Bedroom Vastu: ನಿಮ್ಮ ಬೆಡ್​ ರೂಂ ಹೀಗಿದ್ರೆ ಡಿವೋರ್ಸ್ ಗ್ಯಾರಂಟಿ

ವಾಸ್ತುಶಾಸ್ತ್ರವು ಸಾಂಪ್ರದಾಯಿಕ ಭಾರತೀಯ ವಾಸ್ತುಶಿಲ್ಪ ವ್ಯವಸ್ಥೆಯಾಗಿದೆ. ಕಟ್ಟಡಗಳ ನಿರ್ಮಾಣ ಮತ್ತು ವಿನ್ಯಾಸವು ನೈಸರ್ಗಿಕ ಮತ್ತು ಕಾಸ್ಮಿಕ್ ಶಕ್ತಿಗಳಿಗೆ ಅನುಗುಣವಾಗಿ ಹೇಗೆ ಇರಬೇಕು ಎಂಬುದನ್ನು ಇದು ಹೇಳುತ್ತದೆ. ನಿಮ್ಮ ಮಲಗುವ ಕೋಣೆಯಲ್ಲಿ ವಾಸ್ತು ಸೂತ್ರಗಳನ್ನು ಅಳವಡಿಸಲು ಕೆಲವು ಸಲಹೆಗಳು ಇಲ್ಲಿದೆ.

ಸ್ಥಳ: ಮಲಗುವ ಕೋಣೆ ಮನೆಯ ನೈಋತ್ಯ ಮೂಲೆಯಲ್ಲಿರಬೇಕು. ಮನೆ ಕಟ್ಟುವಾಗ ಈ ನಿಯಮ ಪಾಲಿಸಬೇಕು. ಆಗ ಆ ಮನೆಯಲ್ಲಿ ವಾಸ್ತು ದೋಷ ಇರುವುದಿಲ್ಲ. ಅಲ್ಲದೇ, ಸಂಬಂಧ ಸಹ ಗಟ್ಟಿಯಾಗುತ್ತದೆ.

ಬೆಡ್ ಪ್ಲೇಸ್ಮೆಂಟ್ : ಮಲಗುವ ಕೋಣೆಯಲ್ಲಿ, ಹಾಸಿಗೆಯನ್ನು ದಕ್ಷಿಣ ಅಥವಾ ಪಶ್ಚಿಮ ಗೋಡೆಯ ವಿರುದ್ಧ ಇಡಬೇಕು. ನಿಮ್ಮ ತಲೆ ಹಾಕುವ ಜಾಗ ಪೂರ್ವ ಅಥವಾ ದಕ್ಷಿಣಕ್ಕೆ ಮುಖ ಮಾಡಬೇಕು. ಆಗ ನಿದ್ರೆಯ ಸಮಸ್ಯೆ ಆಗುವುದಿಲ್ಲ.

ಪೀಠೋಪಕರಣಗಳು: ಮಲಗುವ ಕೋಣೆಯ ಮಧ್ಯದಲ್ಲಿ ಪೀಠೋಪಕರಣಗಳನ್ನು ಇಡಬೇಡಿ. ಇರಿಸಿದರೆ, ಇದು ನೆಗೆಟಿವ್ ಎನರ್ಜಿ ಹೆಚ್ಚಿಸುತ್ತದೆ. ಹಾಗಾಗಿ ಣಿವು ವಸ್ತಿಗಳನ್ನು ಗೋಡೆಗಳ ವಿರುದ್ಧ ಇರಿಸಬಹುದು. ಕೋಣೆಯ ಮಧ್ಯಭಾಗವು ಖಾಲಿಯಾಗಿರಬೇಕು.

ಬಣ್ಣಗಳು: ಮಲಗುವ ಕೋಣೆಗೆ ತಿಳಿ ಬಣ್ಣಗಳನ್ನು ಬಳಸಬೇಕು. ಅಂದರೆ ನೀಲಿ, ಹಸಿರು, ನೀಲಿಬಣ್ಣದ ಛಾಯೆಗಳನ್ನು ಬಳಸಬಹುದು. ಯಾವುದೇ ಕಾರಣಕ್ಕೂ ಗಾಢ ಬಣ್ಣಗಳನ್ನು ಬಳಸಬೇಡಿ. ಅದು ನಿಮಗೆ ಎಲ್ಲಾ ರೀತಿಯಲ್ಲೂ ಹಾನಿ ಮಾಡಬಹುದು.

ಬೆಳಕು: ಮಲಗುವ ಕೋಣೆಯಲ್ಲಿ ಹಗಲಿನಲ್ಲಿ ಸಾಕಷ್ಟು ನೈಸರ್ಗಿಕ ಬೆಳಕು ಇರಬೇಕು. ಹಾಗೆಯೇ, ರಾತ್ರಿ ಯಾವುದೇ ರೀತಿ ಡಾರ್ಕ್ ಲೈಟಿಂಗ್ ಇರಬಾರದು. ಇದು ಮನೆಯಲ್ಲಿ ಒತ್ತಡವನ್ನು ಹೆಚ್ಚಿಸುತ್ತದೆ. ಹಾಗಾಗಿ ಮಾನಸಿಕ ಆರೋಗ್ಯದ ದೃಷ್ಟಿಯಿಂದ ಲೈಟ್ ಮಂದವಾಗಿರಲಿದೆ.

ರೂಂ ಸ್ವಚ್ಛವಾಗಿರಬೇಕು: ಮಲಗುವ ಕೋಣೆಯಲ್ಲಿ ಹರಗಾಣ ಇರದಂತೆ ನೋಡಿಕೊಳ್ಳಿ. ಹೆಚ್ಚು ವಸ್ತಗಳನ್ನು ತುಂಬಬೇಡಿ. ಇದು ನೆಗೆಟಿವ್ ಎನರ್ಜಿಯನ್ನು ಹೆಚ್ಚಿಸುತ್ತದೆ. ಅಲ್ಲದೇ ಮನೆಯಲ್ಲಿ ಪಾಸಿಟಿವ್ ಎನರ್ಜಿ ಹರಿವನ್ನು ತಡೆಯುತ್ತದೆ. ಹಾಗಾಗಿಮಲಗುವ ಕೋಣೆಯನ್ನು ಸ್ವಚ್ಛವಾಗಿ ಮತ್ತು ಅಚ್ಚುಕಟ್ಟಾಗಿ ಇಡಬೇಕು.

ಕನ್ನಡಿ: ಕನ್ನಡಿಗಳನ್ನು ನೇರವಾಗಿ ಹಾಸಿಗೆಯ ಮೇಲೆ ಇಡಬೇಡಿ. ಇದು ನಿದ್ರೆಯ ಸಮಸ್ಯೆಯನ್ನು ಉಂಟು ಮಾಡುತ್ತದೆ. ಅಲ್ಲದೇ, ಹಾಸಿಗೆಯ ಎಡಭಾಗದಲ್ಲಿ ಕನ್ನಡಿ ಮತ್ತು ಕನ್ನಡಿ ಟೇಬಲ್ ಅನ್ನು ಇಟ್ಟರೆ ಉತ್ತಮ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)