Numerology Suggestions: ಫಾರಿನ್​ನಲ್ಲಿ ಓದೋ ಕನಸು ನನಸಾಗಬೇಕು ಅಂದ್ರೆ ಜನ್ಮ ದಿನಾಂಕದಲ್ಲಿ ಈ ಸಂಖ್ಯೆ ಇರಬೇಕು

ಉನ್ನತ ಶಿಕ್ಷಣ ಪಡೆಯಬೇಕು ಎನ್ನುವ ಆಸೆ ಹಲವಾರು ಜನರಿಗೆ ಇರುತ್ತದೆ. ಆದರೆ ಎಲ್ಲರಿಗೂ ಅದು ಸಾಧ್ಯವಾಗುವುದಿಲ್ಲ. ಅದರಲ್ಲೂ ವಿದೇಶದಲ್ಲಿ ಉನ್ನತ ಶಿಕ್ಷಣ ಪಡೆಯುವುದು ಕನಸಾಗಿಯೇ ಉಳಿಯುತ್ತದೆ. ನಿಮ್ಮ ಜನ್ಮದಿನಾಂಕದಲ್ಲಿ ಯಾವ ಸಂಖ್ಯೆ ಇದ್ದರೆ ನಿಮಗೆ ಉನ್ನತ ಶಿಕ್ಷಣದ ಅವಕಾಶವಿದೆ ಎಂಬುದು ಇಲ್ಲಿದೆ.

ಜ್ಞಾನವನ್ನು ಪಡೆಯಲು ಅಥವಾ ಉನ್ನತ ಅಧ್ಯಯನಕ್ಕಾಗಿ, ನಿಮ್ಮ ಜನ್ಮ ದಿನಾಂಕದಲ್ಲಿ ನೇರವಾಗಿ ಅಥವಾ ಪರೋಕ್ಷವಾಗಿ 1,4,8 ಮತ್ತು 9 ಸಂಖ್ಯೆಗಳನ್ನು ನೀವು ಹೊಂದಿರಬೇಕು. ಸಂಖ್ಯೆ 1 ಎಂಬುದು ಸೃಜನಶೀಲತೆ ಮತ್ತು ಸೃಜನಶೀಲ ವಿಚಾರಗಳ ಸಂಖ್ಯೆಯಾಗಿದ್ದು, ಹೆಚ್ಚಾಗಿ ಪ್ರಾಜೆಕ್ಟ್ ಅಥವಾ ಸಂಶೋಧನೆ ಆಧಾರಿತವಾಗಿರುವ ಉನ್ನತ ಅಧ್ಯಯನಗಳಿಗೆ ಬಹಳ ಅವಶ್ಯಕವಾಗಿದೆ.

ಅಭಿವ್ಯಕ್ತಿಯಲ್ಲಿ ಸಂವಹನಕ್ಕೂ ಇದು ಅಗತ್ಯವಾಗಿರುತ್ತದೆ. ನಮ್ಮ ಶಿಕ್ಷಣ ವ್ಯವಸ್ಥೆಯು ನಿಮ್ಮ ಜ್ಞಾನವನ್ನು ಅಂಕಗಳ ರೂಪದಲ್ಲಿ ಮೌಲ್ಯಮಾಪನ ಮಾಡುತ್ತವೆ. ಹಾಗಾಗಿ ಈ ಸಂಖ್ಯೆಗಳ ಅಗತ್ಯವಿದೆ.

ಸಂಖ್ಯೆ 1 ರಿಂದ ಬರುವ ಯಶಸ್ಸನ್ನು ನೀವು ಬರವಣಿಗೆಯ ರೂಪದಲ್ಲಿ ಅಥವಾ ಮೌಖಿಕವಾಗಿ ವ್ಯಕ್ತಪಡಿಸಬೇಕು ಅಥವಾ ಸಂವಹನ ಮಾಡಬೇಕಾಗುತ್ತದೆ.

ಸಂಖ್ಯೆ 4 ವಿಭಿನ್ನವಾದ ಆಲೋಚನೆಯನ್ನು ಹಾಗೂ ಶಕ್ತಿಯನ್ನು ನೀಡುತ್ತದೆ ಮತ್ತು ಎಲ್ಲವನ್ನೂ ವಿವಿಧ ಕೋನಗಳಿಂದ ನೋಡುವ ಸಾಮರ್ಥ್ಯವನ್ನು ನೀಡುತ್ತದೆ. ಇದು ಕುತೂಹಲವನ್ನುಂಟು ಹುಟ್ಟು ಹಾಕುತ್ತದೆ ಮತ್ತು ಎಲ್ಲಾ ಪ್ರಶ್ನೆಗಳಿಗೆ ಉತ್ತರಗಳನ್ನು ಹುಡುಕುವಂತೆ ಮಾಡುತ್ತದೆ.

ಇದು ನಿಮ್ಮನ್ನು ಧನಾತ್ಮಕವಾಗಿ, ತಾರ್ಕಿಕವಾಗಿ, ಅಸಾಂಪ್ರದಾಯಿಕವಾಗಿ, ವೈಜ್ಞಾನಿಕವಾಗಿ ಆಲೋಚಿಸಲು ಹುರಿದುಂಬಿಸುತ್ತದೆ. ಅಲ್ಲದೇ, ಜ್ಞಾನವನ್ನು ಪಡೆಯಲು ಸಹಾಯ ಮಾಡುತ್ತದೆ.

ಸಂಖ್ಯೆ 8 ಜ್ಞಾನ ಮತ್ತು ಶಿಕ್ಷಣದ ಸಂಖ್ಯೆ. ಇದು ನಿಮ್ಮನ್ನು ಶ್ರಮಜೀವಿಗಳಾಗಿ ಮಾಡುತ್ತದೆ. ಸಂಖ್ಯೆ 9 ಬೌದ್ಧಿಕ ಸಾಮರ್ಥ್ಯಗಳು, ಮೆಮೊರಿ, ಮಾನಸಿಕ ಜಾಗರೂಕತೆ ಹೆಚ್ಚಿಸುತ್ತದೆ.

ಈ ಸಂಖ್ಯೆಗಳು ನಿಮ್ಮ ಜನ್ಮದಿನಾಂಕದಲ್ಲಿ ಇದ್ದರೆ, ವಿದೇಶದಲ್ಲಿ ಅಧ್ಯಯನ ಮಾಡಲು ಮತ್ತು ಸ್ಪರ್ಧಾತ್ಮಕ ಪರೀಕ್ಷೆಗಳನ್ನು ಬರೆಯುವವರಿಗೆ ಯಶಸ್ಸು ಸಿಗುತ್ತದೆ.

ಹಳದಿ ಅಕ್ಕಿಯನ್ನು ಭಿಕ್ಷುಕರಿಗೆ ದಾನ ಮಾಡಿ, ಗುರು ಮಂತ್ರವನ್ನು ಪಠಿಸಿ ಮತ್ತು ನಿಮ್ಮ ಗುರು ಅಥವಾ ತುಳಸಿ ಗಿಡಕ್ಕೆ ದೀಪವನ್ನು ಹಚ್ಚಿ. ಮಲಗುವ ಮೊದಲು ಪುಸ್ತಕದಲ್ಲಿ ಕೆಂಪು ಪೆನ್ನಿನಿಂದ ನಿಮ್ಮ ಆಸೆಯನ್ನು ಬರೆಯಿರಿ.