Shani-Surya Yuti: ಶನಿ - ಸೂರ್ಯ ಸಂಯೋಗ, 5 ರಾಶಿಯವರಿಗೆ ತೊಂದರೆ ಶುರು

ಫೆಬ್ರವರಿ 13, 2023 ರಂದು ಬೆಳಗ್ಗೆ 08.21 ಗಂಟೆಗೆ, ಸೂರ್ಯನು ಕುಂಭ ರಾಶಿಯನ್ನು ಪ್ರವೇಶಿಸುತ್ತಾನೆ. ಅಲ್ಲಿ ಶನಿಯ ಜೊತೆ ಸಂಯೋಗವಾಗಲಿದೆ. ಮಾರ್ಚ್ 15, 2023 ರಂದು, ಸೂರ್ಯನು ಕುಂಭ ರಾಶಿಯಲ್ಲಿ 06:13 AM ವರೆಗೆ ಇರುತ್ತಾನೆ. ಅದರ ನಂತರ ಮುಂದಿನ ರಾಶಿ ಅಂದರೆ ಮೀನ ರಾಶಿಯನ್ನು ಪ್ರವೇಶಿಸುತ್ತಾನೆ. ಸೂರ್ಯ-ಶನಿ ಸಂಯೋಗದ ಸಮಯದಲ್ಲಿ ಕೆಲವು ರಾಶಿಗಳಿಗೆ ಕಷ್ಟ ಎದುರಾಗಲಿದೆ.

ವೈದಿಕ ಜ್ಯೋತಿಷ್ಯದ ಪ್ರಕಾರ, ಶನಿಯ ಚಲನೆಯು ತುಂಬಾ ನಿಧಾನವಾಗಿರುತ್ತದೆ. ಇದರಿಂದ ಈಗಾಗಲೇ ಅನೇಕ ರಾಶಿಯವರಿಗೆ ಕಷ್ಟ ಆರಂಭವಾಗಿದೆ. ಆದರೆ ಈಗ ಸೂರ್ಯ ಹಾಗೂ ಶನಿಯ ಸಂಯೋಗದಿಂದ ಇನ್ನೂ ಸಮಸ್ಯೆ ಹೆಚ್ಚಾಗುತ್ತದೆ.

ಕರ್ಕಾಟಕ: ನಿಮ್ಮ ಜಾತಕದ ಎಂಟನೇ ಮನೆಯಲ್ಲಿ ಶನಿ ಮತ್ತು ಸೂರ್ಯನ ಸಂಯೋಗವು ಆರ್ಥಿಕ ನಷ್ಟವನ್ನು ಉಂಟುಮಾಡುತ್ತದೆ. ಹಾಗಾಗಿ ಈ ಸಮಯದಲ್ಲಿ ಅನಿವಾರ್ಯವಾಗಿ ನೀವು ದೊಡ್ಡ ಹೂಡಿಕೆಯನ್ನು ಮಾಡಬೇಕಿದ್ದರೆ, ಅದನ್ನು ಬಹಳ ಎಚ್ಚರಿಕೆಯಿಂದ ಮಾಡಿ, ಏಕೆಂದರೆ ನಷ್ಟ ಉಂಟಾಗುವ ಅಪಾಯವಿದೆ. ಈ ಸಂಯೋಗವು ನಿಮ್ಮ ಆರೋಗ್ಯಕ್ಕೆ ಹಾನಿಕಾರಕವಾಗಿದೆ.

ಸಿಂಹ: ಏಳನೇ ಮನೆಯಲ್ಲಿ ಸೂರ್ಯ-ಶನಿ ಸಂಯೋಗದಿಂದ ವೈವಾಹಿಕ ಜೀವನದಲ್ಲಿ ಸಮಸ್ಯೆ ಹೆಚ್ಚಾಗುವ ಸಾಧ್ಯತೆಯಿದೆ. ಹಾಗಾಗಿ ನೀವು ಎಚ್ಚರಿಕೆಯಿಂದ ಮುಂದುವರಿಯಬೇಕು, ಇಲ್ಲದಿದ್ದರೆ, ನಿಮ್ಮ ನಡುವಿನ ಚರ್ಚೆ ಕಾನೂನು ಸಮಸ್ಯೆ ಉಂಟು ಮಾಡುತ್ತದೆ. ಸಿಂಹ ರಾಶಿಯ ಜನರು ಈ ಸಮಯದಲ್ಲಿ ಹೆಚ್ಚು ಜಾಗರೂಕರಾಗಿರಬೇಕು, ಆರ್ಥಿಕವಾಗಿ ಸಹ ಸಮಸ್ಯೆಗಳು ಬರಬಹುದು. ಯಾವುದೇ ಕಾನೂನುಬಾಹಿರ ಕೆಲಸ ತಿಳಿಯದೇ ನಡೆಯುವ ಸಾಧ್ಯತೆ ಸಹ ಇದೆ. ಯಾರನ್ನೂ ಕುರುಡಾಗಿ ನಂಬಬೇಡಿ ಏಕೆಂದರೆ ನಿಮ್ಮ ಸ್ನೇಹಿತ ನಿಮಗೆ ಮೋಸ ಮಾಡಬಹುದು.

ಕನ್ಯಾ: ಈ ರಾಶಿಯ ಜಾತಕದ ಆರನೇ ಮನೆಯಲ್ಲಿ ಸೂರ್ಯ-ಶನಿ ಸಂಯೋಗವಿದೆ. ಈ ಎರಡು ಗ್ರಹಗಳು ನಿಮ್ಮ ಆರನೇ ಮನೆಯಲ್ಲಿ ಶತ್ರು ಹಂತ ಯೋಗವನ್ನು ಸೃಷ್ಟಿಸುತ್ತವೆ, ಆದರೂ ಇವೆರಡರ ಸಂಯೋಗವು ನಿಮಗೆ ಸಮಸ್ಯೆ ತರುತ್ತದೆ. ಆರ್ಥಿಕವಾಗಿ, ನಿಮ್ಮ ವೆಚ್ಚಗಳು ಗಮನಾರ್ಹವಾಗಿ ಹೆಚ್ಚಾಗುವ ಸಾಧ್ಯತೆಯಿದೆ. ಅಲ್ಲದೇ, ನಿಮ್ಮ ವೈವಾಹಿಕ ಬದುಕಿನಲ್ಲಿ ಸಹ ಸಮಸ್ಯೆ ಬರುತ್ತದೆ.

ವೃಶ್ಚಿಕ: ನಿಮ್ಮ ಜಾತಕದ ನಾಲ್ಕನೇ ಮನೆಯಲ್ಲಿ ಸೂರ್ಯ ಮತ್ತು ಶನಿ ಸಂಯೋಗ ಇದ್ದು, ನಿಮ್ಮ ಕೌಟುಂಬಿಕ ಜೀವನದಲ್ಲಿ ಘರ್ಷಣೆ ಉಂಟಾಗಬಹುದು. ಕೌಟುಂಬಿಕ ಸಮಸ್ಯೆಗಳ ಪರಿಣಾಮವಾಗಿ ನಿಮ್ಮ ವೃತ್ತಿ ಜೀವನದಲ್ಲಿ ಸಹ ಸಮಸ್ಯೆ ಆಗುತ್ತದೆ. ವೈಯಕ್ತಿಕ ಮತ್ತು ವೃತ್ತಿಪರ ಜೀವನದ ನಡುವೆ ಸಮತೋಲನವನ್ನು ಕಾಪಾಡಿಕೊಳ್ಳಲು ನೀವು ನಿಮ್ಮ ಕೈಲಾದಷ್ಟು ಪ್ರಯತ್ನಿಸಬೇಕು, ಇಲ್ಲದಿದ್ದರೆ, ನೀವು ಮಾನಸಿಕ ಒತ್ತಡದಿಂದ ಬಳಲುತ್ತೀರಿ, ಹಾಗಾಗಿ ಆರೋಗ್ಯದ ಕಡೆ ವಿಶೇಷ ಗಮನ ಕೊಡಿ.

ಕುಂಭ: ಸೂರ್ಯ ನಿಮ್ಮ ಲಗ್ನ ಮನೆಯಲ್ಲಿ ಸಾಗುತ್ತಾನೆ ಮತ್ತು ಶನಿ ಈಗಾಗಲೇ ಇದ್ದಾನೆ, ಆದ್ದರಿಂದ ಈ ಎರಡು ಗ್ರಹಗಳ ಸಂಯೋಗವು ನಿಮ್ಮ ಲಗ್ನ ಮನೆಯಲ್ಲಿ ನಡೆಯುತ್ತದೆ. ಈ ಹಂತದಲ್ಲಿ ನೀವು ಎಚ್ಚರಿಕೆಯಿಂದ ಹೆಜ್ಜೆ ಹಾಕಬೇಕು, ಇಲ್ಲದಿದ್ದರೆ ನೀವು ತೊಂದರೆಗೆ ಸಿಲುಕಬಹುದು. ಆರೋಗ್ಯದ ವಿಷಯದಲ್ಲಿ, ನೀವು ನಿಮ್ಮ ಲೈಫ್ ಸ್ಟೈಲ್ ಕಡೆ ಗಮನಕೊಡಬೇಕು. ಇಲ್ಲದಿದ್ದರೆ, ನೀವು ತಲೆನೋವು, ಜ್ವರ ಮತ್ತು ತಲೆತಿರುಗುವಿಕೆ ಸಮಸ್ಯೆ ಬರಬಹುದು. ಇದರ ಜೊತೆಗೆ ನಿಮ್ಮ ವೈವಾಹಿಕ ಜೀವನದಲ್ಲಿ ಏರಿಳಿತಗಳಾಗುತ್ತದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)