Vastu Tips: ಮನೆಯಲ್ಲಿ ಈ ಸಣ್ಣ ಬದಲಾವಣೆ ಮಾಡಿದ್ರೆ ಸಾಲದಿಂದ ಮುಕ್ತಿ ಸಿಗುತ್ತೆ

ಸಾಲ ಮಾಡಿದರೆ ಅದರಿಂದ ಕಷ್ಟ ಅನುಭವಿಸುವುದು ಸಾಮಾನ್ಯವಾಗಿದೆ. ಇದು ಕಷ್ಟಗಳನ್ನು ಹೆಚ್ಚು ಮಾಡುತ್ತದೆ. ನೀವೂ ಸಾಲದ ಬಾಧೆಯಿಂದ ಬಳಲುತ್ತಿದ್ದರೆ, ಎಷ್ಟೇ ಪ್ರಯತ್ನ ಪಟ್ಟರೂ ಸಾಲ ಪರಿಹಾರವಾಗದೇ ಇದ್ದರೆ ಇದಕ್ಕೆ ನಿಮ್ಮ ಮನೆಯ ವಾಸ್ತು ದೋಷವೇ ಕಾರಣ ಎನ್ನುತ್ತಾರೆ ವಾಸ್ತು ಶಾಸ್ತ್ರ ತಜ್ಞರು.

ಯಾವುದೇ ಮನೆಯ ಗೋಡೆಗಳು ಆ ಮನೆಯಲ್ಲಿ ವಾಸಿಸುವವರ ವ್ಯಕ್ತಿತ್ವವನ್ನು ಆದ್ದರಿಂದ ಮನೆಯ ಗೋಡೆಗಳು ಯಾವಾಗಲೂ ಸ್ವಚ್ಛವಾಗಿರಬೇಕು. ಮನೆಯ ಮೂಲೆಗಳಲ್ಲಿ ಯಾವುದೇ ಕೊಳೆ ಇರಬಾರದು. ಪ್ರತಿ 2 ಅಥವಾ 3 ವಾರಗಳಿಗೊಮ್ಮೆ ಧೂಳು ತೆಗೆದರೆ ಮನೆಯಲ್ಲಿ ಹಣದ ಹರಿವು ಶುರುವಾಗುತ್ತದೆ.

ನೀವು ಸಾಲದಿಂದ ಮುಕ್ತರಾಗಬೇಕಾದರೆ ಈಶಾನ್ಯ ದಿಕ್ಕಿನಲ್ಲಿ ಗಾಜಿನ ಕಿಟಕಿಯನ್ನು ಅಳವಡಿಸಿ. ನಿಮ್ಮ ಮನೆ ಅಥವಾ ಅಂಗಡಿ ಯಾವುದೇ ಆಗಿರಲಿ, ಪೂರ್ವ ದಿಕ್ಕಿನಲ್ಲಿ ಕಿಟಕಿಗೆ ಗಾಜಿನ ಬಾಗಿಲಾದರೂ ಇಡಿ. ಇದು ನಿಮ್ಮನ್ನು ಸಾಲದ ಸುಳಿಯಿಂದ ಬಿಡಿಸುತ್ತದೆ. ಹಾಗೆಯೇ, ಯಾವುದೇ ಭಾರವಾದ ವಸ್ತುಗಳನ್ನು ಮನೆಯ ಪೂರ್ವ ಮತ್ತು ಉತ್ತರ ದಿಕ್ಕಿನಲ್ಲಿ ಇಡಬೇಡಿ.

ಸಂಜೆ ವೇಳೆ ಗಿಡ, ಮರಗಳನ್ನು ಕಡಿಯಬೇಡಿ. ಸಸ್ಯಗಳು ಸಂಜೆ ವಿಶ್ರಾಂತಿ ಪಡೆಯುತ್ತವೆ. ಪುರಾಣಗಳ ಪ್ರಕಾರ ಸಾಯಂಕಾಲ ತುಳಸಿ ಗಿಡದ ಹತ್ತಿರ ಹೋಗಬಾರದು. ಯಾರಾದರೂ ಸಂಜೆ ಎಲೆಗಳನ್ನು ಕಿತ್ತುಕೊಂಡರೆ, ಗಂಭೀರ ಆರ್ಥಿಕ ಸಮಸ್ಯೆಗೆ ಸಿಲುಕುತ್ತಾರೆ ಎನ್ನಲಾಗುತ್ತದೆ.

ಸೋಮವಾರ ಮತ್ತು ಬುಧವಾರದಂದು ನೀವು ಯಾವುದೇ ಹಣದ ವ್ಯವಹಾರ ಮಾಡಬಾರದು, ಎರಡು ದಿನಗಳಲ್ಲಿ ಸಾಲವನ್ನು ತೆಗೆದುಕೊಳ್ಳಬೇಡಿ. ತೆಗೆದುಕೊಂಡರೆ ಸಾಲ ಬೆಳೆಯುತ್ತಲೇ ಹೋಗುತ್ತದೆ ಹೊರತು ಕಡಿಮೆ ಆಗುವುದಿಲ್ಲ.

ನಿಮ್ಮ ಮನೆಯಲ್ಲಿ ಹಣದ ಲಾಕರ್ ಯಾವಾಗಲೂ ದಕ್ಷಿಣಾಭಿಮುಖವಾಗಿರಬೇಕು. ಅದರ ಬಾಗಿಲನ್ನು ಉತ್ತರಕ್ಕೆ ತೆರೆಯಬೇಕು. ಈ ರೀತಿ ನಿಮ್ಮ ಸಾಲ ನಿವಾರಣೆಯಾಗುತ್ತದೆ. ಅಲ್ಲದೇ, ಇದರಿಂದ ಹಣ ಹರಿವು ಹೆಚ್ಚಾಗುತ್ತದೆ ಎನ್ನುವ ನಂಬಿಕೆ ಇದೆ.

ನಿದ್ದೆ ಆರೋಗ್ಯಕ್ಕೆ ಒಳ್ಳೆಯದು ಆದರೆ ಸಂಜೆ ನಿದ್ದೆ ಮಾಡಬೇಡಿ. ಸಾಯಂಕಾಲ ಮಲಗುವವರ ಮನೆಯಲ್ಲಿ ಬಡತನ ಹೆಚ್ಚಾಗುತ್ತದೆ. ನೀವು ಸಂಜೆ ಪೂಜೆ ಮಾಡಬೇಕು. ಆ ಸಮಯದಲ್ಲಿ ಮಾಡುವ ಪೂಜೆಗಳು ಉತ್ತಮ ಫಲಿತಾಂಶವನ್ನು ನೀಡುತ್ತವೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)