Astrology: ಈ ರಾಶಿಯವವರಿಗೆ ಕೆಂಪು ಬಣ್ಣದ ಕಾರು ಲಕ್ಕಿ, ಉಳಿದ ರಾಶಿಗೆ ಯಾವ ಕಲರ್ ಸೂಟ್​ ಆಗುತ್ತೆ?

ಮೇಷ ರಾಶಿ: ಈ ರಾಶಿಯವರು ಬಹಳ ಧೈರ್ಯವಂತರು. ಇವರು ಕೆಂಪು, ಹಳದಿ, ಕೇಸರಿ ಮತ್ತು ಕಿತ್ತಳೆ ಬಣ್ಣದ ಕಾರುಗಳನ್ನು ಆಯ್ಕೆ ಮಾಡಿದರೆ ಅದೃಷ್ಟವನ್ನು ತರುತ್ತದೆ ಎಂದು ಹೇಳಲಾಗುತ್ತದೆ.  ಹಾಗಾಗಿ ಕಾರು ಖರೀದಿ ಮಾಡುವಾಗ ಈ ಬಣ್ಣದ ಶೇಡ್​ಗಳನ್ನು ಆಯ್ಕೆ ಮಾಡಿ.

ವೃಷಭ ರಾಶಿ: ಈ ರಾಶಿಯವರಿಗೆ ಆರಾಮದಾಯಕವಾಗಿರಬೇಕು ಎನ್ನುವ ಆಸೆ ಹೊಂದಿರುತ್ತಾರೆ. ಅಲ್ಲದೇ ಈ ರಾಶಿಯವರಿಗೆ ಬಿಳಿ, ಹಸಿರು ಮತ್ತು ಕಪ್ಪು ಮತ್ತು ಈ ಬಣ್ಣಗಳ ಮಿಶ್ರಣದ ಕಾರು ಅದೃಷ್ಟ ತರುತ್ತದೆ.

ಮಿಥುನ ರಾಶಿ: ಈ ರಾಶಿಯವರು ಬಹಳ ಬುದ್ದಿವಂತರು ಎಂದು ಹೆಸರು ಪಡೆದಿದ್ದಾರೆ. ಇವರಿಗೆ ಸಂಬಂಧಗಳ ಪ್ರಾಮುಖ್ಯತೆ ಅರಿವಿದೆ. ಮಿಥುನ ರಾಶಿಯವರು ಕೆಂಪು, ಹಸಿರು, ಬೂದು ಬಣ್ಣಗಳ ಕಾರನ್ನು ಖರೀದಿ ಮಾಡುವುದು ಉತ್ತಮ.

ಕರ್ಕಾಟಕ ರಾಶಿ: ಈ ರಾಶಿಯವರು ಭಾವನೆಗಳಿಗೆ ಬಹಳ ಬೆಲೆ ಕೊಡುತ್ತಾರೆ. ಕಟಕ ರಾಶಿಯವರು ಕಾರು ಖರೀದಿ ಮಾಡುವುದಾದರೆ ಬಿಳಿ, ಕೆಂಪು ಮತ್ತು ಹಳದಿ ಬಣ್ಣ ಸೂಕ್ತವಾಗುತ್ತದೆ.

ಸಿಂಹ ರಾಶಿ: ಸಿಂಹ ರಾಶಿಯವರಿಗೆ ತಮ್ಮ ಬಗ್ಗೆ ಬಹಳ ಹೆಮ್ಮೆ ಇರುತ್ತದೆ. ಅಲ್ಲದೇ, ಅವರಿಗೆ ಗಾಢವಾದ ಬಣ್ಣ ಎಂದರೆ ಇಷ್ಟ. ಆದರೆ ಕೆಂಪು, ಹಳದಿ, ಕೇಸರಿಯಂತಹ ಗಾಢ ಬಣ್ಣಗಳ ಜೊತೆ ಈ ರಾಶಿಯವರಿಗೆ ಬಿಳಿ ಬಣ್ಣದ ಕಾರು ಅದೃಷ್ಟ ತರುತ್ತದೆ.

ಕನ್ಯಾ ರಾಶಿ: ಕನ್ಯಾ ರಾಶಿಯವರು ಬಹಳ ವಿಚಾರವಂತರು ಎಂದು ಹೆಸರು ಪಡೆದಿದ್ದಾರೆ. ಬಹಳ ಶಾಂತ ಸ್ವಭಾವದವರು ಸಹ ಹೌದು, ಈ ರಾಶಿಯವರಿಗೆ ಕೆಂಪು, ಹಸಿರು ಮತ್ತು ಬೂದು ಬಣ್ಣದ ಕಾರು ಬಹಳ ಉತ್ತಮ ಎನ್ನಲಾಗುತ್ತದೆ.

ತುಲಾ ರಾಶಿ: ತುಲಾ ರಾಶಿಯವರು ಬಹಳ ವಿಭಿನ್ನವಾಗಿ ಆಲೋಚನೆ ಮಾಡುವವರು. ಅವರಿಗೆ ಎಲ್ಲವೂ ಡಿಫರೆಂಟ್​ ಆಗಿಯೇ ಬೇಕು. ಕಾರನ್ನು ಸಹ ಅವರು ಅದೇ ರೀತಿ ಹುಡುಕುತ್ತಾರೆ. ಆದರೆ ಅವರಿಗೆ ಣ್ಣಗಳು ಬಿಳಿ, ಬೂದು ಮತ್ತು ಕಪ್ಪು ಬಣ್ಣದ ಕಾರು ಬಹಳ ಲಕ್ಕಿ.

ವೃಶ್ಚಿಕ ರಾಶಿ: ಬಹುತೇಕ ಎಲ್ಲಾ ವಿಚಾರಗಳ ಬಗ್ಗೆ ಅರಿವು ಇರುವ ಈ ರಾಶಿಯವರಿಗೆ ಇನ್ನೂ ಹೊಸ ವಿಚಾರಗಳನ್ನು ಕಲಿಯುವ ಬಯಕೆ ಇರುತ್ತದೆ. ಹೊಸ ಕಾರು ಖರೀದಿಸುವಾಗ ಸಹ ಹೊಸದನ್ನು ಹುಡುಕುತ್ತಾರೆ. ಇನ್ನು ಈ ರಾಶಿಯವರಿಗೆ ಕೆಂಪು, ಹಳದಿ, ಕೇಸರಿ ಮತ್ತು ಕಂದು ಬಣ್ಣದ ಕಾರು ಒಳ್ಳೆಯದು.

ಧನು ರಾಶಿ: ಜ್ಯೋತಿಷ್ಯಶಾಸ್ತ್ರದ ಪ್ರಕಾರ ಧನು ರಾಶಿಯವರಿಗೆ ಕೆಂಪು, ಹಳದಿ ಮತ್ತು ಬಿಳಿಯ ಬಣ್ಣದ ಕಾರುಗಳು ಅದೃಷ್ಟ ತರುತ್ತದೆ. ಕಾರನ್ನು ಖರೀದಿ ಮಾಡುವಾಗ ಈ 3 ಬಣ್ಣದ ಯಾವುದೇ ಶೇಡ್​ಗಳನ್ನು ಸಹ ತೆಗೆದುಕೊಳ್ಳಬಹುದು.

ಮಕರ ರಾಶಿ: ಈ ರಾಶಿಯವರು ನಂಬಿಕೆಗೆ ಬಹಳ ಅರ್ಹರು ಎನ್ನಲಾಗುತ್ತದೆ. ಅವರ ಗುಣಕ್ಕೆ ಅನುಸಾರವಾಗಿ ಅವರು ನೀಲಿ, ಹಸಿರು ಮತ್ತು ಹಳದಿ ಬಣ್ಣದ ಕಾರು ಖರೀದಿ ಮಾಡಿದರೆ ಒಳ್ಳೆಯದಾಗುತ್ತಂತೆ.

ಕುಂಭ ರಾಶಿ: ಕುಂಭ ರಾಶಿಯವರು ಆತುರಪಡದೇ ನೀಲಿ, ಹಸಿರು, ಬಿಳಿ ಮತ್ತು ಕಪ್ಪು ಬಣ್ಣದ ಕಾರುಗಳನ್ನು ಮಾತ್ರ ಖರೀದಿ ಮಾಡಿದರೆ ಅವರ ಜೀವನದಲ್ಲಿ ಉತ್ತಮ ಬೆಳವಣಿಗೆ ಆಗುತ್ತದೆ. ಅಲ್ಲದೇ ವಾಹನದಿಂದ ಸಹ ಯಾವುದೇ ಸಮಸ್ಯೆ ಆಗುವುದಿಲ್ಲ.

ಮೀನ ರಾಶಿ: ಕೆಂಪು, ಹಳದಿ ಅಥವಾ ಕೇಸರಿ ಬಣ್ಣದ ಕಾರನ್ನು ಮೀನಾ ರಾಶಿಯವರು ಖರೀದಿ ಮಾಡಬೇಕು ಎನ್ನಲಾಗುತ್ತದೆ. ಇದರಿಂದ ಅವರಿಗೆ ಬಹಳ ಪ್ರಯೋಜನಗಳಿದೆ.