Budh Gochar: ಈ ರಾಶಿಯ ಜನರ ಜೀವನದಲ್ಲಿ ಮುಂದಿನ ವಾರ ಅನಿರೀಕ್ಷಿತ ಬೆಳವಣಿಗೆ ಆಗಲಿದೆಯಂತೆ

ಜ್ಯೋತಿಷ್ಯದ ಪ್ರಕಾರ, ಗ್ರಹವು ತನ್ನ ರಾಶಿಯನ್ನು ಬದಲಾಯಿಸಿದಾಗ, ಅದು ಮನುಷ್ಯನ ಜೀವನದ ಮೇಲೆ ನೇರವಾಗಿ ಪರಿಣಾಮ ಬೀರುತ್ತದೆ. ಅಲ್ಲದೆ ಗ್ರಹಗಳು ಆಗಾಗ ಏರುವುದು ಹಾಗೂ ಇಳಿಯುವುದನ್ನ ಸಹ ಮಾಡುತ್ತವೆ. ಹಾಗೆಯೇ ಈ ಜನವರಿ 12 ರಂದು ಬುಧನು ಧನು ರಾಶಿಯಲ್ಲಿ ಉದಯಿಸುತ್ತಿದ್ದು, ಈ ಸಮಯದಲ್ಲಿ ಧನು ರಾಶಿ ಗುರುಗ್ರಹದ ರಕ್ಷಣೆಯಲ್ಲಿ ಇರುತ್ತದೆ.

ಜ್ಯೋತಿಷ್ಯದಲ್ಲಿ, ಬುಧ ಮತ್ತು ಗುರು ಸ್ನೇಹಿತರು ಎಂದು ಹೇಳಲಾಗುತ್ತದೆ. ಅದಕ್ಕಾಗಿಯೇ ಬುಧ ಗ್ರಹದ ಸ್ಥಾನ ಬದಲಾವಣೆ ಮುಖ್ಯವಾಗಿ 3 ರಾಶಿಗಳಿಗೆ ಬಹಳ ಲಾಭ ನೀಡುತ್ತದೆ. ಅಲ್ಲದೇ ಈ ಸಮಯದಲ್ಲಿ ಅವರ ಜೀವನದಲ್ಲಿ ಅನಿರೀಕ್ಷಿತ ಬದಲಾವಣೆಯಾಗುವ ಸಾಧ್ಯತೆ ಇರುತ್ತದೆ.

ಸಿಂಹ ರಾಶಿ: ನಿಮ್ಮದು ಸಿಂಹ ರಾಶಿಯಾಗಿದ್ದರೆ ಈ ಬುಧ ಗ್ರಹದ ಕಾರಣದಿಂದ ನಿಮಗೆ ಆರ್ಥಿಕವಾಗಿ ಹೆಚ್ಚು ಲಾಭವಾಗುತ್ತದೆ. ಏಕೆಂದರೆ ಬುಧನು ನಿಮ್ಮ ಜಾತಕದಲ್ಲಿ ಐದನೇ ಮನೆಯಲ್ಲಿ ಇರುತ್ತಾನೆ. ಈ ಮನೆಯನ್ನು ಸಂತಾನ, ಉನ್ನತ ಶಿಕ್ಷಣ ಮತ್ತು ಪ್ರೇಮ ಸಂಬಂಧಕ್ಕೆ ಸಂಬಂಧಿಸಿದ ಮನೆ ಎನ್ನಲಾಗುತ್ತದೆ.

ಈ ಸಮಯದಲ್ಲಿ ಪ್ರೀತಿಗೆ ಸಂಬಂಧಿಸಿದ ವಿಚಾರದಲ್ಲಿ ಸಹ ಸಮಸ್ಯೆಗಳು ಬರದೇ ಪೋಷಕರ ಒಪ್ಪಿಗೆ ಸಿಗುತ್ತದೆ. ಮಕ್ಕಳ ಕಡೆಯಿಂದ ಒಳ್ಳೆಯ ಸುದ್ದಿ ಬರಬಹುದು. ಕೆಲಸ ಸಿಗಬಹುದು ಅಥವಾ ಮದುವೆಯ ಬಗ್ಗೆ ಮಾತನಾಡಬಹುದು. ಉದ್ಯೋಗಾಕಾಂಕ್ಷಿಗಳಿಗೆ ಕೆಲಸ ಸಿಗುವ ಸಾಧ್ಯತೆ ಇದೆ.

ವೃಶ್ಚಿಕ: ವೃಶ್ಚಿಕ ರಾಶಿಯವರ ಎರಡನೇ ಮನೆಯಲ್ಲಿ ಬುಧ ಇರಲಿದ್ದು, ಇದನ್ನು ಹಣ ಮತ್ತು ಮಾತಿನ ಮನೆ ಎಂದು ಪರಿಗಣಿಸಲಾಗುತ್ತದೆ. ಇದರಿಂದ ಆರ್ಥಿಕವಾಗಿ ಲಾಭ ಆಗುವುದಲ್ಲದೇ ನಿಮ್ಮ ಮಾತಿನ ಮೂಲಕ ಸಹ ನಿಮಗೆ ಪ್ರಯೋಜನ ಸಿಗುತ್ತದೆ.

ಹಣಕಾಸಿನ ವಿಷಯಗಳಲ್ಲಿ ಪ್ರಗತಿ ಇರುತ್ತದೆ. ಮತ್ತೊಂದೆಡೆ, ಮಾಧ್ಯಮ, ಸಿನಿಮಾ, ಶಿಕ್ಷಣ ಮುಂತಾದ ಮಾತಿನ ಸಂಬಂಧಿತ ವೃತ್ತಿಗಳನ್ನು ಮಾಡುತ್ತಿರುವವರಿಗೆ ಈ ಸಮಯ ಅದೃಷ್ಟ ಎನ್ನಬಹುದು.

ಮೀನ ರಾಶಿ: ಈ ಮೀನ ರಾಶಿಯವರಿಗೆ 2023 ಬಹಳ ಉತ್ತಮವಾದ ವರ್ಷ ಎನ್ನಬಹುದು. ಅದರಲ್ಲೂ ಬುಧನ ಸ್ಥಾನ ಬದಲಾವಣೆ ಆಗುವಾಗ ದೀರ್ಘಕಾಲದವರೆಗೆ ನಿಲ್ಲಿಸಿದ ವ್ಯವಹಾರದಿಂದ ಲಾಭ ಸಹ ಪಡೆಯುವ ಸಾಧ್ಯತೆ ಇದೆ. ವ್ಯವಹಾರದಲ್ಲಿ ಹೊಸ ಒಪ್ಪಂದ ಮಾಡಿಕೊಳ್ಳಬಹುದು. ನ್ಯಾಯಾಲಯದ ಪ್ರಕರಣಗಳನ್ನು ಗೆದ್ದು ಬೀಗುವ ಸಾಧ್ಯತೆ ಸಹ ಇದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)