Vastu Dosha: ಸಂಜೆ ಹೊತ್ತು ಈ ಕೆಲಸ ಮಾಡಿದ್ರೆ ವಾಸ್ತು ದೋಷ ಪರಿಹಾರವಾಗುತ್ತೆ

ಸ್ವಸ್ತಿಕ್: ನೀವು ಸಂಜೆ ಹೊತ್ತು ಮನೆಯ ಬಾಗಿಲ ಹೊರಗೆ ಅರಿಶಿನ ಹಾಗೂ ಕುಂಕುಮದಲ್ಲಿ ಸ್ವಸ್ತಿಕ್ ಬರೆಯುವುದರಿಂದ ವಾಸ್ತು ದೋಷ ನಿವಾರಣೆಯಾಗುತ್ತದೆ ಎನ್ನಲಾಗುತ್ತದೆ. ವಾರಕ್ಕೆ 2 ಬಾರಿಯಾದರೂ ಈ ರೀತಿ ಬರೆದು ನೋಡಿ.

ಗಣೇಶ ಮೂರ್ತಿ: ಸಾಧ್ಯವಾದರೆ ಮನೆಯ ಹೊರಭಾಗದಲ್ಲಿ ಪುಟ್ಟ ಗಣೇಶನ ಮೂರ್ತಿಯನ್ನು ಇಡಿ. ಇದರಿಂದ ನೆಗೆಟಿವ್ ಎನರ್ಜಿಗಳು ನಿಮ್ಮ ಮನೆಯನ್ನು ಪ್ರವೇಶಿಸುವುದಿಲ್ಲ ಹಾಗೂ ಯಾವುದೇ ಕೆಲಸಗಳಿಗೂ ವಿಘ್ನ ಬರುವುದಿಲ್ಲ.

ತುಪ್ಪದ ದೀಪ: ದೀಪಾವಳಿ ಹಬ್ಬದ ಸಮಯದಲ್ಲಿ ಸಾಮಾನ್ಯವಾಗಿ ಸಂಜೆ ಮನೆಯ ಹೊರಗೆ ದೀಪ ಹಚ್ಚಲಾಗುತ್ತದೆ. ಆದರೆ ಪ್ರತಿದಿನ ಸಂಜೆ ನೀವು ಮನೆಯ ಬಾಗಿಲ ಬಳಿ ತುಪ್ಪದ ದೀಪ ಹಚ್ಚುವುದರಿಂದ ಮನೆಯಲ್ಲಿ ಲಕ್ಷ್ಮೀ ನೆಲೆಸಿರುತ್ತಾಳೆ ಎನ್ನಲಾಗುತ್ತದೆ.

ಸ್ಫಟಿಕದ ಆಮೆ: ನಾವು ಮನೆಗೆ ಕೆಲವೊಂದು ವಸ್ತುಗಳನ್ನು ತರುವಾಗ ನಾವು ಸಮಯ ಹಾಗೂ ದಿನ ನೋಡುತ್ತೇವೆ. ಅದರಲ್ಲೂ ಮುಖ್ಯವಾಗಿ ವಾಸ್ತು ಸಂಬಂಧಿಸಿದ ವಸ್ತು ತರುವಾಗ. ನೀವು ಮನೆಗೆ ಸ್ಫಟಿಕದ ಆಮೆಯನ್ನು ಸಂಜೆ ಹೊತ್ತು ತಂದರೆ ಮನೆಯಲ್ಲಿ ಶಾಂತಿ ನೆಲೆಸಲಿದೆ ಎನ್ನುವ ನಂಬಿಕೆ ಇದೆ.

ಉಪ್ಪಿನ ಪರಿಹಾರ: ಸ್ವಲ್ಪ ಉಪ್ಪನ್ನು ತೆಗೆದುಕೊಂಡು ನೀರಿನಲ್ಲಿ ಮಿಶ್ರಣ ಮಾಡಿ. ಆ ನೀರನ್ನು ನಿಮ್ಮ ಮನೆಯ ಪ್ರತಿ ಭಾಗಕ್ಕೂ ಚುಮುಕಿಸಿ. ಈ ರೀತಿ ಮಾಡುವುದರಿಂದ ದುಷ್ಟ ಶಕ್ತಿಗಳ ನಿವಾರಣೆಯಾಗುತ್ತದೆ ಹಾಗೂ ವಾಸ್ತು ದೋಷ ಸಹ ಪರಿಹಾರವಾಗುತ್ತದೆ.

ಪಿರಮಿಡ್​: ನೀವು ಸಾಮಾನ್ಯವಾಗಿ ಎಲ್ಲಾ ಮನೆಗಳಲ್ಲಿ ಈ ಪಿರಡಮಿಡ್​ ನೋಡಿರುತ್ತೀರಿ. ಇತ್ತೀಚಿನ ದಿನಗಳಲ್ಲಿ ಇದನ್ನು ಇಇಟ್ಟುಕೊಳ್ಳುವವರ ಸಂಖ್ಯೆ ಜಾಸ್ತಿ ಇದೆ. ಈ ಪಿರಮಿಡ್​ ಅನ್ನು ಮನೆಯಲ್ಲಿ ಇಡುವುದರಿಂದ ವಾಸ್ತು ದೋಷಗಳು ನಿವಾರಣೆಯಾಗುತ್ತದೆ.

ಬುದ್ಧನ ಮೂರ್ತಿ: ವಾಸ್ತು ದೋಷ ಹಾಗೂ ಬುದ್ಧನ ಮೂರ್ತಿಗೂ ಇರುವ ಸಂಬಂಧವನ್ನು ನಾವು ಹೆಚ್ಚಾಗಿ ಹೇಳಬೇಕಿಲ್ಲ. ಮನೆಯಲ್ಲಿ ಪ್ರಶಾಂತವಾಗಿ ಕುಳಿತು ಧ್ಯಾನ ಮಾಡುತ್ತಿರುವ ಬುದ್ಧನ ಮೂರ್ತಿ ಇದ್ದರೆ ಸುಖ -ಶಾಂತಿ ಹಾಗೂ ನೆಮ್ಮದಿ ನೆಲೆಸಿರುತ್ತದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)