Chanakya Niti: ಹೊಸ ಸ್ನೇಹಿತರನ್ನು ಮಾಡಿಕೊಳ್ಳುವಾಗ ಈ ವಿಚಾರಗಳ ಬಗ್ಗೆ ಎಚ್ಚರ ಅವಶ್ಯ

ಚಾಣಕ್ಯ ನೀತಿ ಶಾಸ್ತ್ರದ ಪ್ರಕಾರ, ನಿಮ್ಮ ಬೆನ್ನ ಹಿಂದೆ ಮಾತನಾಡದೆ ನಿಮ್ಮ ಮುಂದೆ ಸರಿ ಅಥವಾ ತಪ್ಪು ಮಾತನಾಡುವವನೇ ನಿಜವಾದ ಸ್ನೇಹಿತ. ನಿಮ್ಮ ಬೆನ್ನಿನ ಹಿಂದೆ ಕೆಟ್ಟದ್ದನ್ನು ಮಾಡುವ ಸ್ನೇಹಿತನಿಗಿಂತ ಕೆಟ್ಟ ವ್ಯಕ್ತಿ ಜೀವನದಲ್ಲಿ ಯಾರೂ ಇಲ್ಲ. ಈ ರೀತಿಯ ಮನೋಧರ್ಮ ಹೊಂದಿರುವ ಸ್ನೇಹಿತರು ತುಂಬಾ ಮಾರಣಾಂತಿಕರಾಗಿರುತ್ತಾರೆ

ಅನೇಕ ಜನರು ತಮ್ಮ ಸ್ನೇಹಿತರನ್ನು ಕುರುಡಾಗಿ ನಂಬುತ್ತಾರೆ. ಆದರೆ ಕೆಲವೊಮ್ಮೆ ಈ ಕುರುಡುತನವೇ ನಿಮ್ಮ ನಂಬಿಕೆಯನ್ನು ಮುರಿಯಬಹುದು. ಚಾಣಕ್ಯನ ನೀತಿಶಾಸ್ತ್ರದ ಪ್ರಕಾರ, ಕೆಲವೊಂದು ಆಳವಾದ ರಹಸ್ಯಗಳನ್ನು ನಿಮ್ಮ ಸ್ನೇಹಿತರೊಂದಿಗೆ ಎಂದಿಗೂ ಹಂಚಿಕೊಳ್ಳಬೇಡಿ. ಎಷ್ಟೇ ಉತ್ತಮ ಸ್ನೇಹಿತರು ಅವರಾಗಿದ್ದರೂ ಅವಕಾಶ ಸಿಕ್ಕಾಗ ಸ್ನೇಹಿತರು ನಿಮ್ಮ ಗುಟ್ಟನ್ನು ಇತರರ ಮುಂದೆ ತೆರೆದಿಡುತ್ತಾರೆ ಎಂಬುದು ಮರೆಯಬಾರದು.

ಯಾವುದೇ ಸಂಬಂಧದಲ್ಲಿ ಪ್ರಮುಖವಾಗಿರುವುದು ನಂಬಿಕೆ. ಅಂತಹ ನಂಬಿಕೆಗೆ ಒಮ್ಮೆ ಸ್ನೇಹಿತರು ದ್ರೋಹ ಬಗೆದರೆ ಆ ಸ್ನೇಹವನ್ನು ಅಲ್ಲಿಗೆ ಮುಗಿಸಬೇಕು. ಇಂತಹ ಮಿತ್ರರಿಗಿಂತ ಶತ್ರುವಾಗಿರುವುದೇ ಮೇಲು ಎಂದು ಅವರು ಹೇಳಿದ್ದಾರೆ. ಶತ್ರುಗಳು ಬೆನ್ನಿಗೆ ಎಂದಿಗೂ ಚೂರಿ ಇರಿಯುವುದಿಲ್ಲ

ಯಾರು ಕಷ್ಟ ಕಾಲದಲ್ಲಿ ನಿಮ್ಮ ಜೊತೆ ನಿಲ್ಲುತ್ತಾರೋ ಅವರೇ ನಿಜವಾದ ಸ್ನೇಹಿತರು. ಕಷ್ಟಬಂದಾಗ ಬಿಟ್ಟು, ಸುಖ ಬಂದಾಗ ಜೊತೆ ಸೇರುವ ಸ್ನೇಹಿತರನ್ನು ಹತ್ತಿರ ಸೇರಿಸಬಾರದು ಎನ್ನುತ್ತಾರೆ.

ಹಣ ಎಂಬುದು ಎಂತಹ ಸಂಬಂಧವನ್ನು ಹದಗೆಡುಸುತ್ತದೆ. ಈ ಹಿನ್ನೆಲೆ ಸ್ನೇಹಿತರ ಮಧ್ಯೆ ಹಣದ ಸಮಸ್ಯೆ ಇರಬಾರದು. ಈ ಹಣ ಎಂತಹವರನ್ನು ನಂಬಿಕೆ ದ್ರೋಹಿಯನ್ನಾಗಿ ಮಾಡುತ್ತದೆ. ಇದೇ ಕಾರಣಕ್ಕೆ ಹಣದ ವ್ಯವಹಾರದಲ್ಲಿ ಸ್ನೇಹ ಕಳೆದುಕೊಳ್ಳಬಾರದು