Vastu Plants: ಮನೆಯಲ್ಲಿ ಈ ಗಿಡಗಳಿದ್ರೆ ಹಣದ ಸಮಸ್ಯೆ ಬರಲ್ವಂತೆ

ಮನಿ ಪ್ಲಾಂಟ್
ಸಸ್ಯದ ಮೂಲ ಹೆಸರು ಪೊಥೋಸ್, ಆದರೆ ಈ ಸಸ್ಯವು ಮನೆಯಲ್ಲಿ ಸಮೃದ್ಧಿ ಮತ್ತು ಆರ್ಥಿಕ ಶಕ್ತಿ ಹೆಚ್ಚಿಸುವ ಕಾರಣದಿಂದ ಇದನ್ನು ಮನಿಪ್ಲಾಂಟ್ ಎಂದು ಕರೆಯಲಾಗುತ್ತದೆ. ಅಲ್ಲದೇ, ಈ ಗಿಡವು ಪಾಸಿಟಿವ್ ಎನರ್ಜಿಯನ್ನು ಹೆಚ್ಚಿಸಿ, ನೆಗೆಟಿವ್ ಎನರ್ಜಿಯನ್ನು ಹೊರ ಹಾಕಲು ಸಹಾಯ ಮಾಡುತ್ತದೆ.

ಬಿದಿರು
ವಾಸ್ತು ಮತ್ತು ಫೆಂಗ್ ಶೂಯಿ ನಿಯಮದ ಪ್ರಕಾರ ಈ ಗಿಡವು ಧನಾತ್ಮಕ ಶಕ್ತಿ, ಅದೃಷ್ಟ, ಶಾಂತಿ ಮತ್ತು ಸಮೃದ್ಧಿಯನ್ನು ಹೆಚ್ಚು ಮಾಡುತ್ತದೆ. ಇದನ್ನು ನೀವು ಮನೆಯಲ್ಲಿ ಇಟ್ಟುಕೊಳ್ಳುವುದು ಅದೃಷ್ಟವನ್ನು ತರುತ್ತದೆ. ಮುಖ್ಯವಾಗಿ ಈ ಗಿಡವನ್ನು ಬೇರೆಯವರು ಗಿಫ್ಟ್ ಮಾಡಿದರೆ ಒಳ್ಳೆಯದು.

ಜೇಡ್ ಗಿಡ
ಈ ಗಿಡದ ಬೆಳವಣಿಗೆಯು ನಿಮ್ಮ ಬೆಳವಣಿಗೆಯನ್ನು ಸೂಚಿಸುತ್ತದೆ. ಜೇಡ್ ಸಸ್ಯವು ಸ್ನೇಹ ಮತ್ತು ಬಾಂಧವ್ಯವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಅಲ್ಲದೇ ಇದು ಆರ್ಥಿಕ ಸಮಸ್ಯೆಯನ್ನು ಸಹ ನಿವಾರಿಸಲು ಸಹಕಾರಿ.

ಸ್ನೇಕ್ ಪ್ಲ್ಯಾಂಟ್
ಈ ಸ್ನೇಕ್ ಪ್ಲ್ಯಾಂಟ್ ವಾಸ್ತು ಪ್ರಕಾರ ನಿಮ್ಮ ಮನೆಯಲ್ಲಿ ಆರೋಗ್ಯ ಸಮಸ್ಯೆಗಳು ಬರದಂತೆ ತಡೆಯುತ್ತದೆ. ಇದು ವಾತಾವರಣದಲ್ಲಿರುವ ವಿಷ ಪದಾರ್ಥಗಳನ್ನು ಹೊರ ಹಾಕಲು ಸಹಾಯ ಮಾಡುತ್ತದೆ.

ಅರೆಕಾ ಪಾಮ್ ಅಥವಾ ತಾಳೆ ಗಿಡ
ವಾಸ್ತು ಮತ್ತು ಫೆಂಗ್ ಶೂಯಿ ಪ್ರಕಾರ ಈ ತಾಳೆ ಗಿಡವನ್ನು ಮನೆಯಲ್ಲಿ ಇಟ್ಟುಕೊಳ್ಳುವುದರಿಂದ ಶಾಂತಿ, ಸಮೃದ್ಧಿ ಹೆಚ್ಚಾಗುವುದಲ್ಲದೇ ಯಾವುದೇ ಸಮಸ್ಯೆಗಳು ಸಹ ಬರದಂತೆ ತಡೆಯುತ್ತದೆ.

ಪೀಸ್ ಲಿಲ್ಲಿ
ಪ್ರೀತಿ, ಶಾಂತಿ ಮತ್ತು ಸಾಮರಸ್ಯದ ಸಂಕೇತ ಈ ಲಿಲ್ಲಿ ಹೂವು . ಇದನ್ನು ಮನೆಯಲ್ಲಿ ಇಟ್ಟುಕೊಳ್ಳುವುದರಿಂದ ಕೆಟ್ಟ ಕನಸುಗಳು ಬೀಳದಂತೆ ತಡೆಯುತ್ತದೆ. ಇದು ಮನೆಯ ಅಂದವನ್ನು ಹೆಚ್ಚಿಸುವುದು ಮಾತ್ರವಲ್ಲದೇ ಆರೋಗ್ಯಕ್ಕೂ ಸಹ ಉತ್ತಮ.

ರಬ್ಬರ್ ಪ್ಲಾಂಟ್
ಈ ರಬ್ಬರ್ ಸಸ್ಯವನ್ನು ಮನೆಯಲ್ಲಿ ಇಟ್ಟುಕೊಳ್ಳುವುದರಿಂದ ಮನೆಯಲ್ಲಿ ಆರ್ಥಿಕ ಸಮಸ್ಯೆಗಳು ಬರುವುದಿಲ್ಲ. ನಿಮ್ಮ ಎಲ್ಲಾ ಕನಸುಗಳು ಸಹ ನನಸಾಗುತ್ತದೆ. ಇದರ ಜೊತೆಗೆ ಇದು ಗಾಳಿಯಲ್ಲಿರುವ ವಿಷವನ್ನು ಹೊರಹಾಕುತ್ತದೆ.

ತುಳಸಿ
ತುಳಸಿ ಅತ್ಯಂತ ಪವಿತ್ರ ಗಿಡಗಳಲ್ಲಿ ಒಂದು. ಇದು ನಮ್ಮ ಮನೆಯಲ್ಲಿ ಪಾಸಿಟಿವ್ ಎನರ್ಜಿ ಇರುವಂತೆ ನೋಡಿಕೊಳ್ಳುತ್ತದೆ. ಇದು ಮನೆಗೆ ಅದೃಷ್ಟವನ್ನು ತರುವ ಗಿಡವಾಗಿದ್ದು, ಆರೋಗ್ಯಕ್ಕೆ ಸಹ ಇದು ಪ್ರಯೋಜನಗಳನ್ನು ನೀಡುತ್ತದೆ.