ಕುಕ್ಕೆ ಸುಬ್ರಹ್ಮಣ್ಯದಲ್ಲಿ ಷಷ್ಠಿ ಸಂಭ್ರಮ; ಇಲ್ಲಿದೆ ಬ್ರಹ್ಮರಥೋತ್ಸವದ ಚಿತ್ರಗಳು

ಕುಕ್ಕೆ ಸುಬ್ರಹ್ಮಣ್ಯದಲ್ಲಿ ನಡೆಯುವ ಚಂಪಾಷಷ್ಠಿ ಬಲು ವಿಶೇಷ. ಈ ಚಂಪಾ ಷಷ್ಠಿಯಲ್ಲಿ ಭಾಗಿಯಾಗಲು ಸುಬ್ರಹ್ಮಣ್ಯನ ಭಕ್ತರು ದೂರದೂರಿಗಳಿಂದು ಇಂದು ಕುಕ್ಕೆಗೆ ಆಗಮಿಸಿ, ವಿಶೇಷ ಸೇವೆ ನಡೆಸಿ ಬ್ರಹ್ಮರಥೋತ್ಸವದಲ್ಲಿ ಭಾಗಿಯಾಗುತ್ತಾರೆ.

ಸುಬ್ರಹ್ಮಣ್ಯ ಷಷ್ಠಿ ಸಂದರ್ಭದಲ್ಲಿ ಇಲ್ಲಿ ಆಚರಿಸುವ ಮಡೆಸ್ನಾನ ಸಾಕಷ್ಟು ಹೆಸರು ಪಡೆದಿದೆ. ಇಷ್ಟಾರ್ಥ ಸಿದ್ಧಿಗಾಗಿ ಭಕ್ತರು ಹರಸಿಕೊಂಡು ದೇವಾಲಯದಲ್ಲಿ ಉರುಳು ಸೇವೆಯನ್ನು ಮಾಡುತ್ತಾರೆ.

ಷಷ್ಠಿ ಅಂಗವಾಗಿ ದೇವರ ರಥೋತ್ಸವ ನಡೆಸಲಾಗುವುದು. ಬೆಳಗಿನ ಜಾವದ ಸಮಯದಲ್ಲಿ ಧಾರ್ಮಿಕ ವಿಧಿ ಅನುಸಾರವಾಗಿ ಇಲ್ಲಿ ಹೂವಿನಿಂದ ಅಲಂಕೃತಗೊಂಡ ತೇರನ್ನು ಎಳೆಯಲಾಗುವುದು. ಈ ರಥೋತ್ಸವದಲ್ಲಿ ಭಾಗಿಯಾಗಲು ಇಲ್ಲಿಗೆ ಸುಬ್ರಹ್ಮಣ್ಯನ ಭಕ್ತರು ಆಗಮಿಸುತ್ತಾರೆ

ಕುಕ್ಕೆ ಸುಬ್ರಹ್ಮಣ್ಯ ದೇವಾಲಯದಲ್ಲಿ ತಲೆ ತಲಾಂತರದಿಂದ ಈ ಆಚರಣೆ ನಡೆಸಲಾಗುತ್ತಿದ್ದು, ಈ ರಥೋತ್ಸವದಲ್ಲಿ ತೇರು ಏಳೆದರೆ ಇಷ್ಟಾರ್ಥ ಫಲಿಸುತ್ತದೆ ಎಂಬ ನಂಬಿಕೆ ಇದೆ.

ಇನ್ನು ಈ ಸುಬ್ರಹ್ಮಣ್ಯ ರಥೋತ್ಸವದ ವಿಶೇಷ ಎಂದರೇ, ಇಲ್ಲಿ ಹೂವಿನ ತೇರಿನಲ್ಲಿ ಕೇವಲ ಸುಬ್ರಹ್ಮಣ್ಯನ ತೇರು ಇಲ್ಲಿನ ಕಾಶಿ ಕಟ್ಟ ಶ್ರೀ ಮಹಾ ಗಣಪತಿ ಸನ್ನಿಧಿಯಲ್ಲಿ ಸಂಪನ್ನ ಮಾಡಲಾಗುವುದು.

ಇನ್ನು ಚಂಪಾ ಷಷ್ಠಿಯ ಸಂದರ್ಭದಲ್ಲಿ ಜಾತ್ರಾ ಸಂದರ್ಭದಲ್ಲಿ ಅಧಿಕ ಸಂಖ್ಯೆಯಲ್ಲಿ ಭಕ್ತಾಧಿಗಳು ಈ ಸೇವೆಯನ್ನು ಮಾಡುವ ಮೂಲಕ ದೇವರನ್ನು ಒಲಿಸಲು ಬೇಡಿಕೊಳ್ಳುತ್ತಾರೆ. ಶ್ರೀಕ್ಷೇತ್ರದಿಂದ 2. 5 ಕಿಲೋ ಮೀಟರ್ ದೂರದಲ್ಲಿರುವ ಕುಮಾರಧಾರ ನದಿಯಲ್ಲಿ ಸ್ನಾನಮಾಡಿ, ಬೀದಿಯಲ್ಲಿ ಉರುಳು ಸೇವೆ ಮಾಡುವುದು ಇದರ ವಿಶೇಷ .

ಕಾರ್ತಿಕೇಯ ಮುರುಗನ್​, ಸ್ಕಂದ, ವೇಲನ್​​ ಕುಮಾರನ್​ ಎಂದು ವಿವಿಧ ನಾಮಧೇಯಗಳಿಂದ ಕರೆಯುವ ಸುಬ್ರಹ್ಮಣ್ಯನನ್ನು ಆರಾಧನೆಯನ್ನು ಕರ್ನಾಟಕ, ತಮಿಳುನಾಡು, ಆಂಧ್ರ ಪ್ರದೇಶ ಸೇರಿದಂತೆ ವಿವಿಧ ರಾಜ್ಯಗಳಲ್ಲಿ ಮಾಡಲಾಗುವುದು

ಸುಬ್ರಹ್ಮಣ್ಯದಲ್ಲಿ ನೆಲೆ ನಿಂತಿರುವ ಕಾರ್ತಿಕೇಯ ಸ್ವಾಮಿಯನ್ನ ನಾಗ ರೂಪದಲ್ಲಿ ಪೂಜೆ ಮಾಡಲಾಗುತ್ತದೆ.. ಸರ್ಪದೋಷದಿಂದ ಬಳಲುವವರು ಇಲ್ಲಿ ಎರಡು ದಿನಗಳ ಕಾಲ ತಂಗಿ ಸೇವೆ ಕೈಗೊಂಡರೆ ದೋಷ ಪರಿಹಾರವಾಗುತ್ತದೆ ಎಂಬ ನಂಬಿಕೆಯೂ ಇದೆ