Vastu Tips: ಈ ಒಂದು ಎಲೆ ಇದ್ರೆ ಸಾಕು ನಿಮ್ಮ ಕಷ್ಟ ಮಾಯವಾಗುತ್ತೆ

ವೀಳ್ಯದೆಲೆ ಧಾರ್ಮಿಕವಾಗಿ ಮತ್ತು ರುಚಿಗೆ ಬಹಳ ಮುಖ್ಯವೆಂದು ಪರಿಗಣಿಸಲಾಗಿದೆ. ಪೂಜೆ ಮಾಡುವಾಗ ಎಲೆಗಳ ಬಳಕೆಯನ್ನು ಪವಿತ್ರವೆಂದು ಪರಿಗಣಿಸಲಾಗುತ್ತದೆ. ಆದ್ದರಿಂದ, ಜ್ಯೋತಿಷ್ಯಶಾಸ್ತ್ರದ ಪ್ರಕಾರ, ವೀಳ್ಯದೆಲೆಯು ಕೆಲಸ ಅಥವಾ ವ್ಯವಹಾರದಲ್ಲಿ ಯಶಸ್ಸನ್ನು ತರಲು ಸಹಾಯ ಮಾಡುತ್ತದೆ. ಆರ್ಥಿಕ ಸಮಸ್ಯೆಗಳನ್ನು ನಿವಾರಿಸಲು ಸಹ ಸಹಾಯ ಮಾಡುತ್ತದೆ.

ಕೆಲಸದಲ್ಲಿ ಯಶಸ್ಸು ಪಡೆಯಲು ಮಂಗಳವಾರ ಅಥವಾ ಶನಿವಾರದಂದು ಹನುಮಂತನಿಗೆ ಈ ಎಲೆಗಳನ್ನು ಅರ್ಪಿಸಿ. ಹನುಮಂತನಿಗೆ ವೀಳ್ಯದೆಲೆ ಎಂದರೆ ತುಂಬಾ ಇಷ್ಟ. ಆದ್ದರಿಂದ ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಈ ಪರಿಹಾರವನ್ನು ಮಾಡುವುದರಿಂದ ನಿಮ್ಮ ಕೆಲಸಕ್ಕೆ ಹೆಚ್ಚು ಸಮಸ್ಯೆ ಅಡ್ಡಿಯಾಗುವುದಿಲ್ಲ. ನೀವು ಬಯಸಿದ ಯಶಸ್ಸನ್ನು ಪಡೆಯುತ್ತೀರಿ.

ನೀವು ಬಹಳ ದಿನಗಳಿಂದ ಉದ್ಯೋಗವನ್ನು ಹುಡುಕುತ್ತಿದ್ದೀರಾ? ಇನ್ನೂ ವಿಫಲವಾದರೆ ಭಾನುವಾರದಂದು ನೀವು ಹೊರಗೆ ಹೋಗುವಾಗ ನಿಮ್ಮ ಜೇಬಿನಲ್ಲಿ ಅಥವಾ ಪರ್ಸ್‌ನಲ್ಲಿ ಎಲೆಯನ್ನು ಇಟ್ಟುಕೊಳ್ಳಿ.

ಕುಟುಂಬದಲ್ಲಿ ಭಿನ್ನಾಭಿಪ್ರಾಯಗಳು ಮತ್ತು ಪರಸ್ಪರ ಪ್ರೀತಿ ಕಡಿಮೆ ಆಗಿದ್ದರೆ ಪ್ರತಿದಿನ ಸಂಜೆ ವೀಳ್ಯದೆಲೆಯಲ್ಲಿ ಕರ್ಪೂರವನ್ನು ಸುಡುವುದು ಉತ್ತಮ. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಈ ಪರಿಹಾರವನ್ನು ಮಾಡುವುದರಿಂದ ಕುಟುಂಬ ಅಥವಾ ಸಂಬಂಧಗಳಲ್ಲಿನ ಕಲಹಗಳು ದೂರವಾಗುತ್ತವೆ.

ನಿಮಗೆ ಬಹಳ ದಿನಗಳಿಂದ ಹಣದ ಸಮಸ್ಯೆ ಇದ್ದರೆ, 2 ಲವಂಗವನ್ನು ಒಂದು ಎಲೆಯಲ್ಲಿ ಸುತ್ತಿ ತುಪ್ಪದಲ್ಲಿ ಅದ್ದಿ ಈ ಎಲೆಯನ್ನು ಬೆಂಕಿಯಲ್ಲಿ ಸುಟ್ಟು ಹಾಕಿ. ಇದು ನಿಮ್ಮ ಹಣಕಾಸಿನ ಸಮಸ್ಯೆಗಳನ್ನು ಪರಿಹರಿಸುತ್ತದೆ ಎಂದು ಹೇಳಲಾಗುತ್ತದೆ.

ಹಣದ ಕೊರತೆ ನಿಮ್ಮನ್ನು ಕಾಡುತ್ತಿದ್ದರೆ ಲಕ್ಷ್ಮಿ ದೇವಿಯನ್ನು ನೀವು ಮೆಚ್ಚಿಸಬೇಕು. ಈ ವೀಳ್ಯದೆಲೆ ಬಳಸಿ ನೀವು ಈ ಸಮಸ್ಯೆಗೆ ಪರಿಹಾರ ಪಡೆಯಬಹುದು. ಪೂಜೆಯ ಸ್ಥಳದಲ್ಲಿ ಎಲೆಯನ್ನು ಲಕ್ಷ್ಮಿ ಮಾತೆಯ ಪಾದದ ಬಳಿ ಇರಡಿ. ಎಲೆಯ ಮೇಲೆ ಕಂಕುವನ್ನು ಹಾಕಿ, ಅದನ್ನು ನೀವು ಹಚ್ಚಿಕೊಳ್ಳಿ.

ವೀಳ್ಯದೆಲೆಯು ನಕಾರಾತ್ಮಕ ಶಕ್ತಿಯನ್ನು ಹೋಗಲಾಡಿಸುತ್ತದೆ. ಧನಾತ್ಮಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಆದ್ದರಿಂದ ಒಂದು ಬಾಣಲೆಯಲ್ಲಿ ಏಳು ಗುಲಾಬಿ ದಳಗಳನ್ನು ಹಾಕಿ ಅದಕ್ಕೆ ಈ ವೀಳ್ಯದೆಲೆ ಸೇರಿಸಿ ಪ್ರಾಣಿಗಳಿಗೆ ತಿನ್ನಿಸಿದರೆ ಕೆಟ್ಟ ಶಕ್ತಿ ಮನೆ ಬಿಟ್ಟು ಹೋಗುತ್ತದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)