Chanakya Niti: ಹಿತಶತ್ರುಗಳ ವಿಚಾರದಲ್ಲಿ ಈ ವಿಷಯ ಅಪ್ಪಿ-ತಪ್ಪಿ ಮರೆಯಬೇಡಿ

ಚಲನವಲನದ ಮೇಲೆ ಇರಲಿ ಗಮನ : ಎಂದಿಗೂ ಶತ್ರುವನ್ನು ದುರ್ಬಲ ಎಂದು ಪರಿಗಣಿಸಿ, ತಪ್ಪು ಮಾಡಬಾರದು. ಆತ ಸ್ನೇಹಿತನಾಗಿದ್ದರೂ ಆತನ ಮೇಲೆ ನಿಗಾ ಇಡಬೇಕು. ಜೊತೆಗೆ ಪರಿಸ್ಥಿತಿಗೆ ತನ್ನನ್ನು ತಾನು ಸಿದ್ಧವಾಗಿರಿಸಿಕೊಳ್ಳಬೇಕು. ಬಿಕ್ಕಟ್ಟಿನ ಸಂದರ್ಭದಲ್ಲಿ ಒಬ್ಬ ವ್ಯಕ್ತಿಯು ತನ್ನ ಧೈರ್ಯವನ್ನು ಎಂದಿಗೂ ಕಳೆದುಕೊಳ್ಳಬಾರದು ಎಂದು ಚಾಣಕ್ಯ ನೀತಿ ಹೇಳುತ್ತದೆ.

ಧೈರ್ಯವಾಗಿ ಎದುರಿಸಿ : ಶತ್ರುವನ್ನು ಸೋಲಿಸಲು ನಿಮ್ಮ ಬಳಿ ಬಲ ಇರಬೇಕು ಎಂದು ಇಲ್ಲ. ಆದರೆ, ಧೈರ್ಯವಂತೂ ಇರಬೇಕು. ಹೋರಾಡಲು ಹಿಂಜರಿಯುವವನು ಸೋಲನ್ನು ಎದುರಿಸುತ್ತಾರೆ. ಆಚಾರ್ಯ ಚಾಣಕ್ಯರ ಪ್ರಕಾರ ಯಾರು ಯಾವುದೇ ಸಂದರ್ಭಗಳನ್ನು ಎದುರಿಸಲು ಸದಾ ಸಿದ್ಧರಿರುತ್ತಾರೆ. ಚಿಂತನಶೀಲ ಸ್ಥಿತಿಯಲ್ಲಿರುತ್ತಾರೆ. ಅವರು ಖಂಡಿತವಾಗಿಯೂ ಯಶಸ್ವಿಯಾಗುತ್ತಾರೆ.

ಹೋರಾಡಿ : ಚಾಣಕ್ಯನ ಪ್ರಕಾರ, ಯಾವುದೇ ರೀತಿಯ ಬಿಕ್ಕಟ್ಟು ಉಂಟಾದರೂ ಗಾಬರಿಯಾಗಬಾರದು. ಬಿಕ್ಕಟ್ಟನ್ನು ನಿವಾರಿಸಲು ಆಪ್ತರು ಅಥವಾ ಜ್ಞಾನವುಳ್ಳ ಜನರು ನೀಡುವ ಮಾರ್ಗದರ್ಶನ ಪಾಲಿಸಬೇಕು. ಇದರೊಂದಿಗೆ, ಒಬ್ಬನು ತನ್ನ ಪ್ರತಿಭೆ ಮತ್ತು ಜ್ಞಾನವನ್ನು ತನ್ನನ್ನು ಮತ್ತು ಇತರರನ್ನು ಉಳಿಸಲು ಬಳಸಬೇಕು.

ಒಗ್ಗಟ್ಟು ಇರಲಿ : ಚಾಣಕ್ಯ ನೀತಿಯ ಪ್ರಕಾರ, ಏಕತೆಯಲ್ಲಿ ಅಪಾರ ಶಕ್ತಿಯಿದೆ. ಕೆಟ್ಟ ಸಮಯದಲ್ಲಿ ಇತರರನ್ನು ಪ್ರೋತ್ಸಾಹಿಸಬೇಕು. ಒಬ್ಬರನ್ನು ಒಬ್ಬರು ಪ್ರೋತ್ಸಾಹಿಸಬೇಕು. ಇದೇ ವೇಳೇ ಇತರರನ್ನು ಜಾಗೃತಗೊಳಿಸಬೇಕು. ಶತ್ರುವನ್ನು ಒಟ್ಟಾಗಿ ಹೆದರಿಸಿದರೆ ವಿಜಯ ಸಿಗಲಿದೆ.

ನೈತಿಕತೆ: ಜೀವನದಲ್ಲಿ ನೈತಿಕತೆ ಬಹಳ ಮುಖ್ಯ. ಈ ನೈತಿಕತೆ ಮರೆತರೆ ಅಥಃಪತನಕ್ಕೆ ಒಳಗಾಗುವುದು. ನಿಮ್ಮ ಮೇಲೆ ನಿಮಗೆ ವಿಶ್ವಾಸವಿದ್ದರೆ ಆ ದೊಡ್ಡ ಯುದ್ಧವನ್ನು ಗೆಲ್ಲಬಹುದು. ಇದೇ ಕಾರಣಕ್ಕೆ ಶತ್ರುವಿನ ಗುಣ ಹೇಗೆ ಇದ್ದರೂ ನಿಮ್ಮ ನೈತಿಕತೆಗೆ ಧಕ್ಕೆ ಬಾರದಂತೆ ನಡೆದುಕೊಳ್ಳಬೇಕು. (ಮೇಲಿನ ಲೇಖನದ ವರದಿಯೂ ಧಾರ್ಮಿಕ ನಂಬಿಕೆಗಳು ನಡೆದ ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್​ 18 ಕನ್ನಡ ಖಚಿತಪಡಿಸುವುದಿಲ್ಲ)