Kumkum Benefits: ಮಹಿಳೆಯರು ಕಾಲಿಗೆ ಕುಂಕುಮವನ್ನು ಹಚ್ಚಿದ್ರೆ ಹಣದ ಕೊರತೆ ಆಗಲ್ಲ

ಕುಂಕುಮ ಸೌಭಾಗ್ಯದ ಲಕ್ಷಣ. ಹಾಗಾಗಿ ಮಹಿಳೆಯರು ಅದನ್ನು ಯಾವಾಗಲೂ ಧರಿಸುತ್ತಾರೆ. ಅದರಲ್ಲೂ ಮದುವೆಯಾದ ಮಹಿಳೆಯರಿಗೆ ಇದು ಬಹಳ ಶ್ರೇಷ್ಠ. ಹಾಗೆಯೇ ಇದನ್ನು ಕಾಲಿಗೆ ಹಚ್ಚಿಕೊಳ್ಳುವುದರಿಂದ ಸಹ ಹಲವಾರು ಲಾಭಗಳಿದೆ.

ಹಿಳೆಯರು ಕಾಲಿಗೆ ಕುಂಕುಮವನ್ನು ಹಚ್ಚಿಕೊಂಡರೆ ಆ ಮನೆಯಲ್ಲಿ ಯಾವುದೇ ಆರ್ಥಿಕ ಸಮಸ್ಯೆ ಆಗುವುದಿಲ್ಲ. ಪ್ರತಿದಿನ ಕಾಲಿಗೆ ಕುಂಕುಮ ಹಚ್ಚುವುದರಿಂದ ಹಣದ ಕೊರತೆ ಆಗುವುದಿಲ್ಲ ಎನ್ನುವ ನಂಬಿಕೆ ಇದೆ.

ಮದುವೆ ಆಗಿರದ ಯುವತಿಯರು ಪ್ರತಿದಿನ ಕುಂಕುಮವನ್ನು ಕಾಲಿಗೆ ಹಚ್ಚುವುದರಿಂದ ಬೇಗ ಮದುವೆ ಆಗುತ್ತದೆ. ಅಲ್ಲದೇ, ಈ ರೀತಿ ಮಾಡುವುದರಿಂದ ತಾವು ಇಷ್ಟಪಟ್ಟ ರೀತಿಯ ಸಂಗಾತಿ ಸಿಗುತ್ತಾರೆ ಎನ್ನಲಾಗುತ್ತದೆ.

ಇನ್ನು ಕುಂಕುಮ ಮಂಗಳ ಗ್ರಹಕ್ಕೆ ಸಂಬಂಧಿಸಿದ ವಸ್ತು ಎಂದು ಹೇಳಲಾಗುತ್ತದೆ. ಹಾಗಾಗಿ ಮಹಿಳೆಯರು ಕಾಲಿಗೆ ಕುಂಕುಮ ಹಚ್ಚಿಕೊಂಡರೆ ಮಂಗಳ ದೋಷ ನಿವಾರಣೆ ಆಗುತ್ತದೆ. ಅಲ್ಲದೇ ಆ ಕುಟುಂಬದವರ ದೋಷ ಸಹ ನಿವಾರಣೆ ಆಗುತ್ತದೆ.

ಈ ರೀತಿ ಕುಂಕುಮ ಇಟ್ಟುಕೊಳ್ಳುವುದರಿಂದ ನಿಮ್ಮ ವೈವಾಹಿಕ ಜೀವನದ ಸಹ ಚೆನ್ನಾಗಿರುತ್ತದೆ. ನಿಮ್ಮ ಹಾಗೂ ಸಂಗಾತಿಯ ನಡುವೆ ಯಾವುದೇ ಗೊಂದಲವಿಲ್ಲದೇ, ಸಮೃದ್ಧಿಯಿಂದ ಸಹ ತುಂಬಿರುತ್ತದೆ.

ಯಾವುದೇ ಕಾರಣಕ್ಕೂ ವಿವಾಹಿತ ಮಹಿಳೆ ದಕ್ಷಿಣ ದಿಕ್ಕಿಗೆ ಮುಖವಾಗಿ ನಿಂತು ಕಾಲಿಗೆ ಕುಂಕುಮವನ್ನು ಹಚ್ಚಿಕೊಳ್ಳಬಾರದು. ಇದರಿಂದ ಮನೆಯಲ್ಲಿ ಸಮಸ್ಯೆಗಳು ಬರುತ್ತದೆ. ಅಲ್ಲದೇ ಇದರಿಂದ ಜೀವನದಲ್ಲಿ ನೆಮ್ಮದಿ ಇರುವುದಿಲ್ಲ.

ಕಾಲಿಗೆ ಕುಂಕುಮ ಇಟ್ಟುಕೊಳ್ಳುವ ಮಹಿಳೆಯರಿಗೆ ಯಾವುದೇ ಸಮಸ್ಯೆಗಳು ಸಹ ಬರುವುದಿಲ್ಲ. ಇನ್ನು ಯಾವಾಗಲೂ ಪಾದಗಳ ಮುಂಭಾಗದಿಂd ಕುಂಕುಮವನ್ನು ಹಚ್ಚಬೇಕು.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)