Vaishakh Amavasya: ಕಾಳಸರ್ಪ ದೋಷದಿಂದ ಮುಕ್ತಿ ಬೇಕು ಅಂದ್ರೆ ಈ ಪರಿಹಾರ ಮಾಡಿ ಸಾಕು

ಕಾಳಸರ್ಪ ದೋಷವು ಅನೇಕ ಜನರ ಜಾತಕದಲ್ಲಿ ಇರುತ್ತದೆ. ಈ ದೋಷ ಇದ್ದರೆ ಜನರು ಭಯದಿಂದ ನಡುಗುತ್ತಾರೆ. ಜಾತಕದಲ್ಲಿ ಕಾಳಸರ್ಪ ದೋಷವುಳ್ಳ ವ್ಯಕ್ತಿಯು ತನ್ನ ಕೆಲಸದಲ್ಲಿ ತುಂಬಾ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ ಎಂದು ಜ್ಯೋತಿಷಿಗಳು ಹೇಳುತ್ತಾರೆ.

ಜಾತಕದಲ್ಲಿ ಎಲ್ಲಾ ಗ್ರಹಗಳು ರಾಹು ಮತ್ತು ಕೇತುಗಳ ನಡುವೆ ಬಂದಾಗ, ಅದನ್ನು ಕಾಳಸರ್ಪ ದೋಷವೆಂದು ಪರಿಗಣಿಸಲಾಗುತ್ತದೆ. ಈ ದೋಷ ಇದ್ದರೆ ಯಾವುದೇ ಕೆಲಸದಲ್ಲಿ ಸಹ ಯಶಸ್ಸು ಸಿಗುವುದಿಲ್ಲ.

ಅಲ್ಲದೇ, ನಿಮ್ಮ ಜಾತಕದಲ್ಲಿ ಎಷ್ಟೇ ಉತ್ತಮ ಯೋಗಗಳಿದ್ದರೂ ಕಾಳಸರ್ಪ ದೋಷ ಅದನ್ನು ನುಂಗಿ ಹಾಕುತ್ತದೆ. ಹಾಗೆಯೇ, ಮದುವೆ, ಮಕ್ಕಳು, ದಾಂಪತ್ಯ, ವೃತ್ತಿಪರ ಉದ್ಯೋಗದಲ್ಲಿ ಬಡ್ತಿ ಇತ್ಯಾದಿಗಳಿಗೆ ಇದು ಪ್ರಮುಖ ಸಮಸ್ಯೆಯಾಗಿ ಪರಿಣಮಿಸುತ್ತದೆ.

ಪ್ರತ್ಯಕ್ಷವಾಗಿಯೋ ಪರೋಕ್ಷವಾಗಿಯೋ ತಿಳಿದೋ ತಿಳಿಯದೆಯೋ ಹಾವುಗಳಿಗೆ ಕೇಡು ಮಾಡಿದರೂ, ಕೊಂದರೂ ಈ ದೋಷ ಬಿಡುವುದಿಲ್ಲ ಎಂದು ಹೇಳಲಾಗುತ್ತದೆ. ನಾವು ಯಾವುದೇ ಜಾಗದಲ್ಲಿ ಇದ್ದರೂ ಕೂಡ ಈ ಪಾಪವು ಸರ್ಪ ಪಾಪದ ರೂಪದಲ್ಲಿ ನಮ್ಮನ್ನು ಹಿಂಸಿಸುತ್ತದೆ.

ಹಿಂದೂ ಧರ್ಮದಲ್ಲಿ ಹುಣ್ಣಿಮೆಗೆ ಎಷ್ಟು ಮಹತ್ವವಿದೆಯೋ, ಅಮಾವಾಸ್ಯೆಗೂ ಅಷ್ಟೇ ಮಹತ್ವವಿದೆ. ಅಮವಾಸ್ಯೆಯ ಬಗ್ಗೆ ಹಿಂದೂ ಧರ್ಮದಲ್ಲಿ ಅನೇಕ ನಂಬಿಕೆಗಳಿವೆ. ಅಮಾವಾಸ್ಯೆ ಪೂರ್ವಜರನ್ನು ಗೌರವಿಸಲು ಮೀಸಲಾಗಿದೆ ಎಂದು ಹೇಳಲಾಗುತ್ತದೆ,

ವೈಶಾಖ ಅಮವಾಸ್ಯೆಯನ್ನು ಹಿಂದೂ ಹೊಸ ವರ್ಷದ ಮೊದಲ ಅಮಾವಾಸ್ಯೆ ಎಂದು ಕರೆಯಲಾಗುತ್ತದೆ. ಏಪ್ರಿಲ್ 20 ರಂದು ಈ ಅಮವಾಸ್ಯೆ ಬರಲಿದ್ದು, ನಂಬಿಕೆಗಳ ಪ್ರಕಾರ, ವೈಶಾಖಿ ಅಮವಾಸ್ಯೆಯ ರಾತ್ರಿ ಮಾಡುವ ಪೂಜೆಗಳು ಬಹಳ ಪರಿಣಾಮಕಾರಿ.

ಜಾತಕದಲ್ಲಿ ಕಾಳಸರ್ಪ ದೋಷ ಇರುವವರಿಗೂ ಈ ಅಮಾವಾಸ್ಯೆ ಬಹಳ ಮುಖ್ಯ. ಈ ದಿನ ಉಜ್ಜಯಿನಿಯ ಮಹಾಕಾಳೇಶ್ವರ ದೇವಸ್ಥಾನಕ್ಕೆ ಭೇಟಿ ನೀಡಿ ಪ್ರಾರ್ಥನೆ ಸಲ್ಲಿಸಬೇಕು. ಇಲ್ಲದಿದ್ದರೆ ನಿಮ್ಮ ಹತ್ತಿರದ ಸುಬ್ರಹ್ಮಣ್ಯ ದೇವಸ್ಥಾನಕ್ಕಾದರು ಹೋಗಿ ಪೂಜೆ ಮಾಡಬೇಕು.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)