Numerology Remedy: ಈ ಸಂಖ್ಯೆಗಳನ್ನು ದೇಹದ ಮೇಲೆ ಬರೆದುಕೊಂಡ್ರೆ ಶೀತ-ಕೆಮ್ಮಿಗೆ ಪರಿಹಾರ ಸಿಗುತ್ತೆ

ಕೆಲ ನಂಬರ್​ಗಳನ್ನು ನಿಮ್ಮ ದೇಹದ ಮೇಲೆ ಬರೆದುಕೊಳ್ಳುವುದರಿಂದ ಚಳಿಗಾಲದ ಹಲವಾರು ಆರೋಗ್ಯ ಸಮಸ್ಯೆಗಳಿಗೆ ಪರಿಹಾರ ಸಿಗುತ್ತದೆ. ನೀವು ಬ್ಲ್ಯೂ ಪೆನ್​ನಲ್ಲಿ ದೇಹದ ಎಡ ಭಾಗದಲ್ಲಿ ಈ ಕೆಳಗಿನ ಸಂಖ್ಯೆಗಳನ್ನು ಬರೆದುಕೊಳ್ಳಿ, ಈ ರೀತಿ 4 ದಿನ ಮಿಸ್ ಮಾಡದೇ ಬರೆದುಕೊಂಡರೆ ಶೀತ ಹಾಗೂ ಕೆಮ್ಮು ಕಡಿಮೆ ಆಗುತ್ತದೆ.

ಜ್ವರಕ್ಕೆ: ನಿಮಗೆ ಹವಾಮಾನದ ಕಾರಣದಿಂದ ಜ್ವರ ಬಂದಿದ್ದರೆ ಈ ನ್ಯೂಮರಾಲಜಿ ಟ್ರಿಕ್ಸ್ ಟ್ರೈ ಮಾಡಬಹುದು. ನಿಮ್ಮ ಎಡ ಭಾಗದಲ್ಲಿ 518517519814 ಈ ನಂಬರ್ ಅನ್ನು ಬರೆದುಕೊಳ್ಳಿ. ಇದು ಅಳಿಸಿ ಹೋದರೂ ಸಹ ಪದೇ ಪದೇ ಬರೆದುಕೊಳ್ಳಿ. ಆಗ ಜ್ವರ ಕಡಿಮೆ ಆಗುತ್ತದೆ.

ಕೆಮ್ಮು: ಚಳಿಗಾಲದಲ್ಲಿ ಸಾಮಾನ್ಯವಾಗಿ ಕಾಡುವ ಸಮಸ್ಯೆಗಳಲ್ಲಿ ಕೆಮ್ಮು ಸಹ ಒಂದು. ಒಮ್ಮೆ ಕೆಮ್ಮು ಆರಂಭವಾದರೆ ಸಾಕು ಸುಸ್ತು ಮಾಡಿ ಬಿಡುತ್ತದೆ. ಅದಕ್ಕೆ ನೀವು 611 ಎನ್ನುವ ನಂಬರ್ ಬರೆದುಕೊಂಡು ಬೇಗ ಪರಿಹಾರ ಪಡೆಯಬಹುದು.

ಶೀತ: ಈ ಶೀತ ಸಹ ಒಂದು ರೀತಿಯಲ್ಲಿ ಹಿಂಸೆ ನೀಡುವ ಸಮಸ್ಯೆ ಎನ್ನಬಹುದು. ಅದರಲ್ಲೂ ಮಕ್ಕಳಿಗೆ ಬಂದರೆ ಬಹಳ ಕಷ್ಟವಾಗುತ್ತದೆ. ನೀವು 2998545 ನಂಬರ್ ಅನ್ನು ಬರೆದುಕೊಳ್ಳಿ. ಮಕ್ಕಳಿಗೆ ಶೀತವಾಗಿದ್ರೆ ಮಕ್ಕಳ ದೇಹದ ಮೇಲೆ ಸಹ ಬರೆಯಿರಿ.

ಒಣ ಕೆಮ್ಮು: ಕೆಮ್ಮಿನಲ್ಲಿ ಸಹ ವಿಧಗಳಿದೆ. ಕಫ ಕಟ್ಟಿ ಕೆಮ್ಮು ಬರುವುದು ಒಂದಾದರೆ ಒಣ ಕೆಮ್ಮು ಇನ್ನೊಂದು ವಿಧ. ಈ ಒಣ ಕೆಮ್ಮು ಬಂದರೆ ಕೆಮ್ಮಿ ಕೆಮ್ಮಿ ಸಾಕಪ್ಪ ಅನಿಸುತ್ತದೆ. ಅದಕ್ಕೆ 38822170 ಬರೆದುಕೊಳ್ಳಿ ಸಾಕು.

ಕಿವಿ ಸಮಸ್ಯೆಗೆ: ಚಳಿಗಾಲದಲ್ಲಿ ಕಿವಿ ನೋವು ಹೆಚ್ಚು ಕಾಡುತ್ತದೆ. ಅದರಲ್ಲೂ ಮಕ್ಕಳಿಗೆ ಗಾಳಿ ಕಿವಿಯ ಒಳಗೆ ಹೋದಾಗ ನೋವು ಸಾಮಾನ್ಯವಾಗಿದೆ. ಈ ರೀತಿ ಕಿವಿಯ ಸಮಸ್ಯೆ ಇದ್ದರೆ 8833421 ಈ ಸಂಖ್ಯೆಯನ್ನು ಮಕ್ಕಳ ದೇಹದ ಮೇಲೆ ಬರೆಯಿರಿ. ಇದು ಎಲ್ಲಾ ವಯಸ್ಸಿನವರಿಗೆ ಸಹ ಪರಿಹಾರ ನೀಡುತ್ತದೆ.

ಮೂಗು ಸೋರುವಿಕೆಗೆ: ಶೀತ ಹಾಗೂ ಕೆಮ್ಮು ಆದಾಗ ಉಂಟಾಗುವ ಮತ್ತೊಂದು ಸಮಸ್ಯೆ ಇದ್ದರೆ ಮೂಗು ಸೋರುವುದು. ಮೂಗಿನಿಂದ ಸಿಂಬಳ ಹರಿಯುತ್ತಲೇ ಇರುತ್ತದೆ. ಅದಕ್ಕೆ ತಲೆಕೆಡಿಸಿಕೊಳ್ಳುವ ಬದಲಾಗಿ 471593662 ಈ ನಂಬರ್ ಎಡ ಭಾಗದಲ್ಲಿ ಬರೆದುಕೊಳ್ಳಿ.

ಮೂಗು ಕಟ್ಟುವಿಕೆ: ಮೂಗು ಸೋರುವಿಕೆಯ ನಂತರ ಶೀತವಾದಾಗ ಮೂಗು ಕಟ್ಟುತ್ತದೆ. ಇದರಿಂದ ಉಸಿರಾಡಲು ಸಹ ಕಷ್ಟವಾಗುತ್ತದೆ. ಇದರಿಂದ ಬೇಗ ಮುಕ್ತಿ ಬೇಕು ಎಂದರೆ 765993675 ಈ ನಂಬರ್ ಬರೆದುಕೊಳ್ಳಿ.