Daridra Yoga: ಒಂದೊಂದು ರೂಪಾಯಿಗೂ ಪರದಾಡಬೇಕಾಗುತ್ತೆ ಈ ರಾಶಿಯವರು, ದರಿದ್ರ ಯೋಗದ ಕಷ್ಟ ಅಷ್ಟಿಷ್ಟಲ್ಲ

ನಮ್ಮ ಜಾತಕದಲ್ಲಿ ಗ್ರಹಗಳು ಸರಿಯಾದ ಸ್ಥಾನದಲ್ಲಿ ಇಲ್ಲದಿದ್ದರೆ ಕೆಟ್ಟ ಯೋಗಗಳ ಪರಿಣಾಮವನ್ನು ಎದುರಿಸಬೇಕಾಗುತ್ತದೆ. ಅದರಲ್ಲೂ ದರಿದ್ರ ಯೋಗ ಆರಂಭವಾದರೆ ಅದರಿಂದ ಹೊರ ಬರುವುದು ಬಹಳ ಕಷ್ಟ.

ಸಾಮಾನ್ಯವಾಗಿ ಶುಭ ಗ್ರಹ ಹಾಗೂ ಅಶುಭ ಗ್ರಹದ ಸಂಯೋಜನೆಯಾದಾಗ ಈ ದರಿದ್ರ ಯೋಗ ರೂಪುಗೊಳ್ಳುತ್ತದೆ. ಅಲ್ಲದೇ, ಗುರು ನಿಮ್ಮ ಜಾತಕದ 6 ರಿಂದ 12 ನೇ ಮನೆಯ ಒಳಗೆ ಎಲ್ಲಿಯಾದರೂ ಇದ್ದರೂ ಸಹ ಈ ಯೋಗ ನಿಮ್ಮನ್ನ ಕಾಡುವ ಸಾಧ್ಯತೆ ಇದೆ. ಈ ವರ್ಷ ಯಾವೆಲ್ಲಾ ರಾಶಿಗೆ ಈ ಯೋಗದ ಕಾಟ ಇರಲಿದೆ ಎಂಬುದು ಇಲ್ಲಿದೆ.

ಮಕರ: ಈ ರಾಶಿಯವರಿಗೆ ಇದುವರೆಗೂ ಬರೀ ಕೆಟ್ಟ ಯೋಗಗಳೇ ಬೆನ್ನು ಬಿದ್ದಿರುವುದು ಎಂದರೆ ತಪ್ಪಗಲಾರದು. ಹಾಗೆಯೇ ಈ ವರ್ಷ ಸಹ ದರಿದ್ರ ಯೋಗದ ಕಾಟ ಇವರಿಗೆ ಇರಲಿದೆ ಎನ್ನಲಾಗುತ್ತಿದೆ. ಹಾಗೆಯೇ, ಈ ಯೋಗದಿಂದ ಬಹಳ ಸಮಸ್ಯೆಗಳನ್ನು ಸಹ ಅನುಭವಿಸಬೇಕಾಗುತ್ತದೆ.

ಕಟಕ: 2023ರ ಭವಿಷ್ಯದ ಪ್ರಕಾರ ಈ ವರ್ಷ ಕಟಕ ರಾಶಿಯವರನ್ನು ಅನೇಕ ಸಮಸ್ಯೆಗಳು ಕಾಡುತ್ತದೆ. ಅದರಲ್ಲಿ ಒಂದು ಈ ದರಿದ್ರ ಯೋಗ. ಈ ವರ್ಷದ ಕೊನೆಯಲ್ಲಿ ಕಟಕ ರಾಶಿಯವರು ಆರ್ಥಿಕ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಆದರೆ ಸ್ವಲ್ಪ ಪರಿಹಾರ ಮಾಡಿಕೊಂಡರೆ ಸಮಸ್ಯೆ ಕಡಿಮೆ ಆಗುತ್ತದೆ.

ಕುಂಭ ರಾಶಿ: ಈ ರಾಶಿಯಲ್ಲಿ ಈಗಾಗಲೇ ಶನಿ ಇರುವ ಕಾರಣ ಬೇರೆ ಯಾವುದೇ ಗ್ರಹ ಕುಂಭ ರಾಶಿಯನ್ನು ಪ್ರವೇಶ ಮಾಡಿದರೆ ಅದರಿಂದ ದರಿದ್ರ ಯೋಗ ಉಂಟಾಗುವ ಸಂಭವವಿದೆ. ಆದರೆ ಈಗಾಗಲೇ ಸಾಡೇಸಾತಿ ಇರುವುದರಿಂದ ಸಮಸ್ಯೆಗಳು ಇನ್ನೂ ಹೆಚ್ಚಾಗುತ್ತದೆ.

ವೃಷಭ ರಾಶಿ: 2023ರಲ್ಲಿ ಸಮಸ್ಯೆಗಳನ್ನು ಅನುಭವಿಸುತ್ತಿರುವ ಪಟ್ಟಿಯಲ್ಲಿ ಮೊದಲ ಸ್ಥಾನ ವೃಷಭ ರಾಶಿಗೆ ಬರಬಹುದು. ಅದರ ಜೊತೆಗೆ ಈ ದರಿದ್ರ ಯೋಗ ಸಹ ಸೇರಿಕೊಂಡರೆ ಬದುಕಲ್ಲಿ ನೆಮ್ಮದಿ ಎನ್ನುವುದೇ ಇರುವುದಿಲ್ಲ.

ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)