Amavasya: ನಿಮ್ಮ ರಾಶಿಗೆ ಅನುಗುಣವಾಗಿ ಅಮಾವಾಸ್ಯೆಯ ದಿನ ಈ ವಸ್ತುಗಳನ್ನು ದಾನ ಮಾಡಿ

ಮೇಷ ರಾಶಿಯವರು ಅಮಾವಾಸ್ಯೆಯ ದಿನ ನೀರು, ಎಳ್ಳು ಹಾಗೂ ಪೇಪರ್ ದಾನ ಮಾಡುವುದರಿಂದ ಕೆಲ ಕೆಟ್ಟ ಶಕ್ತಿಗಳಿಗೆ ಸಂಬಂಧಪಟ್ಟ ಸಮಸ್ಯೆಯನ್ನು ನಿವಾರಿಸುತ್ತದೆ ಮತ್ತು ನಿಮ್ಮ ಆಸೆ ಈಡೇರಿಸಲು ಸಹಾಯ ಮಾಡುತ್ತದೆ.

ವೃಷಭ ರಾಶಿಯವರು ಈ ದಿನ ಪಾತ್ರೆ ಹಾಗೂ ಎಳ್ಳಿನ ಜೊತೆ ವಸ್ತ್ರವನ್ನು ಸಹ ದಾನ ಮಾಡುವುದು ಉತ್ತಮ. ಇದರಿಂದ ಬಹಳ ಒಳ್ಳೆಯದಾಗುತ್ತದೆ ಎನ್ನುವ ನಂಬಿಕೆ ಇದೆ.

ಮಿಥುನ ರಾಶಿಯವರು ಸಹ ಪ್ರತಿ ಅಮಾವಾಸ್ಯೆಯ ಸಮಯದಲ್ಲಿ ಕಲಶ, ಚಾದರ ಮತ್ತು ಛತ್ರಿಯನ್ನು ಬಡವರಿಗೆ ದಾನ ಮಾಡುವುದು ನಿಮ್ಮ ಸರ್ವ ಸಮಸ್ಯೆಗಳಿಗೆ ಪರಿಹಾರ ನೀಡುತ್ತದೆ.

ಕಟಕ ರಾಶಿಯವರು ಬಡವರಿಗೆ, ನಿರ್ಗತಿಕರಿಗೆ ಹಾಗೂ ಆಶ್ರಮಗಳಿಗೆ ನೀರಿನ ಪಾತ್ರೆ, ಸಾಬುದಾನ ಮತ್ತು ಬಟ್ಟೆಯನ್ನು ದಾನ ಮಾಡಬೇಕು. ಸುಮಾರು 3 ತಿಂಗಳು ಈ ರೀತಿ ಮಾಡುವುದರಿಂದ ನಿಮ್ಮ ಯೋಜನೆಗಳು ಪೂರ್ಣವಾಗುತ್ತದೆ.

ಸಿಂಹ ರಾಶಿಯವರು ಈ ದಿನ ಬಡವರಿಗೆ ಆಹಾರವನ್ನು ದಾನ ಮಾಡಬೇಕು. ಮುಖ್ಯವಾಗಿ ನೀರು ಮತ್ತು ಶರಬತ್ತು ದಾನ ಮಾಡುವುದು ಒಳ್ಳೆಯದು ಎನ್ನಲಾಗುತ್ತದೆ. ಇದರಿಂದ ಮನೆಯ ಆರ್ಥಿಕ ಸಮಸ್ಯೆಗಳು ನಿವಾರಣೆಯಾಗುತ್ತದೆ.

ಕನ್ಯಾ ರಾಶಿಯವರು ದೇವಸ್ಥಾನಕ್ಕೆ ಅಥವಾ ಯಾವುದಾದರೂ ಆಶ್ರಮಕ್ಕೆ ಹಣ್ಣು, ಉದ್ದಿನ ಬೇಳೆ ಹಾಗೂ ಎಣ್ಣೆಯನ್ನು ದಾನ ಮಾಡಬೇಕು. ಇದರಿಂದ ನಿಮ್ಮ ಕೆಲಸದಲ್ಲಿ ಇದ್ದ ಅಡಚಣೆ ದೂರವಾಗುತ್ತದೆ.

ತುಲಾ ರಾಶಿಯವರಿಗೆ ಕುಟುಂಬದ ಸಮಸ್ಯೆಗಳಿದ್ದರೆ ಹತ್ತಿ, ಬಟ್ಟೆ, ಸಾಸಿವೆಯನ್ನು ಬಡವರಿಗೆ ದಾನ ಮಾಡುವುದು ಸಹಾಯ ಮಾಡುತ್ತದೆ. ಅಲ್ಲದೇ ಕೆಲವರಿಗೆ ನೀವು ನೀರಿನ ಪಾತ್ರೆಗಳನ್ನು ಸಹ ದಾನ ಮಾಡಬೇಕು.

ವೃಶ್ಚಿಕ ರಾಶಿಯವರು ಅಮಾವಾಸ್ಯೆಯ ದಿನ ಆಹಾರವನ್ನು ದಾನ ಮಾಡಬೇಕು. ಅದರಲ್ಲೂ ಬೇಳೆಕಾಳುಗಳ ಖಿಚಡಿ ದಾನ ಮಾಡಿದರೆ ಹೆಚ್ಚು ಲಾಭವಿದೆ. ನಿಮಗೆ ಸಾಧ್ಯವಾದರೆ ನೀರಿನ ಮಡಕೆಗಳನ್ನು 5 ರಿಂದ 6 ಜನಕ್ಕೆ ದಾನ ಮಾಡಿ.

ಧನಸ್ಸು ರಾಶಿಯವರು ಒಂದು ಮಡಕೆಯನ್ನು ತೆಗೆದುಕೊಂಡು ಅದಕ್ಕೆ ನೀರು ತುಂಬಿಸಿ. ಆ ಮಡಕೆಯನ್ನು ವಿವಿಧ ರೀತಿಯ ಬೇಳೆ-ಕಾಳುಗಳನ್ನು ಹಾಕಿ ತುಂಬಿಸಿ ಬಡವರಿಗೆ ದಾನ ಮಾಡಿ. ಈ ರೀತಿ ಪ್ರತಿ ಅಮವಾಸ್ಯೆಯಂದು ಮಾಡುವುದು ಒಳ್ಳೆಯದಾಗುತ್ತದೆ.

ಮಕರ ರಾಶಿಯವರು ಸಹ ಪ್ರತಿ ಅಮವಾಸ್ಯೆಯಂದು ನೀರಿನ ಪಾತ್ರೆಯನ್ನು ದಾನ ಮಾಡಬೇಕು. ಅದರಲ್ಲೂ ತಾಮ್ರದ ಪಾತ್ರೆಯಲ್ಲಿ ನೀರನ್ನು ತುಂಬಿಸಿ ಕೊಡಬಹುದು.

ಕುಂಭ ರಾಶಿಯವರು ಈ ದಿನ ಸಾಬೂನು, ಬಟ್ಟೆ, ಬಾಚಣಿಗಳನ್ನು ದಾನ ಮಾಡಬೇಕು. ಅಲ್ಲದೇ ಅಮಾವಾಸ್ಯೆಯ ದಿನ ಬೆಳ್ಳಿ ಪಾತ್ರೆಯಲ್ಲಿ ನೀವು ನೀರನ್ನು ದಾನ ಮಾಡುವುದರಿಂದ ಸಮಸ್ಯೆಗಳಿಗೆ ಪರಿಹಾರ ಸಿಗುತ್ತದೆ.

ಮೀನ ರಾಶಿಯವರು ಸಹ ಅಮಾವಾಸ್ಯೆಯ ದಿನ ಹಿತ್ತಳೆ ಪಾತ್ರೆಯಲ್ಲಿ ನೀರನ್ನು ದಾನ ಮಾಡುವುದು ಅನೇಕ ರೀತಿ ಕೌಟುಂಬಿಕ ಸಮಸ್ಯೆಗಳಿಗೆ ಪರಿಹಾರ ನೀಡುತ್ತದೆ. ಅಲ್ಲದೇ, ಹತ್ತಿ ಬಟ್ಟೆ ಹಾಗೂ ಹಾಳೆಯನ್ನು ಸಹ ದಾನ ಮಾಡಬೇಕು.