Vastu Tips: ಪೊರಕೆಯನ್ನು ಹೀಗೆ ಯೂಸ್ ಮಾಡಿದ್ರೆ ನೀವು ಶ್ರೀಮಂತರಾಗೋದು ಗ್ಯಾರಂಟಿ

ಹಿಂದೂ ಧರ್ಮದಲ್ಲಿ ಪೊರಕೆಯನ್ನು ಲಕ್ಷ್ಮಿ ದೇವಿಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ವಾಸ್ತು ಶಾಸ್ತ್ರದಲ್ಲಿ ಪೊರಕೆಯ ಬಗ್ಗೆ ಅನೇಕ ನಿಯಮಗಳಿದ್ದು, ಅದನ್ನು ಬಳಕೆ ಮಾಡುವಾಗ ಆ ನಿಯಮಗಳನ್ನು ಫಾಲೋ ಮಾಡಬೇಕು. ಮನೆಯಲ್ಲಿ ಪೊರಕೆಯನ್ನು ಸರಿಯಾಗಿ ಬಳಸದಿದ್ದರೆ ವಿವಿಧ ವಾಸ್ತು ದೋಷಗಳು ಉಂಟಾಗುತ್ತವೆ.

ಅಲ್ಲದೆ ಮನೆಯಲ್ಲಿನ ನೆಮ್ಮದಿ ಕಳೆದು ಹೋಗುತ್ತದೆ. ಆದ್ದರಿಂದ ನೀವು ಈ ಎಲ್ಲಾ ಸಮಸ್ಯೆಗಳಿಂದ ಪರಿಹಾರ ಪಡೆಯಲು ಮತ್ತು ಆದಾಯದ ಹೊಸ ಮಾರ್ಗಗಳನ್ನು ಹುಡುಕಲು ನೀವು ಪೊರಕೆಗೆ ಸಂಬಂಧಿಸಿದ ಕೆಲವು ಪರಿಣಾಮಕಾರಿ ನಿಯಮಗಳನ್ನು ಪಾಲಿಸಬೇಕು.

ಶನಿವಾರದಂದು ಹೊಸ ಪೊರಕೆ ಕೊಳ್ಳಬೇಡಿ: ಶನಿಯಿಂದ ಎಷ್ಟೆಲ್ಲಾ ಸಮಸ್ಯೆಗಳಾಗುತ್ತದೆ ಎಂಬುದು ಇಲ್ಲಿದೆ. ಶನಿ ಸಾಡೇಸತಿ ಅಥವಾ ಮಹಾದಶ ಇದ್ದರೆ ಶನಿವಾರದಂದು ಹೊಸ ಪೊರಕೆ ಕೊಳ್ಳಬೇಡಿ. ಹೀಗೆ ಮಾಡುವುದರಿಂದ ಶನಿದೇವನಿಗೆ ಕೋಪ ಬರುತ್ತದೆ.

ಪೊರಕೆಗೆ ಬಿಳಿ ದಾರವನ್ನು ಕಟ್ಟಬೇಕು: ಮಂಗಳವಾರ, ಶನಿವಾರ ಮತ್ತು ಭಾನುವಾರದಂದು ಪೊರಕೆಯನ್ನು ಖರೀದಿಸುವುದು ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಅದೇ ರೀತಿ ಹೊಸ ಪೊರಕೆಯನ್ನು ತಂದ ನಂತರ ಅದರ ಮೇಲ್ಭಾಗದಲ್ಲಿ ಬಿಳಿ ದಾರವನ್ನು ಕಟ್ಟಬೇಕು. ಹೀಗೆ ಮಾಡುವುದರಿಂದ ಲಕ್ಷ್ಮಿ ದೇವಿಯು ಮನೆಯಲ್ಲಿ ಶಾಶ್ವತವಾಗಿ ನೆಲೆಸುತ್ತಾಳೆ.

ಪೊರಕೆಯನ್ನು ತುಳಿಯಬೇಡಿ: ಪೊರಕೆಯನ್ನು ಯಾವಾಗಲೂ ಗೌರವಿಸಬೇಕು. ಆದ್ದರಿಂದ ಅದನ್ನು ತುಳಿಯಬೇಡಿ. ನೀವು ಪೊರಕೆಯನ್ನು ಗೌರವಿಸಿದರೆ, ತಾಯಿ ಲಕ್ಷ್ಮಿ ದೇವಿಯು ಪ್ರಸನ್ನಳಾಗುತ್ತಾಳೆ ಮತ್ತು ಆರ್ಥಿಕವಾಗಿ ನಿಮಗೆ ಆದಾಯ ಹೆಚ್ಚಾಗುತ್ತದೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ ಪೊರಕೆಯಿಂದ ಕಸ ಗುಡಿಸುವುದರಿಂದ ಮನೆಯಿಂದ ಬಡತನ ದೂರವಾಗುತ್ತದೆ.

ಪೊರಕೆಯನ್ನು ಎಸೆಯಬೇಡಿ: ಹಳೆಯ ಪೊರಕೆಯನ್ನು ಎಂದಿಗೂ ಎಸೆಯಬೇಡಿ. ಶನಿವಾರದಂದು ಮಾತ್ರ ಪೊರಕೆಯನ್ನು ಮನೆಯಿಂದ ಹೊರಗೆ ಹಾಕಬಹುದು. ಹೀಗೆ ಮಾಡುವುದರಿಂದ ಬಡತನ ದೂರವಾಗುತ್ತದೆ ಮತ್ತು ಸಂಪತ್ತಿನ ಆಗಮನಕ್ಕೆ ಹೊಸ ಬಾಗಿಲು ತೆರೆಯುತ್ತದೆ.

ಶುಕ್ರವಾರವನ್ನು ತಾಯಿ ಲಕ್ಷ್ಮಿ ದೇವಿಯ ದಿನವೆಂದು ಪರಿಗಣಿಸಲಾಗುತ್ತದೆ, ಆದ್ದರಿಂದ ಈ ದಿನ ಪೊರಕೆಯನ್ನು ಮನೆಯಿಂದ ಎಸೆಯಬೇಡಿ. ಇದರಿಂದ ತಾಯಿ ಲಕ್ಷ್ಮಿಯು ನಿಮ್ಮ ಮೇಲೆ ಕೋಪಗೊಳ್ಳುತ್ತಾಳೆ ಎನ್ನಲಾಗುತ್ತದೆ. (Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)