Vastu Tips: ವೃಷಭ ರಾಶಿಯವರು ಈ ವಾಸ್ತು ಬದಲಾವಣೆ ಮಾಡಿದ್ರೆ ಅದೃಷ್ಟ ಹೆಚ್ಚಾಗುತ್ತೆ

ಪ್ರತಿಯೊಬ್ಬರಿಗೂ ಜೀವನದಲ್ಲಿ ಸಂತೋಷ ಹಾಗೂ ಸಮೃದ್ಧಿ ಬೇಕು ಎನ್ನುವ ಆಸೆ ಇರುತ್ತದೆ. ಅದಕ್ಕಾಗಿ ಕಷ್ಟಪಟ್ಟು ಕೆಲಸ ಮಾಡುತ್ತಾರೆ. ಆದರೂ ಕೆಲವರಿಗೆ ಆರೋಗ್ಯ ಸಮಸ್ಯೆಗಳು ಸೇರಿದಂತೆ ವಿವಿಧ ರೀತಿಯ ತೊಂದರೆಗಳು ಉಂಟಾಗುತ್ತದೆ.

ಅದಕ್ಕೆ ವಾಸ್ತು ದೋಷ ಸಹ ಕಾರಣವಾಗಿರಬಹುದು. ಮುಖ್ಯವಾಗಿ ರಾಶಿಗಳ ಅನುಸಾರ ಸಹ ವಾಸ್ತು ಟಿಪ್ಸ್​ ಫಾಲೋ ಮಾಡುವುದು ಅಗತ್ಯ. ಹಾಗೆಯೇ ವೃಷಭ ರಾಶಿಯವರು ಯಶಸ್ಸು ಹಾಗೂ ಸಂಪತ್ತು ಪಡೆಯಲು ಯಾವ ವಾಸ್ತು ಸಲಹೆಗಳನ್ನು ಪಾಲಿಸಬೇಕು ಎಂಬುದು ಇಲ್ಲಿದೆ.

ನಿಮ್ಮ ಮನೆಯಲ್ಲಿ ಮುಖ್ಯ ವ್ಯಕ್ತಿಯು ವೃಷಭ ರಾಶಿಯವರಾಗಿದ್ದರೆ. ನಿಮ್ಮ ಮನೆಯಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಿಕೊಳ್ಳಬೇಕು. ವೃಷಭ ಈ ರಾಶಿಯವರು ಸ್ವಾಭಾವಿಕವಾಗಿ ಹಠಮಾರಿಗಳು. ಅವರು ಸೌಂದರ್ಯ ಮತ್ತು ಕಲೆಯನ್ನು ಮೆಚ್ಚುತ್ತಾರೆ. ಅವರವರ ಮನಸ್ಥಿತಿಗೆ ತಕ್ಕಂತೆ ತಿಳಿ ಬಣ್ಣಗಳು ಅವರಿಗೆ ಹೊಂದುತ್ತವೆ. ತಮ್ಮ ಮನೆಯ ಒಳಗೋಡೆಗಳಿಗೆ ತಿಳಿ ಹಸಿರು, ಬೇಬಿ ಪಿಂಕ್ ಮುಂತಾದ ಬಣ್ಣಗಳನ್ನು ಬಳಿಯಬೇಕು.

ಮನೆ ಯಾವ ದಿಕ್ಕಿನಲ್ಲಿ ಇರುತ್ತದೆ ಎಂಬುದು ಬಹಳ ಮುಖ್ಯ. ಈ ವೃಷಭ ರಾಶಿಯವರು ಸಾಧ್ಯವಾದಷ್ಟು ಮನೆಯನ್ನು ಈಶಾನ್ಯ ದಿಕ್ಕಿನಲ್ಲಿ ಕಟ್ಟಿದರೆ ಉತ್ತಮ. ಇದರಿಂದ ಸಂಪತ್ತು ಮತ್ತು ಆರೋಗ್ಯ ಲಭಿಸುತ್ತದೆ ಎನ್ನಲಾಗುತ್ತದೆ.

ಇನ್ನು ಈ ವೃಷಭ ರಾಶಿಯವರು ತಮ್ಮ ಮನೆಯ ನೈಋತ್ಯ ಭಾಗದಲ್ಲಿ ತಮಗೇ ಬೇಕಾದ ಕಲಾಕೃತಿಗಳನ್ನು ಇಟ್ಟುಕೊಳ್ಳಬಹುದು. ಹಾಗೆಯೇ ಅವರು ಭಾರದ ವಸ್ತುಗಳನ್ನು ಈ ದಿಕ್ಕಿನಲ್ಲಿ ಮಾತ್ರ ಇಡಬೇಕು. ಇದರ ಜೊತೆಗೆ ಮನೆಯಲ್ಲಿ ಸಿಲ್ವರ್ ಪಿರಮಿಡ್ ಇದ್ದರೆ ಬಹಳ ಉತ್ತಮ.

ವೃಷಭ ರಾಶಿಯವರು ವಾಸ್ತುದೋಷದಿಂದ ಪರಿಹಾರ ಬೇಕು ಎಂದರೆ ಮೊದಲು ತುಳಸಿ ಗಿಡವನ್ನು ನೆಡಬೇಕು. ಹಾಗೆಯೇ ಮನೆಯ ಪೂಜಾ ಮಂದಿರದಲ್ಲಿ ಯಾವಾಗಲೂ ಕಮಲದ ಹೂವು ಇದ್ದರೆ ಉತ್ತಮ. ಜೊತೆಗೆ ಒಂದು ಮಲ್ಲಿಗೆ ಗಿಡ ಮನೆಯಲ್ಲಿದ್ದರೆ ಆರೋಗ್ಯ ಸಮಸ್ಯೆ ಬರುವುದಿಲ್ಲ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)