ ಬಡವರಿಗೆ ಅನ್ನದಾನ ಮಾಡಿ. ಇಲ್ಲದಿದ್ದರೆ ಆಹಾರ ಸಾಮಾಗ್ರಿಗಳನ್ನು ಸಹ ದಾನ ಮಾಡಬಹುದು.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)