Astrology: ನಿಮ್ಮ ರಾಶಿ ಪ್ರಕಾರ ಈ ಕೆಲಸ ಮಾಡಿದ್ರೆ ಸಮಸ್ಯೆಗಳೆಲ್ಲಾ ದೂರವಾಗುತ್ತೆ

ಮೇಷ ರಾಶಿ: ಈ ರಾಶಿಯವರು ಮಿಸ್ ಮಾಡದೇ ಪ್ರತಿ ಶುಕ್ರವಾರ ಮತ್ತು ಶನಿವಾರದಂದು ಮೀನು, ಪಕ್ಷಿಗಳು, ಇರುವೆಗಳು ಅಥವಾ ಕೀಟಗಳಿಗೆ ಆಹಾರವನ್ನು ಕೊಟ್ಟರೆ ಸಮಸ್ಯೆಗಳು ಮಾಯವಾಗುತ್ತದೆ.

ವೃಷಭ ರಾಶಿ: ವೃಷಭ ರಾಶಿಯವರು ಗುರುಗಳ ಬಗ್ಗೆ ಎಂದಿಗೂ ಮನಸ್ಸಿನಲ್ಲಿ ಬೈದುಕೊಳ್ಳಬಾರದು. ಅಲ್ಲದೇ, ಮಂಗಳವಾರ ಮತ್ತು ಗುರುವಾರದಂದು ಅನಾಥಾಶ್ರಮಗಳಿಗೆ ಹಾಗೂ ನಿರಾಶ್ರಿತರಿಗೆ ಆಹಾರವನ್ನು ಕೊಡುವುದು ಒಳ್ಳೆಯದು.

ಮಿಥುನ ರಾಶಿ: ಪ್ರತಿ ಗುರುವಾರ ಪಕ್ಷಿಗಳಿಗೆ ಆಹಾರವನ್ನು ನೀಡುವುದು ಮಿಥುನ ರಾಶಿಯವರಿಗೆ ಆರ್ಥಿಕ ಸಮಸ್ಯೆ ಬರದಂತೆ ತಡೆಯುತ್ತದೆ. ಇದರಿಂದ ಮನೆಯಲ್ಲಿ ಸಹ ನೆಮ್ಮದಿ ಹಾಗೂ ಸಂಪತ್ತು ಸಮೃದ್ಧಿಯಾಗುತ್ತದೆ.

ಕರ್ಕಾಟಕ ರಾಶಿ: ಶುಕ್ರವಾರದಂದು ಅಂಗವಿಕಲರು ಮತ್ತು ನಿರಾಶ್ರಿತರಿಗೆ ಆಹಾರ ಮತ್ತು ಬಟ್ಟೆಗಳನ್ನು ದಾನ ಮಾಡಿದರೆ ಬಹಳ ಒಳ್ಳೆಯದಾಗುತ್ತದೆ. ಅಲ್ಲದೇ ಇದು ಮಾನಸಿಕ ಆರೋಗ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.

ಸಿಂಹ ರಾಶಿ: ಸಿಂಹ ರಾಶಿಯವರು ರಾಜನ ರೀತಿ, ಹಾಗಾಗಿ ಪ್ರತಿ ಶುಕ್ರವಾರ ಮತ್ತು ಶನಿವಾರ ಮೀನು, ಪಕ್ಷಿಗಳು, ಇರುವೆಗಳು ಮತ್ತು ಕೀಟಗಳಿಗೆ ಆಹಾರವನ್ನು ನೀಡುವ ಮೂಲಕ ಜೀವನದ ಸಂಕಷ್ಟವನ್ನು ದೂರ ಮಾಡಿ.

ಕನ್ಯಾ ರಾಶಿ: ಕನ್ಯಾ ರಾಶಿಯವರು ಹಾಸಿಗೆ ಇದ್ದಷ್ಟು ಕಾಲು ಚಾಚುವ ಅಭ್ಯಾಸ ಮಾಡಿಕೊಳ್ಳುವುದು ಜೀವನದಲ್ಲಿ ಬೆಳೆವಣಿಗೆಯಾಗಲು ಸಹಾಯ ಮಾಡುತ್ತದೆ. ಅಲ್ಲದೇ, ಅನಾಥರಿಗೆ ಯಾವುದೇ ರೀತಿಯಲ್ಲಿ ಸಹಾಯ ಮಾಡಬಹುದು.

ತುಲಾ ರಾಶಿ: ತುಲಾ ರಾಶಿಯವರು ಪ್ರತಿ ಮಂಗಳವಾರ ಅಥವಾ ಗುರುವಾರ ಬಡವರಿಗೆ ಸಹಾಯ ಮಾಡುವುದು ಒಳ್ಳೆಯದು. ಹಾಗೆಯೇ ಕೆಲವೊಂದು ನಿಯಮಗಳನ್ನು ಪಾಲಿಸುವುದು ಜೀವನದಲ್ಲಿ ಯಶಸ್ಸು ಸಿಗಲು ಸಹಾಯ ಮಾಡುತ್ತದೆ.

ವೃಶ್ಚಿಕ ರಾಶಿ: ಈ ರಾಶಿಯವರು ಆಧ್ಯಾತ್ಮಿಕದ ಕಡೆ ಹೆಚ್ಚು ಗಮನ ಕೊಡುವುದು ಒಳ್ಳೆಯದು. ಶುಕ್ರವಾರ ಅಥವಾ ಶನಿವಾರದಂದು ಆರೋಗ್ಯ ಸಮಸ್ಯೆ ಹೊಂದಿರುವವರಿಗೆ ಏನಾದರೂ ಸಹಾಯ ಮಾಡುವುದು ಸೂಕ್ತ.

ಧನು ರಾಶಿ: ಶುಕ್ರವಾರ ಮತ್ತು ಶನಿವಾರ ಚಿಕ್ಕ ಮಕ್ಕಳಿಗೆ ಸಿಹಿತಿಂಡಿಗಳು, ಚಾಕೊಲೇಟ್ ಅಥವಾ ಬೇರೆ ಯಾವುದೇ ಸಿಹಿ ಪದಾರ್ಥಗಳನ್ನು ಕೊಡಿ. ಹಾಗೆಯೇ ನಿಮ್ಮ ಅಹಂಕಾರವನ್ನು ಕಡಿಮೆ ಮಾಡಿಕೊಳ್ಳುವುದು ಉತ್ತಮ.

ಮಕರ ರಾಶಿ: ಗುರುವಾರದಂದು ಧಾರ್ಮಿಕ ಕಲಸಗಳನ್ನು ಮಾಡುವುದು ನೀವು ಕಂಡ ಕನಸು ನನಸು ಮಾಡಲು ಸಹಾಯ ಮಾಡುತ್ತದೆ. ದೇವರ ಧ್ಯಾನ ಮತ್ತು ದೇವಸ್ಥಾನದ  ಮುಂದೆ ದಾನ ಮಾಡುವುದನ್ನು ಮರೆಯಬೇಡಿ

ಕುಂಭ ರಾಶಿ: ಕುಂಭರಾಶಿಯವರಿಗೆ ಹಿರಿಯರ ಆಶೀರ್ವಾದ ಅಗತ್ಯವಿದೆ. ಹಾಗಾಗಿ ಅವರನ್ನು ಎಂದಿಗೂ ಅಗೌರದಿಂದ ಕಾಣಬೇಡಿ. ವೃದ್ಧಾಶ್ರಮಗಳಿಗೆ ಹೋಗಿ ಸೇವೆ ಮಾಡುವ ಅಭ್ಯಾಸ ಮಾಡಿಕೊಳ್ಳಿ.

ಮೀನಾ ರಾಶಿ: ಶುಕ್ರವಾರ ಮತ್ತು ಶನಿವಾರದಂದು ಧಾರ್ಮಿಕ ಹಾಗೂ ಸಾಮಾಜಿಕ ಕಾರ್ಯಗಳನ್ನು ಮಾಡುವುದು ಮೀನಾ ರಾಶಿಯವರಿಗೆ ಒಳ್ಳೆಯದನ್ನು ಮಾಡುತ್ತದೆ.