Chanakya Niti: ಈ ಸೀಕ್ರೆಟ್​ ಗಳನ್ನು ಯಾರ ಬಳಿಯೂ ಶೇರ್ ಮಾಡ್ಬಾರ್ದಂತೆ, ನಿಮಗೇ ನಷ್ಟ

ಆಚಾರ್ಯ ಚಾಣಕ್ಯರ ಪಾಂಡಿತ್ಯದ ಬಗ್ಗೆ ನಾವು ಹೆಚ್ಚು ಹೇಳಬೇಕಿಲ್ಲ. ರಾಜ ಚಂದ್ರಗುಪ್ತನ ಹಿಂದಿದ್ದ ಮಹಾನ್ ಶಕ್ತಿ ಅವರೇ ಎಂಬುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಇಷ್ಟೇ ಅಲ್ಲದೇ ಚಾಣಕ್ಯರು ಮನುಷ್ಯನ ಜೀವನಕ್ಕೆ ಅಗತ್ಯವಾದ ಕೆಲ ನಿಯಮಗಳನ್ನು ಸಹ ಹಾಕಿಕೊಟ್ಟಿದ್ದಾರೆ.

ಅವರು ಹೇಳಿದಂತೆ ಜೀವನ ನಡೆಸುವುದರಿಂದ ಯಶಸ್ಸು ಮಾತ್ರವಲ್ಲದೇ ನೆಮ್ಮದಿ ಸಹ ಸಿಗುತ್ತದೆ ಎಂದರೆ ತಪ್ಪಲ್ಲ. ಹಾಗೆಯೇ ಚಾಣಕ್ಯರ ಪ್ರಕಾರ ನಾವು ನಮ್ಮ ಬಗ್ಗೆ ಕೆಲವೊಂದು ವಿಚಾರಗಳನ್ನು ಇತರರ ಬಳಿ ಹಂಚಿಕೊಳ್ಳಬಾರದಂತೆ.

ಹೌದು, ನಮ್ಮ ರಹಸ್ಯಗಳನ್ನು ನಾವು ಬೇರೆಯವರಿಗೆ ಹೇಳಿಕೊಳ್ಳುವುದರಿಂದ ನಮಗೆ ಸಮಸ್ಯೆಗಳು ಬರಬಹುದು ಎನ್ನಲಾಗುತ್ತದೆ. ಅಷ್ಟೇ ಅಲ್ಲದೇ, ನಮಗೆ ಯಶಸ್ಸು ಸಹ ಸಿಗುವುದಿಲ್ಲ ಎನ್ನುವುದು ಚಾಣಕ್ಯರ ಮಾತು.

ಹಣ: ಹಣಕ್ಕೆ ಸಂಬಂಧಿಸಿದ ಯಾವುದೇ ಮಾಹಿತಿಯನ್ನು ಇತರರಿಗೆ ನಾವು ಹೇಳಬಾರದು ಎಂದು ಚಾಣಕ್ಯ ನೀತಿಶಾಸ್ತ್ರದಲ್ಲಿ ಹೇಳಿದ್ದಾರೆ. ನಿಮ್ಮ ಹಣದ ಸಮಸ್ಯೆ ಬಗ್ಗೆ ಜನರ ಬಳಿ ಹೇಳಿಕೊಂಡರೆ ನಿಮ್ಮ ಗೌರವ ಕಡಿಮೆ ಆಗುತ್ತದೆ, ಮಾತ್ರವಲ್ಲದೇ ಯಾರೂ ಸಹ ಸಹಾಯ ಮಾಡಲು ಬರುವುದಿಲ್ಲ. ನಿಮ್ಮನ್ನ ಅಪಹಾಸ್ಯ ಮಾತ್ರ ಮಾಡುತ್ತಾರೆ ಎನ್ನಲಾಗುತ್ತದೆ.

ದುಃಖ, ವೈಯಕ್ತಿಕ ರಹಸ್ಯಗಳು: ಚಾಣಕ್ಯನ ಪ್ರಕಾರ, ಒಬ್ಬ ವ್ಯಕ್ತಿಯು ಯಾವುದೇ ರೀತಿಯ ದುಃಖವನ್ನು ಬೇರೆಯವರ ಜೊತೆ ಹಂಚಿಕೊಳ್ಳಬಾರದು. ಹಾಗೆಯೇ ನಮ್ಮ ವೈಯಕ್ತಿಕ ಸಂಗತಿಯನ್ನು ಸಹ ನಾವು ಎಂದಿಗೂ ಯಾರಿಗೂ ಹೇಳಬಾರದು. ಏಕೆಂದರೆ, ಆ ವ್ಯಕ್ತಿ ನಿಮ್ಮ ರಹಸ್ಯವನ್ನು ಇತರರಿಗೆ ಹೇಳಬಹುದು ಅಥವಾ ಅದನ್ನು ಜೋಕ್ ಮಾಡಿ ನಗಬಹುದು.

ಗೌರವ ಕಡಿಮೆ ಮಾಡುವ ವಿಷಯಗಳು: ನಿಮ್ಮ ಗೌರವ ಕಡಿಮೆ ಮಾಡುವ ಯಾವುದೇ ವಿಚಾಋವನ್ನೂ ಸಹ ಎಂದಿಗೂ ಯಾರಿಗೂ ಹೆಳಬಾರದು. ಹಾಗೆಯೇ ಯಾರಾದರೂ ನಿಮ್ಮನ್ನ ಹೊಗಳಿದರೆ ಅಥವಾ ತೆಗಳಿದರು ಸಹ ಅದನ್ನು ಮನಸ್ಸಿನಲ್ಲಿ ಇಟ್ಟುಕೊಳ್ಳುವುದು ಉತ್ತಮ. ಇಲ್ಲದಿದ್ದರೆ ನಿಮ್ಮ ಗೌರವ ಎಲ್ಲರ ಮುಂದೆ ಕಡಿಮೆ ಆಗಬಹುದು.

ತಪ್ಪುಗಳ ಬಗ್ಗೆ : ಚಾಣಕ್ಯನ ತತ್ವಗಳ ಪ್ರಕಾರ, ನೀವು ಮಾಡಿದ ತಪ್ಪುಗಳ ಬಗ್ಗೆ ಯಾರಿಗೂ ಹೇಳಬಾರದಂತೆ. ಇದನ್ನು ಅವರು ದುರ್ಬಳಕೆ ಮಾಡಿಕೊಳ್ಳಬಹುದು. ಅಲ್ಲದೇ, ಮುಂದಿನ ದಿನಗಳಲ್ಲಿ ನಿಮಗೆ ಇದರಿಂದ ಸಮಸ್ಯೆ ಸಹ ಆಗಬಹುದು. ಹಾಗಾಗಿ ಯಾರಿಗೂ ನಿಮ್ಮ ಬಗ್ಗೆ ಹೇಳಿಕೊಳ್ಳಬೇಡಿ.