Crying Women: ಹೆಂಡತಿ ಪದೇ ಪದೇ ಅತ್ರೆ ಚಿಂತೆ ಬಿಡಿ, ಖುಷಿಪಡಿ- ಇದ್ರಿಂದ ಅದೃಷ್ಟವಂತೆ

ಮನೆಯಲ್ಲಿ ಸಣ್ಣ ಪುಟ್ಟ ವಿಚಾರಕ್ಕೆ ಜಗಳವಾದರೇ ಅದು ನೆಮ್ಮದಿಯನ್ನು ಹಾಳು ಮಾಡುತ್ತದೆ, ಹಾಗೆಯೇ ಮಾತು ಮಾತಿಗೂ ಮನೆಯಲ್ಲಿ ಹೆಂಡತಿ ಅತ್ತರೆ ಹಿಂಸೆ ಆಗುತ್ತದೆ. ಆದರೆ ಇನ್ನು ಮುಂದೆ ಸಣ್ಣ ಸಣ್ಣ ವಿಚಾರಕ್ಕೆ ಹೆಂಡತಿ ಅತ್ತರೆ ಖುಷಿಪಡಿ.

ಹೌದು, ಇದು ಆಶ್ಚರ್ಯವಾದರೂ ಸತ್ಯ. ಪದೇ ಪದೇ ಮನೆಯಲ್ಲಿ ಹೆಂಡತಿ ಅಳುವುದರಿಂದ ಅದೃಷ್ಟ ಹೆಚ್ಚಾಗುತ್ತದೆ ಎನ್ನಲಾಗುತ್ತದೆ. ಮನೆಯಲ್ಲಿ ಸಣ್ಣ-ಪುಟ್ಟ ವಿಚಾರಕ್ಕೆ ಅಳುವುದರಿಂದ ಮನೆ ಸಮೃದ್ಧವಾಗಿರುತ್ತದೆ ಎನ್ನುವ ನಂಬಿಕೆ ಇದೆ.

ಅಳುವ ಸ್ವಭಾವವನ್ನು ಹೊಂದಿರುವ ಮಹಿಳೆಯರು ಕುಟುಂಬವನ್ನು ಹೆಚ್ಚು ಪ್ರೀತಿ ಮಾಡುತ್ತಾರಂತೆ. ಅವರಿಗೆ ಒಟ್ಟಿಗೆ ಬಾಳ್ವೆ ನಡೆಸಬೇಕು ಎನ್ನುವ ಆಸೆ ಇರುತ್ತದೆ. ಎಂದಿಗೂ ಅತ್ತೆ-ಮಾವನನ್ನ ದೂರ ಮಾಡುವ ಭಾವನೆ ಇರುವುದಿಲ್ಲವಂತೆ.

ಈ ಮಹಿಳೆಯರು ಗಂಡನ ಪಾಲಿನ ಅದೃಷ್ಟ ದೇವತೆಯರಂತೆ. ಇವರಿಂದ ಗಂಡನ ಜೀವನವೇ ಬದಲಾಗಲಿದೆ ಎನ್ನಲಾಗುತ್ತದೆ. ಅಲ್ಲದೇ, ಇವರು ಮನೆಯಲ್ಲಿ ನೆಮ್ಮದಿ ನೆಲೆಸಿರುವಂತೆ ನೋಡಿಕೊಳ್ಳುತ್ತಾರೆ.

ಈ ಮಹಿಳೆಯರು ಬೇರೆ ಯಾರಿಗೂ ನೋವನ್ನು ಕೊಡುವುದಿಲ್ಲ. ಕುಟುಂಬದಲ್ಲಿ ಯಾವುದೇ ಕಷ್ಟ ಬಂದರೂ ಸಹ ತಾವೇ ನಿಭಾಯಿಸಿಕೊಂಡು ಹೋಗುತ್ತಾರೆ. ಅವರು ಅತ್ತರೂ ದುರ್ಬಲರಲ್ಲ ಎಂಬುದು ಮುಖ್ಯ ವಿಚಾರ,

ಅಲ್ಲದೇ ಇವರು ಎಲ್ಲರಿಗೂ ಒಳ್ಳೆಯದನ್ನ ಬಯಸುವ ಗುಣವನ್ನು ಹೊಂದಿದ್ದಾರೆ. ಮನಸ್ಸಿನಲ್ಲಿರುವ ಭಾವನೆಯನ್ನು ಹೊರ ಹಾಕುವುದು ಇವರ ಗುಣ, ಆದರೆ ಎಂದಿಗೂ ಕೆಟ್ಟ ಯೋಚನೆ ಮಾಡುವುದಿಲ್ಲ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)