Special Temple: ಈ ನೀರಿನಲ್ಲಿ ಸ್ನಾನ ಮಾಡಿದ್ರೆ ಚರ್ಮ ರೋಗ ಬರಲ್ವಂತೆ

ರಾಮಾಯಣ ಮಹಾಕಾವ್ಯ, ಇದು ಶ್ರೇಷ್ಠ ಕಾವ್ಯ ಎಂಬುದರಲ್ಲಿ ಯಾವುದೇ ಅನುಮಾನವಿಲ್ಲ. ರಾಮಾಯಣದಲ್ಲಿ ಹೇಳಲಾದ ಘಟನೆಗಳ ಅನೇಕ ಸ್ಥಳಗಳು ದೇಶದಲ್ಲಿದೆ. ಹಾಗೆಯೇ, ಅಲ್ಲಿನ ರಾಮಮಂದಿರಗಳು ಅಪಾರ ಭಕ್ತಿಯ ಪ್ರತೀಕವಾಗಿದೆ ಕೂಡ,

ಈ ರಾಮಯಾಣದಲ್ಲಿ ಹೇಳಿರುವ ಸ್ಥಳಗಳಲ್ಲಿರುವ ರಾಮಮಂದಿರಗಳಿಗೆ ನಾವು ಭೇಟಿ ನೀಡಿದಾಗ, ಅಲ್ಲಿನ ಲೀಲೆ ಹಾಗೂ ವಿಶೇಷತೆಗಳ ಬಗ್ಗೆ ತಿಳಿದಾಗ ಎಲ್ಲವೂ ರಾಮಮಯ ಎಂದು ಅನಿಸದೇ ಇರದು.

ಪ್ರಾಚೀನ ಇತಿಹಾಸದಲ್ಲಿ ಬಕ್ಸರ್ ಉಲ್ಲೇಖವಿದೆ. ಇದು ಶ್ರೀರಾಮನ ಗುರು ವಿಶ್ವಾಮಿತ್ರ ತಮ್ಮ 8 ಸಾವಿರ ಸನ್ಯಾಸಿಗಳೊಂದಿಗೆ ನಿರ್ಮಿಸಿದ ಪವಿತ್ರ ಆಶ್ರಮಸ ಪ್ರದೇಶ ಎಂದು ಹೇಳಲಾಗುತ್ತದೆ. ಶ್ರೀರಾಮನು ಈ ಪ್ರದೇಶದಲ್ಲಿ ತಾಟಕಿ ಎಂಬ ರಾಕ್ಷಸಿಯನ್ನು ಕೊಂದ ಎನ್ನಲಾಗುತ್ತದೆ.

ಮಿನಿ ಕಾಶಿ ಎಂದು ಕರೆಯಲ್ಪಡುವ ಬಕ್ಸಾರ್ ಜಿಲ್ಲೆಯು ತನ್ನ ಶ್ರೀಮಂತ ಇತಿಹಾಸದ ಕಾರಣದಿಂದಾಗಿ ಬಹಳ ಮುಖ್ಯವಾಗಿದೆ. ಪುರಾಣಗಳ ಪ್ರಕಾರ ಇಲ್ಲಿ ಅನೇಕ ಆಶ್ರಮಗಳಿದ್ದವು. ಈ ಭೂಮಿಯನ್ನು ಮಹರ್ಷಿ ವಿಶ್ವಾಮಿತ್ರನ ವಾಸಸ್ಥಾನವೆಂದು ಸಹ ಪರಿಗಣಿಸಲಾಗುತ್ತದೆ.

ಜಿಲ್ಲೆಯ ಮಧ್ಯಭಾಗದಲ್ಲಿರುವ ಸ್ಟೇಷನ್ ರಸ್ತೆಯ ಬಳಿ ಕವಾಲ್ಡಾ ಎಂಬ ಸರೋವರವು ಇನ್ನೂ ಅಸ್ತಿತ್ವದಲ್ಲಿದೆ, ಅದರ ಬಗ್ಗೆ ಅನೇಕ ನಂಬಿಕೆಗಳು ಸಹ ಇದೆ. ಈ ಸರೋವರದ ನೀರಿನಲ್ಲಿ ಸ್ನಾನ ಮಾಡುವುದರಿಂದ ಚರ್ಮರೋಗಗಳು ವಾಸಿಯಾಗುತ್ತದೆ ಎಂಬುದು ಜನರ ನಂಬಿಕೆ.

ನೂರಾರು ವರ್ಷಗಳಿಂದ ಅಮಾವಾಸ್ಯೆ, ಹುಣ್ಣಿಮೆಯಂದು ಭಕ್ತರು ಈ ಕೆರೆಯಲ್ಲಿ ಸ್ನಾನ ಮಾಡಿ ಚರ್ಮರೋಗಗಳಿಂದ ಮುಕ್ತಿ ಪಡೆಯುತ್ತಾರೆ ಎಂದು ಹೇಳಲಾಗುತ್ತದೆ. ಆದರೆ, ಕಳೆದ ವರ್ಷದಿಂದ ಕೆರೆಯಲ್ಲಿ ಗಲೀಜು ನೀರು ಇರುವುದರಿಂದ ಭಕ್ತರ ಸಂಖ್ಯೆ ಗಣನೀಯವಾಗಿ ಕಡಿಮೆಯಾಗಿದೆ. ಸ್ಥಳೀಯ ಜನಪ್ರತಿನಿಧಿಗಳು ಹಾಗೂ ಜಿಲ್ಲಾಡಳಿತದ ನಿರಾಸಕ್ತಿಯಿಂದಾಗಿ ಈ ಕೆರೆಯ ಅಸ್ತಿತ್ವಕ್ಕೆ ಗ್ರಹಣ ಹಿಡಿದಿದೆ.

ದಂತಕಥೆಯ ಪ್ರಕಾರ, ಬಕ್ಸರ್ ಅನ್ನು ವ್ಯಾಘ್ರಸರ್ ಎಂದೂ ಕರೆಯಲಾಗುತ್ತಿತ್ತು, ಅದು ನಂತರ ಬಕ್ಸರ್ ಆಯಿತು. ವೇದಶಿರ ಋಷಿ ಈ ಸರೋವರದಲ್ಲಿ ಸ್ನಾನ ಮಾಡಿದಾಗ ಅವರ ಶಾಪ ವಿಮೋಚನೆಯಾಯಿತು ಎಂದು ಪುರಾಣದಲ್ಲಿ ಉಲ್ಲೇಖವಿದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)