Christmas Traditions: ಯುರೋಪ್​ನ 9 ಬಗೆಯ ಕ್ರಿಸ್​ಮಸ್​ ಟ್ರೆಡಿಷನ್ - ಬಹಳಷ್ಟು ವಿಭಿನ್ನ, ಅಷ್ಟೇ ವಿಶೇಷ

ಪೋಲೆಂಡ್, ಜರ್ಮನಿ ಹಾಗೂ ಉಕ್ರೇನ್​ ದೇಶಗಳಲ್ಲಿ ಕ್ರಿಸ್​ಮಸ್​ ಟ್ರೀ ಮೇಲೆ ಜೇಡರ ಬಲೆಯ ಅಲಂಕಾರ ಮಾಡಲಾಗುತ್ತದೆ. ಈ ದೇಶಗಳಲ್ಲಿ ಜೇಡರ ಬಲೆಯನ್ನು ಸಮೃದ್ಧಿಯ ಸಂಕೇತ ಎಂದು ಪರಿಗಣಿಸಲಾಗುತ್ತದೆ.

ಜೌಲುಸೌನಾ ಅಥವಾ ಕ್ರಿಸ್ಮಸ್ ಸೌನಾ: ಈ ಸಂಪ್ರದಾಯವು ಫಿನ್‌ಲ್ಯಾಂಡ್‌ನಲ್ಲಿ ಶತಮಾನಗಳ ಹಿಂದೆ ಆರಂಭವಾಗಿದ್ದು, ಇಂದಿಗೂ ಈ ದೇಶದಲ್ಲಿ ಇದನ್ನು ಮುಂದುವರೆಸಿಕೊಂಡು ಬರಲಾಗುತ್ತಿದೆ. ಇದೊಂದು ಸಾಂಪ್ರದಾಯಿಕ ಥೆರಪಿಯಾಗಿದ್ದು, ಸ್ಪಾ ಎಂದು ಸಹ ಇದನ್ನು ಹೇಳಬಹುದು. ಇದು ಮಾನಸಿಕ ನೆಮ್ಮದಿ ನೀಡುತ್ತದೆ ಎಂಬ ನಂಬಿಕೆ ಇದೆ.

ಬೆಂಕಿಯ ಮುಂದೆ ಶೂ ಇಡುವ ಪದ್ಧತಿ: ಇದು ನೆದರ್​ಲ್ಯಾಂಡ್​ನಲ್ಲಿ ಆಚರಿಸುವ ಪದ್ಧತಿಯಾಗಿದ್ದು, ಕ್ರಿಸ್​ಮಸ್​ ಹಿಂದಿನ ದಿನ ಕುಟುಂಬದವರೆಲ್ಲಾ ಸೇರಿ ಸಂಭ್ರಮದಿಂದ ಒಟ್ಟಿಗೆ ಊಟ ಮಾಡಿ, ಮೋಜು ಮಸ್ತಿ ಮಾಡುತ್ತಾರೆ. ನಂತರ ಬೆಂಕಿಯ ಮುಂದೆ ನಮ್ಮ ಶೂಗಳನ್ನು ಬಿಟ್ಟು ಹೋಗುತ್ತಾರೆ. ಈ ಶೂ ಒಳಗೆ ಸಾಂತಾ ಕ್ಲಾಸ್​ ಗಿಫ್ಟ್​ಗಳನ್ನು ಇಟ್ಟು ಹೋಗುತ್ತಾರೆ ಎನ್ನುವ ನಂಬಿಕೆ ಇಲ್ಲಿದೆ.

ಪೂಪಿಂಗ್ ಲಾಗ್: ಸ್ಪೇನ್ ದೇಶದ ಕ್ಯಾಟಲೋನಿಯಾದ ಪ್ರದೇಶದಲ್ಲಿ ಬಹಳ ವಿಚಿತ್ರವಾದ ಆಚರಣೆ ಇದ್ದು, ಟೋಪಿ ಧರಿಸಿರುವ ನಗು ಮುಖದ ಮರದ ಲಾಗ್ ಒಂದನ್ನು ತಯಾರಿಸಿ ರಾತ್ರಿಯಿಡಿ ಮಕ್ಕಳಿಗೆ ಕಾವಲು ಕಾಯಲು ಬಿಡುತ್ತಾರೆ.

ನಿಸ್ಸೆ ಎನ್ನುವ ಮಾಟಗಾತಿಗೆ ಊಟ ಕೊಡುವುದು: ನಾರ್ವೆಯಲ್ಲಿ ಹಲವಾರು ವರ್ಷಗಳಿಂದ ಈ ಸಂಪ್ರದಾಯ ಆಚರಣೆಯಲ್ಲಿದ್ದು, ಮನೆಯಲ್ಲಿ ಹಬ್ಬದ ಸಮಯದಲ್ಲಿ ಯಾವುದೇ ಸಮಸ್ಯೆ ಆಗಬಾರದು ಎಂದು ನಿಸ್ಸೆ ಎನ್ನುವ ಮಾಟಗಾತಿಗೆ ಗಂಜಿ ನೀಡುತ್ತಾರೆ. ಅಂದರೆ ಮನೆಯಲ್ಲಿಯೇ ಗೊಂಬೆಯೊಂದನ್ನು ತಯಾರಿಸಿ ಅದರ ಮುಂದೆ ಆಹಾರವನ್ನು ಇಡುತ್ತಾರೆ.

ಜಿಂಜರ್ ಬ್ರೆಡ್ ಕುಕೀ: ಜರ್ಮನಿಯಲ್ಲಿ ಈ ರೀತಿಯ ವಿಭಿನ್ನ ಕುಕೀ ತಯಾರಿಸಲಾಗುತ್ತದೆ. ಜಿಂಜರ್ ಬ್ರೆಡ್ ಕ್ರಿಸ್​ಮಸ್​ ಸಮಯದಲ್ಲಿ ಜರ್ಮನಿಯ ಪ್ರತಿ ಬೇಕರಿಗಳಲ್ಲಿ ಲಭಿಸುತ್ತದೆ. ಅಲ್ಲದೇ ಇದನ್ನು ಉಡುಗೊರೆಯಾಗಿ ನೀಡುವುದು ಮಂಗಳಕರ ಎಂದು ಹೇಳಲಾಗುತ್ತದೆ.

ಕ್ರಾಂಪಸ್ ನೈಟ್: ಆಸ್ಟ್ರೇಲಿಯಾದಲ್ಲಿ ಈ ಕ್ರಾಂಪಸ್ ನೈಟ್ ಸಂಪ್ರದಾಯವಿದ್ದು, ಮಕ್ಕಳನ್ನು ಹೆದರಿಸಲು ಮೊದಲು ಇದನ್ನು ಮಾಡಲಾಗುತ್ತಿತ್ತು. ಆದರೆ ಈಗ ಇದು ಮೋಜಿನಿಂದ ಕೂಡಿರುವ ಒಂದು ಆಚರಣೆಯಾಗಿ ಬದಲಾಗಿದ್ದು, ಕ್ರಿಸ್​ಮಸ್​ ಹಿಂದಿನ ದಿನ ಇದನ್ನು ಆಚರಿಸಲಾಗುತ್ತದೆ.

ಲಾ ಬೆಫಾನಾ: ಇದು ಇಟಲಿ ದೇಶದಲ್ಲಿರುವ ವಿಚಿತ್ರ ಆಚರಣೆಯಾಗಿದ್ದು, ಲಾ ಬೆಫಾನಾ ಎನ್ನುವ ಮಾಟಗಾತಿಯ ಬೊಂಬೆಯನ್ನು ಬೀದಿಗಳಲ್ಲಿ ತಯಾರಿಸಿ ಇಡಲಾಗುತ್ತದೆ. ಹಬ್ಬದ ದಿನ ಈ ಮಾಟಗಾತಿಯು ಜೀಸಸ್​ ನೋಡಲು ಬರುತ್ತಾಳೆ ಎನ್ನುವ ನಂಬಿಕೆ ಇದೆ.

ಟಿವಿಯಲ್ಲಿ ಡೊನಾಲ್ಡ್ ಡಕ್ ನೋಡುವುದು: ಸ್ವೀಡನ್​ ದೇಶದಲ್ಲಿ ಕ್ರಿಸ್​ಮಸ್​ ಹಬ್ಬದ ದಿನ ಹಾಗೂ ಹಿಂದಿನ ದಿನ ಮನೆಮಂದಿ ಎಲ್ಲಾ ಕುಳಿತು ಡೊನಾಲ್ಡ್ ಡಕ್ ಶೋ ವೀಕ್ಷಣೆ ಮಾಡುತ್ತಾರೆ. ಇದು 1958ರಿಂದಲೂ ಜಾರಿಯಲ್ಲಿದ್ದು, ಈಗಲೂ ಮುಂದುವರೆಸಿಕೊಂಡು ಬರಲಾಗುತ್ತಿದೆ.