Numerology: ನಿಮ್ಮ ಹೆಸರು E, F ನಿಂದ ಸ್ಟಾರ್ಟ್ ಆಗುತ್ತಾ? ಹಾಗಾದ್ರೆ ನಿಮ್ಮ ಲೈಫ್ ಹೀಗೆ ಇರುತ್ತೆ

ಆಲ್ಫಾಬೆಟ್ ಇ: ಇ ವರ್ಣಮಾಲೆಯಿಂದ ಪ್ರಾರಂಭವಾಗುವ ಹೆಸರುಗಳನ್ನು ಹೊಂದಿರುವ ಜನರು ಬಹಳ ಮುಕ್ತವಾದ ಸ್ವಭಾವವನ್ನು ಹೊಂದಿರುತ್ತಾರೆ. ಯಾವುದೇ ವಿಚಾರದ ಬಗ್ಗೆ ಎಲ್ಲರ ಸಲಹೆಯನ್ನು ಸ್ವೀಕರಿಸುವ ಬುದ್ದಿ ಇವರಿಗೆ ಇರುತ್ತದೆ.

ಅಲ್ಲದೇ ಇತರರನ್ನು ವಿರೋಧಿಸುವಾಗ ಸಹ ಈ ಹೆಸರಿನವರು ಸತ್ಯವನ್ನು ಬಹಿರಂಗಪಡಿಸಲು ಎಂದಿಗೂ ಹಿಂಜರಿಯುವುದಿಲ್ಲ. ಅವರ ಆಲೋಚನೆಗಳು ಸೃಜನಾತ್ಮಕವಾಗಿರುತ್ತದೆ ಮತ್ತು ಈ ಆಲೋಚನೆಗಳನ್ನು ಅದ್ಭುತ ಕೆಲವಾಗಿ ಪರಿವರ್ತಿಸುವ ಗುಣ ಇವರಿಗಿದೆ ಎನ್ನಬಹುದು.

ಸೃಜನಶೀಲತೆ, ಸಾಮರ್ಥ್ಯ, ಶ್ರದ್ಧೆ ಮತ್ತು ದೈಹಿಕ ಶಕ್ತಿಗಳ ಉತ್ತಮ ಮಿಶ್ರಣದ ಕಾರಣದಿಂದ ಇವರಿಗೆ ಯಶಸ್ಸು ಕಟ್ಟಿಟ್ಟ ಬುತ್ತಿ.ನಿರಂತರವಾಗಿ ಜ್ಞಾನ ಪಡೆಯುವ ಉತ್ಸಾಹ ಇವರಿಗೆ ಇರುತ್ತದೆ. ಎಷ್ಟೇ ಕಷ್ಟಕರವಾದ ಕೆಲಸ ಇದ್ದರೂ ಸಹ ಕೊನೆಯವರೆಗೂ ಬಿಟ್ಟುಕೊಡುವ ಗುಣ ಇವರಿಗೆ ಇರುವುದಿಲ್ಲ

ಅಲ್ಲದೇ ಬಯಸಿದ ಗುರಿಯನ್ನು ಸಾಧಿಸಲು ತಮ್ಮನ್ನು ತಾವೇ ಹುರಿದುಂಬಿಸಿಕೊಳ್ಳುವ ಗುಣ ಇವರಿಗಿದೆ. ಯಾವುದೇ ವಿಚಾರದಲ್ಲಿ ರಾಜಿ ಮಾಡಿಕೊಳ್ಳುವ ಜಾಯಮಾನ ಇವರದ್ದಲ್ಲ. ಪರ್ಫೆಕ್ಟ್ ಜನ ಎಂದರೆ ಇವರೇ ಎಮದು ಉದಾಹರಣೆ ಕೊಡಬಹುದು.

E ವರ್ಣಮಾಲೆಯ ಹೆಸರಿನ ಜನರ ಈ ಗುಣಲಕ್ಷಣಗಳು ಯಶಸ್ಸು ಹೆಚ್ಚಿರುತ್ತದೆ ಎಂಬುದನ್ನ ತೋರಿಸುತ್ತದೆ, ವಿಶೇಷವಾಗಿ ಆಸ್ತಿ ವ್ಯವಹಾರಗಳಿಗೆ ಸಂಬಂಧಿಸಿದ ನಷ್ಟಗಳು ಇವರಿಗೆ ಕಡಿಮೆ ಎನ್ನಬಹುದು. ಪರಿಹಾರ: ಬೆಳಗ್ಗೆ ಹಸಿರು ಹುಲ್ಲಿನ ಬರಿಗಾಲಿನಲ್ಲಿ ನಡೆಯುವ ಅಭ್ಯಾಸ ಮಾಡಿಕೊಳ್ಳಿ.

ಆಲ್ಫಾಬೆಟ್ F: ಈ ವರ್ಣಮಾಲೆಯಿಂದ ಪ್ರಾರಂಭವಾಗುವ ಹೆಸರುಗಳನ್ನು ಹೊಂದಿರುವ ಜನರು ಕುಟುಂಬದ ವಿಚಾರವಾಗಿ ಬಹಳ ಬದ್ಧತೆ ಹೊಂದಿರುತ್ತಾರೆ. ಆದರೆ ಇವರಿಗೆ ಆರೋಗ್ಯದ ಸಮಸ್ಯೆಗಳು ಪದೇ ಪದೇ ಕಾಡುತ್ತದೆ ಎನ್ನಬಹುದು.

ಸ್ವಲ್ಪ ಮಕ್ಕಳ ಮನಸ್ಸಿನ ಗುಣ ಇವರದ್ದಾಗಿದ್ದು, ಒಮ್ಮೊಮ್ಮೆ ಬಾಲಿಶವಾಗಿ ನಡೆದುಕೊಳ್ಳುತ್ತಾರೆ. ಇವರಿಗೆ ಸಮಾಜ ಸೇವೆ ಮಾಡುವ ಮನಸ್ಸು ಇರುತ್ತದೆ. ಉದಾರತೆಗೆ ಇವರೇ ಇನ್ನೊಂದು ಹೆಸರು ಎನ್ನಬಹುದು.

ಅವರ ಮುಗ್ಧತೆಗೆ ಹೆಸರುವಾಸಿಯಾಗುತ್ತಾರೆ,ಇದನ್ನು ಇತರರು ದುರುಪಯೋಗಪಡಿಸಿಕೊಳ್ಳಬಹುದು. ಆದ್ದರಿಂದ ಅವರು ಜಾಗರೂಕರಾಗಿರಬೇಕು. ಇವರು ಇತರರಿಗೆ ಸಹಾಯ ಮಾಡಲು ಯಾವಾಗಲೂ ಸಿದ್ಧವಾಗಿರುತ್ತಾರೆ.