Vastu Tips: ಈ ವಾಸ್ತು ಟಿಪ್ಸ್ ಫಾಲೋ ಮಾಡಿದ್ರೆ ವೃತ್ತಿ ಜೀವನದಲ್ಲಿ ಬೆಳವಣಿಗೆ ಗ್ಯಾರಂಟಿ

ವೃತ್ತಿ ಜೀವನದಲ್ಲಿ ಸಮಸ್ಯೆ ಆದರೆ ಮಾನಸಿಕ ಒತ್ತಡ ಉಂಟಾಗುತ್ತದೆ. ಇದರಿಂದ ಸಾಲು ಸಾಲಾಗಿ ಸಮಸ್ಯೆಗಳು ಬರುತ್ತದೆ. ಅದಕ್ಕೆ ವಾಸ್ತುದೋಷಗಳು ಕಾರಣ ಎನ್ನಲಾಗುತ್ತದೆ. ಹಾಗಾಗಿ ಮನೆಯಲ್ಲಿ ಕೆಲ ಬದಲಾವಣೆ ಮಾಡುವುದು ವೃತ್ತಿ ಜೀವನದಲ್ಲಿ ಏಳಿಗೆಯಾಗಲು ಸಹಾಯ ಮಾಡುತ್ತದೆ.

ವಸ್ತುಗಳನ್ನು ಸರಿಯಾದ ದಿಕ್ಕಿನಲ್ಲಿ ಇಡುವುದರಿಂದ ಅನೇಕ ಪ್ರಯೋಜನಗಳಿವೆ ಮತ್ತು ಸರಿಯಾದ ದಿಕ್ಕಿನಲ್ಲಿ ಕುಳಿತಾಗ ಸಹ ಸಮಸ್ಯೆಗಳು ಪರಿಹಾರವಾಗುತ್ತೆ ಎಂದು ವಾಸ್ತು ಶಾಸ್ತ್ರ ವಿವರಿಸುತ್ತದೆ. ಯಶಸ್ವಿ ವೃತ್ತಿಜೀವನಕ್ಕಾಗಿ ಸಹ ಕೆಲ ವಾಸ್ತು ಸಲಹೆ ಇಲ್ಲಿದ್ದು, ನೀವೂ ಫಾಲೋ ಮಾಡಿ.

ಉದ್ಯೋಗ ಮಾಡುವವರು ಉತ್ತರ, ಪೂರ್ವ ಅಥವಾ ಈಶಾನ್ಯ ದಿಕ್ಕಿಗೆ ಮುಖಮಾಡಿ ಕುಳಿತುಕೊಳ್ಳಬಾರದು ಎಂದು ವಾಸ್ತು ಶಾಸ್ತ್ರ ಹೇಳುತ್ತದೆ. ಹೀಗಗೆ ಕೂರುವುದರಿಂದ ನಿಮ್ಮ ಕೆರಿಯರ್ ಹಾಳಾಗುತ್ತದೆ. ನೀವು ಉದ್ಯೋಗ ಕೊಡುವವರಾಗಿದ್ದಾರೆ ಕೊಠಡಿಯು ನೈಋತ್ಯ ಅಥವಾ ಪಶ್ಚಿಮ-ನೈಋತ್ಯ-ಪಶ್ಚಿಮದಲ್ಲಿರಬೇಕು. ಉದ್ಯೋಗಿಗಳು ಪೂರ್ವ, ಉತ್ತರ ಅಥವಾ ಈಶಾನ್ಯ ಕೊಠಡಿಗಳನ್ನು ಬಳಸಬಹುದು. ವಾಸ್ತು ಶಾಸ್ತ್ರದ ಪ್ರಕಾರ, ಹೊಸ ವೃತ್ತಿ ಅವಕಾಶಗಳನ್ನು ಪಡೆಯಲು ಉತ್ತರ ದಿಕ್ಕು ಅನುಕೂಲಕರವಾಗಿದೆ.

ಆಗ್ನೇಯ ದಿಕ್ಕಿನಲ್ಲಿ ದೀಪ : ಆಗ್ನೇಯ ದಿಕ್ಕಿನಲ್ಲಿ ನೈಸರ್ಗಿಕ ಸಸ್ಯಗಳು, ಹೂವುಗಳನ್ನು ಇರಿಸಿ. ನಿಮ್ಮ ವೃತ್ತಿಜೀವನದಲ್ಲಿ ಸಾಧನೆ ಮಾಡಲು ನೀವು ಆಗ್ನೇಯ ದಿಕ್ಕಿನಲ್ಲಿ ಆರೊಮ್ಯಾಟಿಕ್ ದೀಪ ಅಥವಾ ಮೇಣದಬತ್ತಿಯನ್ನು ಬೆಳಗಿಸಬಹುದು.

ಗೋಡೆ: ಪೂರ್ವ ದಿಕ್ಕು ಜ್ಞಾನವನ್ನು ಪಡೆಯಲು ಅನುಕೂಲಕರವಾಗಿದೆ ಎನ್ನಲಾಗುತ್ತದೆ. ಈಶಾನ್ಯ ದಿಕ್ಕು ಏಕಾಗ್ರತೆಯ ಸ್ಥಳ ಎಂದು ಹೆಸರು ಪಡೆದಿದೆ. ಹಾಗಾಗಿ ನೀವು ಕುಳಿತುಕೊಳ್ಳುವಾಗ ನಿಮ್ಮ ಬೆನ್ನನ್ನು ಈ ದಿಕ್ಕಿನ ಕಡೆ ಹಾಕಬೇಡಿ. ಲ್ಯಾಪ್ಟಾಪ್, ಫೋನ್ಗಳು, ಚಾರ್ಜರ್ಗಳು, ಐಪ್ಯಾಡ್ನಂತಹ ಎಲೆಕ್ಟ್ರಾನಿಕ್ ವಸ್ತುಗಳನ್ನು ಆಗ್ನೇಯ ದಿಕ್ಕಿನಲ್ಲಿ ಇಡುವುದು ಉತ್ತಮ.

ಕೆಲಸ ಅಥವಾ ಅಧ್ಯಯನ ಪ್ರದೇಶದಲ್ಲಿ ಎಂದಿಗೂ ಕನ್ನಡಿ ಇಡಬೇಡಿ. ಇದು ಗೊಂದಲಕ್ಕೆ ಕಾರಣವಾಗುತ್ತದೆ. ರೂಂ ಬಾಗಿಲು ಪೂರ್ವ, ಉತ್ತರ ಅಥವಾ ಪಶ್ಚಿಮ ದಿಕ್ಕಿನಲ್ಲಿ ಮಾತ್ರ ಇರಬೇಕು. ರೂಂನಲ್ಲಿ ಕೃತಕ ಹೂವುಗಳನ್ನು ಬಳಸಬೇಡಿ.

ಇದು ನಕಾರಾತ್ಮಕ ಶಕ್ತಿಯಲ್ಲಿ ಉತ್ತೇಜಿಸುತ್ತದೆ. ಪರ್ವತಗಳ ಚಿತ್ರಗಳನ್ನು ದಕ್ಷಿಣ ಗೋಡೆಯ ಮೇಲೆ ತೂಗು ಹಾಕಬಹುದು. ಹಾಗೆಯೇ, ದಕ್ಷಿಣಕ್ಕೆ ಕಿಟಕಿ ಇರಬಾರದು. ಕೊಠಡಿ ಪ್ರಕಾಶಮಾನವಾಗಿರಬೇಕು. ಮೇಜು, ಕುರ್ಚಿ ಮುಂತಾದ ಪೀಠೋಪಕರಣಗಳನ್ನು ಮರದಿಂದ ಮಾಡಬೇಕು. ಡೆಸ್ಕ್ ಮಾತ್ರ ಆಯತಾಕಾರದ ಅಥವಾ ಚೌಕಾಕಾರವಾಗಿರಬೇಕು. ಈ ರೀತಿ ಇದ್ದರೆ ವೃತ್ತಿ ಜೀವನದಲ್ಲಿ ಬೆಳವಣಿಗೆಯಾಗುತ್ತದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)